博客文章
全國人大和政協兩會結束，之前的地方省市政協會議都開完，Ariel 聽到不少故事。
富豪自己做完政協，都熱衷搵仔女接班，但現在莫講係全國政協，即使地方省市政協，都唔係話接班就俾你接班，而且接咗班都唔一定係好事。
話說有個太子女，今屆做咗某直轄市政協。而家呢啲位都唔容易搵，不過太子女就唔太珍惜，開會都唔係幾想去。
太子女開會無到，市政協官員就打電話搵佢，點知只係回咗一句話：「你搵我秘書啦」，市政協官員俾佢吹脹。
呢個故仔喺呢個市政協內，傳到開晒巷。大家都認為，太子女雖然年青，但如果繼續係咁嘅風格，下屆市政協都唔會搵佢做。
有富豪私下感嘆，佢哋呢一代到自己做咗全國政協或省市政協，自己退休之後，都好想仔女接班做政協。千辛萬苦推咗仔女上去，但佢哋可能完全冇興趣，老竇叫到就勉強去做，結果唔去開會有之、唔去考察有之、唔去學習有之，成為負面人版，真係唔知點算。
Ariel
** 博客文章文責自負,不代表本公司立場 **
匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。
葉劉淑儀計劃在下月中港搞「2024全球繁榮峰會」。
峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。
諾貝爾化學獎得主科恩伯格教授將擔任主題演講嘉賓。
葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。
峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。
葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。
她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。
她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。
