暴雨下鐵騎後座視角體驗「乘風破浪」 電單車馬路衝浪影片震撼網民

天文台25日發出今年首個黃色暴雨警告信號，多區應聲水浸。網民上載一段短片，見到道路水浸下，鐵騎士在土瓜灣駕車穿過水氹濺起大量水花。由於影片角度「好有打機feel」，觀眾如後座乘客與司機一同顛簸，網民興奮大呼感覺「好震撼」。

鐵騎士在土瓜灣駕車穿過水氹濺起大量水花。網上截圖

樓主以「今日土瓜灣……真•水上電單車！」為題，上載長14秒的「水為財」短片。回應的網民指像在「水上樂園」玩，「乘風破浪」、「如入無人之境」，似「摩西分紅海，令我諗起『海底奇兵』」。另有人表示「睇落好玩呀。不過好牙煙咁」、「啲水浸到好似真係玩緊水上電單車咁」，指「揸電單車要著水鞋泳衣」，並關心「有冇著救生衣？」、「底褲有冇濕？」。

影片角度「好有打機feel」。網上截圖

睇片一同顛簸14秒。網上截圖

由於見到車頂有篷像「泰國篤篤」，網民於是將此車形容為「香港篤篤」、「唔講以為去咗泰國玩篤篤」、「唔知以為你喺泰國玩水上電單車」，有人還從實際角度分析頂篷的作用，稱「其實個頂只係防到個頭唔濕」。

觀眾如後座乘客，與司機一同顛簸。網上截圖

網民形容為「香港篤篤」。網上截圖

有眼尖的網友卻發現，鐵騎士「唔戴頭盔」、「師兄你未帶頭盔」，有人回應指「無帶頭盔，應該係三輪車」。對於拍攝角度，有網友「好想知個cam裝依個位，淨影後尾枕有咩用？」，有人則指「初頭以為係p圖」、「好有打機feel」、「呢個角度好正」。另有人佩服「好嘢喎師兄架車冇死火」、「勁，咁重平衡都冇跌車」、「唔炒有料到」。

有網友發現鐵騎士「唔戴頭盔」。網上截圖

有網友「好想知個cam裝依個位，淨影後尾枕有咩用？」。網上截圖

有網民「初頭以為係p圖」。網上截圖

水花四濺。網上截圖

樓主以「今日土瓜灣……真•水上電單車！」為題上載短片。網上截圖

網民指「揸電單車要著水鞋泳衣」。網上截圖

有網友「初頭以為係p圖」。網上截圖

網民發現「師兄你未帶頭盔」。網上截圖

鐵騎士過氹水花飛濺 睇片一同顛簸14秒震撼網民

有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。

的士誤衝屋苑消防通道

有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。

突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。

(FB圖片）

狗仔當場被撞斃 男童則擦傷

不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。

(FB圖片）

事主留言還原真相

帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。

(FB圖片）

(FB圖片）

網民大罵的士司機

不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。

亦有網民批評事主無用狗繩

不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」

事主解釋為何未用狗繩

樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。

(FB圖片）

帖文來源： 「車cam L（香港群組）」