太子女做地方政協唔開會： 「你搵我秘書」

2023年04月02日11:28 最後更新: 11:41

Ariel

全國人大和政協兩會結束，之前的地方省市政協會議都開完，Ariel 聽到不少故事。

富豪自己做完政協，都熱衷搵仔女接班，但現在莫講係全國政協，即使地方省市政協，都唔係話接班就俾你接班，而且接咗班都唔一定係好事。

話說有個太子女，今屆做咗某直轄市政協。而家呢啲位都唔容易搵，不過太子女就唔太珍惜，開會都唔係幾想去。

太子女開會無到，市政協官員就打電話搵佢，點知只係回咗一句話：「你搵我秘書啦」，市政協官員俾佢吹脹。

呢個故仔喺呢個市政協內，傳到開晒巷。大家都認為，太子女雖然年青，但如果繼續係咁嘅風格，下屆市政協都唔會搵佢做。

有富豪私下感嘆，佢哋呢一代到自己做咗全國政協或省市政協，自己退休之後，都好想仔女接班做政協。千辛萬苦推咗仔女上去，但佢哋可能完全冇興趣，老竇叫到就勉強去做，結果唔去開會有之、唔去考察有之、唔去學習有之，成為負面人版，真係唔知點算。

往下看更多文章