肥媽最窮得36蚊靠茄汁豉油送飯 鼎爺70年代批馬蹄剝核桃月賺6千

飲食節目《肥媽李鼎》逢周一至三晚10時30分翡翠台播映，節目由Maria Cordero（肥媽）、李家鼎（鼎爺）及游嘉欣（游游）擔任主持。5月2日播出的第五集，主題是「懷念的味道」，肥媽指自己最深刻的菜式是「冬菜蒸牛肉」，肥媽透露媽媽會在牛肉中加入麥皮，除了令口感變得更細滑，亦令「肉量」大增，肥媽笑指一直被媽媽欺騙：「我阿媽問我點解唔買牛肉蒸肉餅，我話好貴喎，有一日我唔打斧頭儲錢買啦，蒸完出嚟成家人喺度鬧，細佬妹係咁話好『鞋』，我問阿媽點解會咁，佢Kam Kam聲喺度笑，然後先講畀我聽（真相）呀。」

鼎爺（左起）、肥媽、游嘉欣

肥媽最難忘媽媽嘅「冬菜蒸牛肉」。

喺牛肉入面加麥皮，除咗口感更滑之外，「肉量」同時激增。

講到最窮困的時候，肥媽說：「得36蚊喺銀行，但要養6個仔女，每日都𢱑晒頭諗點樣賺錢，試過有一日揸住支茄汁同豉油，個仔望住我搖頭，我就點頭，佢話冇餸呀？我話係呀，咁咪茄汁同豉油撈飯囉！」鼎爺最潦倒時則靠滷水雞翼維生，他說：「廿蚊雞翼食一個禮拜，雞全翼一餐食兩隻，有味咪得囉，最緊要係碗飯之嘛！」而游游的童年味道是撈冷麵，並即場炮製給肥媽和鼎爺品嚐，惟鼎爺似乎不太欣賞：「講句得罪啲，係冇層次㗎！」

肥媽話自己最窮時得番36蚊，但同時要養6個小朋友。

鼎爺最潦倒時靠食滷水雞翼維生。

鼎爺唔多識欣賞游游嘅撈冷麵。

冬菜蒸牛肉

醬燜珠豆五花腩

豉油王炒麵

滷水雞翼八爪魚

5月3日播出的第六集，主題是「高低的人生」，肥媽指當年自己靠托麵粉養起成頭家，一個女人仔一次能托起三包重50磅的麵粉，非常犀利。肥媽說：「當年係有自己同自己鬥，同自己講一定要托起佢，托唔起就冇飯食！」肥媽續指當年靠托麵粉賺到二千多元一個月。至於鼎爺年幼時則靠批馬蹄和剝核桃幫補家計，由早上9點剝到晚上6點，同樣辛苦。

鼎爺（左起）、肥媽、游嘉欣

肥媽想當年靠托麵粉養家。

鼎爺童年時批馬蹄和剝核桃幫補家計。

談到買樓話題，23歲的游游希望5年內上車：「我覺得可以置業係人生高峰。」肥媽透露首次置業經歷，她說：「我記得我哋上樓時，細仔係摸住塊牆係咁啜，全家人第一次買樓，係開心到形容唔到！」肥媽續指人生首次置業在三十歲時：「有咗6個仔女之後先買，記得用咗28萬買，我好豪㗎，一次過買兩層，412呎一層，上到樓落雨唔會漏水，直頭係夢想嚟！」鼎爺透露自己大約於1971年首次置業，他說：「當時去咗台灣工作，6千蚊（人工）一個月，70年代6千蚊好緊要㗎喇。」鼎爺指當時打長途電話着母親睇樓，目標是畢架山或美孚一帶，惟李媽媽最後作出的決定，卻令鼎爺崩潰兼反白眼！

23歲嘅游游希望5年內置業。

肥媽講番起第一次買樓仲係好開心，仲重演當年細仔啜牆畫面。

鼎爺第一次買樓為乜崩潰反白眼呢？

游游今集係咁講錯嘢，帶咗好多歡樂畀大家。

白汁雞皇煙肉意粉

六合素菜

鮑魚大鑊飯

雙梅蒸肉蟹

選秀騷《中年好聲音》第一輯叫好叫座，節目戴譽回歸，本周日（10日）起，《中年好聲音2》將逢周日晚9點於翡翠台播映。

無綫去年年底推出綜藝歌唱真人騷《中年好聲音》，專為35歲或以上的朋友而設，為一眾人到中年但又唱得的男女提供演出平台向夢想再出發，成績叫好叫座。本周日（10日）起，《中年好聲音2》將逢周日晚9點於翡翠台播映，首集內容除了繼續好聲音唱不停，更是花生處處、火花四起。

今季《中年好聲音》成功吸引了逾5,000人報名參加。

吸引逾5,000名參賽者報名的《中年2》，除了本地薑雲集，更有來自悉尼、台北、澳門、紐約、新加坡、吉隆坡、柬埔寨、巴塞爾、馬六甲及三藩市的唱得之人爭相報名。經過多輪嚴格挑選，共有108名精英踏上《中年2》舞台，首個回合參賽者雖透過盲選形式爭取60個晉級名額，滿分為五燈。參賽者會先背向評審獻唱，當首盞燈亮起時、參賽者腳下的台底會轉至指定角度；到第3盞燈亮起參賽者才能完全面向評審。得到4燈或5燈滿分選手將直接晉級，3燈選手前往晉級機會區等候，只有1燈或以下成績者則被即時淘汰。

今季第一回合以盲選比賽形式進行。

今季第一回合以盲選比賽形式進行。

今季第一回合以盲選比賽形式進行。

今季第一回合以盲選比賽形式進行。

陣容方面，除有車婉婉主持，肥媽、伍仲衡、張佳添及周國豐擔任評審，還加入了天后級人馬陳慧嫻坐陣評審，婉婉介紹慧嫻時全場掌聲如雷，慧嫻則笑言很緊張，並向參賽者大派錦囊：「你只有一隻歌嘅時間去感動我，去令我認識你哋。」自言評審經驗不多的慧嫻首集即有蝦碌事，事緣36歲安雅希獻唱《光亮》時由於太有感染力，很快便吸引到評審一窩蜂撳燈，連出名要求高的周國豐亦讚不絕口謂：「佢應該好有性格，又多愁善感又易開心，作為歌者好易將感情投注喺歌入面」，張佳添則說：「好有TEXTURE嘅聲音，有辨識度，你係其中一個我幾有期待嘅歌手」。反之偏向手鬆及愛鼓勵參賽者的慧嫻卻沒有撳燈，她事後抱歉謂：「我唔記得咗撳燈係因為我掛住聽，我聽得好入神。」

主持車婉婉

評審有肥媽

張佳添

周國豐

伍仲衡，出名手緊嘅佢，揚言喺100強度會鬆手好多。

今屆仲有陳慧嫻坐陣，佢笑自己有啲緊張。

到底安雅希嘅歌聲有幾動聽，令到慧嫻連燈都唔記得撳呢？

除了烏龍慧嫻亦十分玩得，44歲鍾晉生獻唱英文情歌《I Honestly Love You》，雖然獻唱時全情投入、聲線溫柔，但礙於外表太霸氣，慧嫻聽畢笑言：「我覺得你有少少嚇親我」，周國豐聞言亦附和謂：「佢反差係大。」不過肥媽卻持不同看法：「一個大男人（要深情）好難架！」慧嫻聽畢即主動「壁咚」肥媽謂：「阿媽，我就係感覺到佢係，Hey！I Honestly Love You！」肥媽則反「壁咚」慧嫻上演「鐵漢柔情戲碼」，場面爆笑。出名玩得的晉生除了在台上搞笑表示：「好多人畀我外表欺騙咗。」返回後台後又再搞Gag炒熱氣氛，獲得全場熱烈掌聲及歡呼聲。

鍾晉生嘅深情獻唱引發爭議。

慧嫻話聽到有少少嚇親。

不過肥媽就唔贊成。

最後演變成兩位唱得之人互玩壁咚。

好玩得嘅晉生，即係對住婉婉再次情深獻唱。

肥媽與伍仲衡亦承接上季風格繼續「包拗頸」，當35歲孔文希首位出場獻唱《櫻花樹下》時，出名手緊的伍仲衡竟成為首位撳燈評審，令「鬆手王」肥媽亦大吃一驚。事後二人各持己見針鋒相對，先是肥媽說：「第一段好差」，伍仲衡反擊：「我話第一段最好」，二人為了第一段定第二段更好聽糾纏不休，最後慧嫻出手打完場：「我覺得由頭到尾都好平均。」之後肥媽再向其中一位參賽者語重心長謂：「有時啲奸人講嘅嘢，你未必要信，你呢啲叫受奸人所害。」到底所為何事？

肥媽同伍仲衡喺首位參賽者孔文希出戰時已經意見不合，火藥味濃。

伍仲衡成為第一集第一位畀燈嘅評審，係咪估唔到哩。

肥媽都嚇咗一大跳。

「糞便情緣」勁洋蔥

今季參賽者亦同樣「一人有一個故事」，首集登場的66歲張一梅，因終於完成照顧患有認知障礙的丈夫及母親，故決心踏上《中年》舞台追夢。一梅在節目中更大談獨特愛情觀，她笑言原本以為兩個人結婚，就是從早到晚黏在一起，豈料當她找到合適對象時，卻發現是上天的考驗，並令她對愛情有了不一樣的看法：「佢有認知障礙症，我同佢出街佢有失禁，我真係唔覺得嗰啲糞便有味，原來先生嘅KK係要嚟改變我，就係你真係好愛嗰個人時，你會忘記你自己，任何嘢一切也願意。」之後一梅深情獻唱《一切也願意》，並獲肥媽大讚勁有Feel。到底首集最終會有多少5燈選手登場？密切留意本周日晚首播的《中年好聲音2》。

張一梅嘅「糞便情緣」好感人。

張一梅嘅「糞便情緣」好感人。