社會事
有打工仔投稿至Facebook專頁「奴工處」，分享公司奇葩事件，指日前參加公司周年晚宴，其間有項表演內容令他感到非常不解。上司要求10多名業績表現差的員工上台，兩人一組當眾互摑。「台下所有人睇到呆晒」，他更憂慮：「唔知咁做係咪犯法呢？」
奴工處FB圖片
帖文引起嘩然，有網民直言，「佢哋又真係摑先係大問題」、「打份工，唔使搞成咁掛」、「哪間保險公司呀！若果係我買嗰間就即刻取消佢間公司保單！」
Unsplash設計圖片
也有人質疑事件真實性，並認為此事未必犯法但是侮辱性極強，「這間公司太狠啦，竟然將員工當成玩具一樣玩」、「咁傷唔傷要claim返醫療？」
Unsplash設計圖片
有網民嘲諷互摑員工奴性重，對上司言聽計從，「佢哋會話：感謝公司給予我進步的機會、機會是給予勇於走出第一步的人、離開舒適圈。」
資料圖片
有網民則認為事態嚴重，應立即報告勞工處及辭職，「如果現實真係遇到呢啲情況，勞工處見」、「即刻搵工，唔好諗」、「如果係我死都唔摑，即場炒我囉。」
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
