清明一家出動拜「阿哥女友啲先人」 網民費解：Over咗

清明節掃墓，有可能演變成男家與女家之間的角力。有網友以「連阿哥女朋友啲先人我哋都要去拜……」為題，在網上「香港討論區」發文，認為「陌生人無端端走去拜佢哋唔奇怪咩？」。

清明節掃墓，有可能演變成男家與女家之間的角力。資料圖片

有網友以「連阿哥女朋友啲先人我哋都要去拜……」為題發文。資料圖片

不少網民認為雙方大纜址唔埋，「禮多人都怪」，直接以「睬佢都傻」4個字KO；隨和的網友則息事寧人，建議樓主「當旅行」算數。

清明將至，樓主指「我屋企一早拜晒山，今日阿爸send whatsapp話今個星期六又要去拜山。諗唔到仲有咩山好拜？咪問佢哋之前唔係拜晒啦咩？阿爸打電話嚟話我：咩呀，上個星期咪講好咗同你阿哥女朋友一齊去拜佢啲親戚囉。

有隨和的網民則指，「如果拜完有乳豬食就冇所謂」。資料圖片

有隨和的網民指「當旅行」。資料圖片

清明將至。資料圖片

樓主續稱，「我根本就唔知佢哋有講好，因為佢哋上個星期自己約咗出街食飯都冇預我。又未結婚點解連阿哥女朋友啲先人都要照顧埋，我連阿哥女朋友都唔熟，點解我都要去一齊拜？對啲先人嚟講我哋係陌生人人，無端端走去拜佢哋唔奇怪咩？」；並補充，有關的「先人係阿哥女朋友個阿叔個老婆」，並查詢「即係咩輩份」。

有網友直指「唔識的根本沒必要拜」。資料圖片

回應的網民打過算盤後指，有關先人即係「你阿哥未來外父細佬個老婆」、「阿嬸」，但認為情況「確實讓人費解」，反問「就算你阿哥同佢女朋友結咗婚，都好似唔關你同你父母事喎，定係你父母太過熱情？」、「你阿哥去拜都算，你老豆老母都要去拜係咩事」，另有人問「係咪已經係差唔多結婚？」。樓主也稱，「我都覺得呀，佢哋覺得係一家人先會去拜，但未結婚，一咩家人」。

清明節掃墓，有可能演變成男家與女家之間的角力。資料圖片

有網友直指做法「Over咗」，因「唔識的根本沒必要拜」、「你亞哥戇居，你亞爸太無聊，如果你去就白痴」、「其實唔應該去，因為同佢先人生前冇交流，而家又唔係你長輩，根本冇必要去」、「禮多人都怪」、「睬佢都傻」。有隨和的網民則指，「如果拜完有乳豬食就冇所謂」、「當打個招呼，如果係原居民可能有利是同燒肉派」、「當旅行」。

帖文來源：香港討論區

樓主原文。網上截圖

日前是聖誕節，許多人都已準備好與親友聚會並互換禮物。一位女生在社交平台發文，直呼自己抽到「最強聖誕交換禮物」。原來有人靈機一動，將早年網上爆紅的「可樂之光」事件為靈感，準備了一堆罐裝飲料和瓶裝水，還特意用保鮮盒裝不足一罐的飲品當作禮物，逗得網民笑到不行。

一名女生在社交平台發文，直呼自己抽到「最強聖誕交換禮物」。資料圖片

聖誕換禮還原「可樂之光」爆笑事件

樓主在社交平台Threads發帖，興奮表示「我願稱之為最強聖誕交換禮物」。從她分享的照片可見，有人參加聖誕交換禮物時準備了多罐飲料及瓶裝水，甚至把不到一罐的飲品倒進保鮮盒，乍看之下好像沒什麼，但她再補上一張當年瘋傳的對話截圖，瞬間讓不少香港人爆笑。

聖誕換禮還原「可樂之光」爆笑事件。當事人帖文截圖圖片

早年流傳船家訂飲品烏龍事件

事關這份禮物的創意其實來自多年前的一樁趣事。當事有人要在魚排舉辦活動，便向船家訂購飲料，在WhatsApp列出清單：「1.48枝330ml水；2.36罐正常Coca Cola；3.24盒檸檬茶；4.24盒菊花茶；5.24罐寶礦力；6.18罐玉泉忌廉；7.6罐Coke Light」，小數點前是項目編號，後面才是實際數量。

早年流傳船家訂飲品烏龍事件。當事人帖文截圖圖片

船家誤把小數點前後數字連在一起看

可能因為訊息沒空格，船家直接把小數點前後數字合併解讀，困惑地留下語音，「我其實查咗好耐字典，我查到你哋7.6罐嗰度係叫可樂之光，但係我哋無可樂之光呢個產品，你可唔可以轉第二樣嘢呢」。

事件從此被網民戲稱「可樂之光」

船家後來才醒悟，再發語音自嘲「好大鑊呀宜家搞到，全城都講緊呢個話題，1.48，2.36大鑊喇，宜家我個仔載我去睇精神科呀要」。當時這段對話和語音在網上瘋傳，事件從此被網民戲稱「可樂之光」，直到現在仍常被拿出來回味。

網民讚：有得飲之餘仲送保鮮盒

網民看完狂讚送禮者創意爆棚。資料圖片

網民看完狂讚送禮者創意爆棚，「有料」、「出色」、「傑出的潮文現實化」、「真係大癲！」、「幾有心」、「絕對最強」、「睇到啲保鮮盒就知你地real癲」、「幾實用，有得飲之餘仲送保鮮盒」、「想要了」，還有人打趣「抽到嗰個要去睇精神科」。