Skip to Content Facebook Feature Image

庹縮港男紅事當白事搞 殯儀館名義擺慳錢婚禮

社會事

庹縮港男紅事當白事搞 殯儀館名義擺慳錢婚禮
社會事

社會事

庹縮港男紅事當白事搞 殯儀館名義擺慳錢婚禮

2023年03月30日 15:27 最後更新:16:01

慳家無極限!有網民發帖公審庹縮港男,居然將「婚事當白事搞」,唔怕大吉利是,竟以殯儀館名義搲著數,終極慳到一個匪夷所思的金額,令人側目。

連登討論區截圖

連登討論區截圖

該網民3月30日在連登討論區發帖,帖題為「新婚夫婦度縮婚禮 紅事當白事搞 兄弟都冇面俾」樓主指,該對度縮港男,今次結婚,女家是做開白事生意,他細數這位絶世「度縮」港男的非一般婚禮。

樓主坦言「我都忍得你耐」,首先細數這位朋友過去「度縮孤寒」、「貪小便宜」一面。那是一次朋友之間的旅行,該位度縮朋友跟樓主「玩人哋塊面」、「玩到人哋起火唔識收手」。到要「趕住搭飛機」,「你就臨搭捷運又話要買多幾樣嘢,搞到爭啲趕唔切搭架飛機。」樓主表示,該港男後來識到女朋友,就「係我面前亂咁話人哋葡萄你。」樓主指該港男朋友講慣大話,擔任巴士車長期間,話識「大老細」好快升職,結果「人哋就根本想做死你。」該港男其後轉另一間巴士公司,撞車都唔識報警,做通宵更又提早近一個半小時回家。

樓主提到港男搞婚禮,說好一齊討論點搞,「但你就咩都唔做約癱咗係張床。」「問你點求婚,你就話企係度向人哋求婚,問你邊個幫手拍片,初時就話邊需要拍片。求婚求到你咁前衛,要人教你先識得單膝跪地求婚,我都真係第一次見。」樓主帖文暗示該港男很可能是巴士車長,因此喜歡巴士,但影結婚相「連畀錢租架巴士嚟影婚紗相都慳返。」「着晒裙褂西裝走去巴士總站,求其搵架巴士影相,(你)唔老尷我都尷啦!」

貼文截圖

貼文截圖

樓主接著談婚禮當日情況。首先,婚禮當日的行程左改右改,「亂到飛起」,「我哋問你行程,你都唔知道個行程係點。」然後當兄弟是工人,「咩都我哋搬,幫手拎少少好輕嘅嘢都唔肯,落緊雨又唔肯幫我哋擔遮,全部隔岸觀火。」樓主又透露,該港男不願為兄弟租伴郎衫,因為嫌「$500好貴」,而伴娘件靚裙因為租得太平「未夠一朝就壞不斷跌」,「畀多少少錢搵間好啲嘅都唔得。」該港男又拒絕為伴娘伴郎提供休息室,「拉走啲幫手既兄弟,14:30叫人哋出去自己去搵新嘢搞,16:30前返嚟。」兄弟出去不久,又短訊要提前15:15要返到酒店,「家陣我哋係咪醫生?on call 36小時?」

樓主又指,該位港男婚禮當日利是相當縮皮,相當「友情價」,樓主當日擔任婚禮司儀,「女家畀$20,男家畀$100」,其後「女家再送多$20畀我。」「宵夜我仲要倒貼$100出嚟。」樓主上網查過,司儀利是可以收到$500。樓主批評:「好心咪咁度縮啦,仲以為我哋收晒你錢,就要做到成隻狗咁既樣任勞任怨。」該港男結婚請帖在結婚當日才派給他們,「話開間房畀我哋瞓」,結果只是兩間雙人床房,「我呢啲單丁嘅就焗住瞓浴缸。」

貼文截圖

貼文截圖

樓主透露該港男終極度縮招數,不租花車,又竟以殯儀館名義租旅遊巴,樓主指女家做開白事生意。「旅遊巴就用殯儀館嘅名義去做,畀個司機問我哋究呢單係紅事定白事,真係大吉利是,百無禁忌。」該港男終極縮皮招數用盡,樓主指出,一般婚禮要用4、50萬,但今次該港男竟可以便宜一大半,縮到只用20萬,換言之,慳到最少20萬。樓主幽默地指該港男朋友「不如索性係老本行個度搞婚禮咪算囉,又新穎又平,實有折㗎喎。」

樓主表示,「可能有人話我,佢咁衰就一早走啦」,「始終呢啲係我嘅責任,就算我幾火都好,我都會努力做埋場戲去!」

用殯儀館名義租旅遊車有折扣嗎?

有網民指出,用殯儀館名義租旅遊車,應該是由於女方做開白事生意,「應該係自己殯儀舖有相熟旅遊巴公司,當係平時生意合作就平過出街搵其他公司。」因此較便宜,一般人應該沒有分別。

網民對事件議論紛紛,不少人對於港男為慳皮「用殯儀館名義租車真係超級黐線」「笑到移動唔到。」「好樣衰。」「發死人財。」、有網民笑指到賀做人情,「封返份吉儀俾佢就差唔多。」不少人認為以港男終極慳皮能力,最終婚事仍要付20萬,不算厲害,「咁都要廿萬?」有網民驚訝樓主「咁都仲幫落去」,認為應該一早絶交。有網民則指,該港男在司儀利是方面並無「慳皮」,公價司儀利是收$100至$500,樓主亦收了$140。有網民則支持港男,認為省錢沒有不妥,「最緊要開心。」他只是貫徹「應使得使生活態度。」

貼文截圖

貼文截圖

往下看更多文章

油塘酒樓1人坐卡位遭收3茶錢 食客嬲爆:枱又唔執錢就識收

2024年03月29日 12:30 最後更新:11:00

食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

該食客於Facebook群組「油塘人之家」發文,表示日前到油塘大本型商場內某酒樓用膳,甫進入內,一位侍應示意他入座,當時樓主見現場未滿座,而且大部枱未有人清理,於是找了一張4人卡座獨自坐下,怎料侍應隨即走到他面前,收起碗筷,並告知他需要付3人的茶芥費用「仲要大大聲話公司規定」。樓主非常氣憤,於是拍枱走人「枱又唔執錢就識收,真係頂唔順即走,本地消費真係靠晒佢哋」。

從樓主上載的照片可見,酒樓的確張貼出告示,說明因座位有限,1至2人選擇坐4人卡座,需付最少3位茶芥。

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

帖文曝光後,有網民到訪該酒樓的類似經歷「我都試過,當日已是下午茶時間,且茶客稀少嘅!我哋兩位,選擇卡座位,我都俾職員提醒,要收多1位茶錢嘅!真是創意無限」、「我今日都同樓主一樣經歷,入去話一位,個職員話有位就坐,但張張都坐左人。一係就未執枱」、「領教過晚飯1次。餐牌太多規矩。服務態度差。唔會再去」。

不少網民批評酒樓的做法。(Getty圖片)

不少網民批評酒樓的做法。(Getty圖片)

雖然不少網民批評酒樓的做法「趕客之都果然名不虛傳」、「最簡單,唔好幫襯,等佢執」;不過亦有人表示「如果俾三位茶錢而冇其他人搭枱,我都可以接受」、「佢個卡位係可以望出睇到街景,坐得闊落d唔使搭枱,上次我兩位入座照比佢,黃昏食住睇日落靚景,我覺得冇所謂」、「係咪唔會被搭枱?如果是的話,我會比」。

有人則表示如果座位舒適又不用搭枱的話,會願意多付茶芥。(Getty圖片)

有人則表示如果座位舒適又不用搭枱的話,會願意多付茶芥。(Getty圖片)

帖文來源:Facebook群組「油塘人之家

你 或 有 興 趣 的 文 章