港女玩App遇心儀男指「一行為大扣分」終絕交 網民卻嘆：謝放生

今次竟衰在…

近日有港女於討論區發文分享，表示自己透過交友App認識了一名男生並相約見面。該男子無論外型及性格上都是她的「那杯茶」，不過她卻抱怨該男生從不以文字傳送訊息，只喜歡用voice message (語音訊息）傾計，因此決定絕交。雖然有網民附和港女認為語音訊息的確很煩擾，但更多網民轟她離地「希望你一世搵唔到另一半，唔好害人」。

有港女於討論區發文，抱怨心儀男生從不以文字傳送訊息，只喜歡用voice message (語音訊息）傾計。示意圖

日前，該港女於連登討論區以「覺得男仔呢個行為真係好扣分！」為題發文指透過交友app認識了一位男生，約會後覺得男生外型討好「覺得佢個樣都幾好，又高，外型上我都幾滿意」，而他們亦相處融洽，很夾得來「談吐方面都覺得佢份人好善談，好多野講，完全唔怕會有dead air」。

本以為可以順利發展，不過事主卻發現每次與男生WhatsApp傾計時，他總會以voice message交流，從不打字「一次都係錄音畀我，可能佢只係講一兩個字，又或者係講幾分鐘野」。事主稱因工作關係經常要接收大量voice message，放工時又見到對方發的一大堆錄音，令她十分沮喪「見到都唔開心」。

港女表示「其實都唔明點解佢唔打字，係唔係唔識打字？」示意圖。

她表示「其實都唔明點解佢唔打字，係唔係唔識打字？」雖然覺得男生條件不錯，朋友又話「話可能個男仔覺得錄音畀我睇落更有誠意真誠啲咁樣」，但也決定與之絕交「決定唔再同呢個男仔傾計啦」。

此帖一出引起網民熱議，有人認為一味錄音傾計的人很討厭「同感！錄音狂魔假設所有人都可以隨時隨地聽錄音，無視好多場合係唔適宜播錄音（例如開緊會、上緊堂），係唔為人著想嘅壞習慣，而其實只係自己懶唔打字」、「呢個係一個好撚自私嘅行為，自己就爽，人哋就聽得辛苦浪費時間」、「我都好憎voice msg。仲要有啲分幾鐘咁長，真係完全唔想覆，個人鐘意打字多啲」。

有網民附和港女，認為一味用voice message的人很自私和討厭。設計圖片

但亦有網民質疑為何樓主不直接告訴男生自己的想法「你係咪唔識同佢講你唔鍾意錄音」、「唔鐘意咪出聲，係咪唔識得溝通」。而事主則回覆道「其實我又覺得唔使下下都講到咁白，佢連我諗咩都唔知 之後仲點一齊喎」。此話一出即惹起眾怒「你癲X左？我隔住電話知你唔想聽voice message？」、「人哋識讀心？又唔係面對面傾計，facial expression 都冇得睇」、「咁人地又唔係你肚入面條蟲，有問題講清楚好」、「大佬啊，透視咩，睇得穿你唔鍾意咩，你唔講我都唔知啦」、「你當人識通靈定讀心」。

樓主收到很多負評。

帖文來源：連登討論區

日前是聖誕節，許多人都已準備好與親友聚會並互換禮物。一位女生在社交平台發文，直呼自己抽到「最強聖誕交換禮物」。原來有人靈機一動，將早年網上爆紅的「可樂之光」事件為靈感，準備了一堆罐裝飲料和瓶裝水，還特意用保鮮盒裝不足一罐的飲品當作禮物，逗得網民笑到不行。

一名女生在社交平台發文，直呼自己抽到「最強聖誕交換禮物」。資料圖片

聖誕換禮還原「可樂之光」爆笑事件

樓主在社交平台Threads發帖，興奮表示「我願稱之為最強聖誕交換禮物」。從她分享的照片可見，有人參加聖誕交換禮物時準備了多罐飲料及瓶裝水，甚至把不到一罐的飲品倒進保鮮盒，乍看之下好像沒什麼，但她再補上一張當年瘋傳的對話截圖，瞬間讓不少香港人爆笑。

聖誕換禮還原「可樂之光」爆笑事件。當事人帖文截圖圖片

早年流傳船家訂飲品烏龍事件

事關這份禮物的創意其實來自多年前的一樁趣事。當事有人要在魚排舉辦活動，便向船家訂購飲料，在WhatsApp列出清單：「1.48枝330ml水；2.36罐正常Coca Cola；3.24盒檸檬茶；4.24盒菊花茶；5.24罐寶礦力；6.18罐玉泉忌廉；7.6罐Coke Light」，小數點前是項目編號，後面才是實際數量。

早年流傳船家訂飲品烏龍事件。當事人帖文截圖圖片

船家誤把小數點前後數字連在一起看

可能因為訊息沒空格，船家直接把小數點前後數字合併解讀，困惑地留下語音，「我其實查咗好耐字典，我查到你哋7.6罐嗰度係叫可樂之光，但係我哋無可樂之光呢個產品，你可唔可以轉第二樣嘢呢」。

事件從此被網民戲稱「可樂之光」

船家後來才醒悟，再發語音自嘲「好大鑊呀宜家搞到，全城都講緊呢個話題，1.48，2.36大鑊喇，宜家我個仔載我去睇精神科呀要」。當時這段對話和語音在網上瘋傳，事件從此被網民戲稱「可樂之光」，直到現在仍常被拿出來回味。

網民讚：有得飲之餘仲送保鮮盒

網民看完狂讚送禮者創意爆棚。資料圖片

網民看完狂讚送禮者創意爆棚，「有料」、「出色」、「傑出的潮文現實化」、「真係大癲！」、「幾有心」、「絕對最強」、「睇到啲保鮮盒就知你地real癲」、「幾實用，有得飲之餘仲送保鮮盒」、「想要了」，還有人打趣「抽到嗰個要去睇精神科」。