肥媽教孫仔飛女帶隊蘭桂坊夜蒲 鼎爺提母親落下男兒淚

飲食節目《肥媽李鼎》逢周一至三晚10時30分翡翠台播映，節目由Maria Cordero（肥媽）、李家鼎（鼎爺）及游嘉欣（游游）擔任主持。5月10日播出的第9集，主題是「父母唔易做」，育有六個仔女的肥媽炮製出仔女兒時最愛的牛碎肉番茄薯仔湯，有菜有肉夠晒健康，她笑言：「湊大六個容乜易啫，一煲過一鑊熟。」

今集主題係「父母唔易做」。

肥媽笑指「煩音」更勝藤條

肥媽透露兒時食唔少藤條炆豬肉，她說：「老竇唔打人，得我媽打人，所以我跟我媽學買藤條，淨係打屁股，其實打完我自己匿埋喊。」肥媽續爆笑料，她說：「後來打嚟打去佢都唔驚喎，我問點解唔驚，佢話因為我係你親生，你唔會打死我架嘛。」肥媽後來知道打係冇用，改以「煩音」攻擊，她笑言：「後來我捉住佢傾半個鐘頭以上，佢就喊晒話：『你唔好同我傾偈，你打我算啦！』」

肥媽一個人湊大六個仔女，真係唔簡單。

鼎爺則坦言「講起阿媽就流眼淚」，並舉了一個覺得媽媽慳家又偉大的例子：「以前我細佬隻腳唔小心斷咗，去睇某個中醫，中醫話呢隻藥一定要搵豬腳筋墊藥，我媽就喺收市前去巡，2毫子嗰啲變咗3毫子兩份，真係行足三個鐘頭……」說到此時，外表硬淨的鼎爺落下男兒淚，並自責謂：「嗰時我做咗啲嘢對我媽唔住…….有時我會頂撞佢……」

鼎爺講起媽媽時落下男兒淚。

游游聽到扁晒嘴。

肥媽妙論財產分配：我使晒就真係Sorry，留畀你就Lucky

游游今集再獻出人生第一次，首嚐豆腐花撈飯，原本唔敢擺落口的游游，品嚐過後直呼：「你唔講我唔覺得係食緊豆腐花，震撼咗我五官！」三人閒聊期間，游游問肥媽及鼎爺會否為孫兒留積蓄時，肥媽直率謂：「我同仔女講，如果我在生時使晒就真係Sorry，如果我使唔晒留番畀你，你就Lucky。」肥媽又問游游有事會否跟父母商量，游游坦言：「真係唔會，好多時覺得佢哋思想太保守，我同佢哋講依家嘅嘢，其實佢哋唔會明，就好似你講你哋年代嘅嘢，我都係唔會明。」

游游食「豆腐花撈飯」好似發現新世界咁。

肥媽續透露家族幾代人關係親密，孫仔更會請教她「點樣飛咗條女」，她還自爆會帶孫夜蒲：「第一個帶啲孫出去蒲嗰個係我，幾代人都係由我帶，你估蘭桂坊得你哋蒲呀？我蒲嗰時你哋都未出世啦！」肥媽更大爆帶新抱和奶奶去蘭桂坊夜蒲趣事，想知更多？密切留意播出的《肥媽李鼎》。

肥媽同屋企人關係融洽，仲會帶隊去蘭桂坊夜蒲添。

牛碎肉番茄薯仔湯

南乳腐乳燜蹄筋

豆腐花撈飯

蝴蝶過河筍殼魚

《奇蹟小店》來到最後三集，其中肥媽與周吉佩去到北角人氣眼鏡老店，除了擁有很多星級客仔，老闆和老闆娘的愛情故事亦相當引人入勝！

《奇蹟小店》本周播出最後三集，主持肥媽夥拍「好聲音」代表周吉佩、林鉫徫、羅啟豪、李佳及魏嘉信，繼續走訪各大歷史悠久小店，包括眼鏡店、海味舖、茶葉舖、旗袍店及西裝店，大談小店興衰與傳承問題之餘，還探討了夫妻、老闆員工及父子的相處之道。節目除繼續有「音樂情人」鄭子誠聲音導航，鮑聖光亦會繼續穿插獻唱經典金曲，本周三首金曲分別為《陪著你走》、《永不放棄》及《洋紫荊》。

觀看相關影片按連結：https://youtu.be/pQgmz2i6HjA

8月22日一集，肥媽與喜愛品茶的羅啟豪齊齊落場體驗傳統包茶葉真功夫之餘，又帶了鉫瑋到傳統海味店、學習如何挑選適合自己口味的靚臘腸。值得一提的是，店主傅秋榮原本只是打工仔，但因為人老實又上進，經過五、六年的觀察，海味店老闆終認定傅師傅，並將其寶貝女兒介紹給傅師傅，就這樣傅師傅成功抱得美人歸，並以女婿身份繼承了店舖。

22日晚一集嘅主角有傅生同傅太。

佢哋嘅愛情故事都好特別吓。

今集嘅「好聲音」主持有林鉫徫。

肥媽仲會教佢點樣揀適合自己口味嘅臘腸。

傅生嘅兒子樂意傳承父親嘅海味生意，並謂希望下一代能夠繼續食到香港製造嘅臘腸同膶腸。

茶葉舖嘅重點，絕對係呢個用嚟保存茶葉嘅古董。

羅啟豪即席學包茶葉，但就搞到一頭煙。

至於21日晚一集的眼鏡店店主鄧生及鄧太，亦是美好而又簡單愛情的最佳見證。鄧生鄧太攜手經營的眼鏡店，高峰期曾藏有約四萬副名牌懷舊眼鏡，消息傳開後火速成為人氣潮店，備受不少明星藝人熱捧，周星馳及肥姐沈殿霞也曾是店舖客人。鄧太透露當年肥姐一出手便買下數十副眼鏡。肥媽與吉吉還即席試戴各款懷舊眼鏡，十分有趣。

百變周吉佩

仲有肥媽

呢間眼鏡店入面，好多嘢都係古董。

老闆娘鄧太喺節目入面，大談北角當年今日。

除了星級客仔，鄧生鄧太的愛情故事亦相當引人入勝，當年盲婚啞嫁的二人，結婚多年依然恩愛如昔，鄧太笑言二人的愛情保鮮法，是「做乜都要打孖上」，鄧太說：「我哋點解相處咁和洽，係因為互相忍讓，覺得唔開心就冷戰，唔出聲。同埋食早餐一定兩個人，去邊都多數兩個人一齊。」肥媽聽畢鄧太分享即大表認同：「最叻嘅女人就係唔出聲」，還大方分享御夫術，笑言自己從前與亡夫鬧交時，都會以扁嘴及「扮冇嘢」等奇招引老公先say sorry，更笑言每次都很湊效，十分抵死。而全程乖乖做旁聽生的周吉佩則感嘆：「我都真係要學吓點樣同太太再和諧啲相處，個配合好重要。」

鄧生同鄧太雖然係盲婚。

但佢哋依然恩愛至今。

肥媽演技在線，大方分享御夫之道。

周吉佩感嘆：「我都真係要學吓點樣同太太再和諧啲相處」。

佢哋仲去咗另一間眼鏡店，呢間眼鏡店係當年首批擁有隱形眼鏡技術嘅三大眼鏡店之一。

現任老闆之一嘅劉生話，當年一副隱形眼鏡叫價成七百至八百蚊，係一般人半年嘅人工總值。

佢話店入面嘅古董收銀機曾吸引唔少人想收購。

劉生指自己與昔日老闆及眼鏡店其他員工感情相當深厚。

此外，23日晚一集，肥媽與李佳去到百年歷史旗袍店，與店主簡漢榮暢談旗袍史，簡老闆大讚嫌棄自己有肚腩仔的李佳擁有葫蘆標準身形、是穿旗袍的標準衣架。席間，李佳穿上簡老闆為其精心挑選的白色旗袍大晒美好身段；本身愛穿旗袍的李佳，還帶了對其別具意義的紅色旗袍在節目中開心share，又指每當見到旗袍便會想起外婆：「外婆年青時成日著旗袍，有次我哋翻箱底見到佢有好多旗袍，我都有拎嚟試著。」

23日晚一集去到百年歷史旗袍店。

講到著旗袍嘅代表人物。

非利孝和夫人莫屬。

李佳本身自己都好鍾情旗袍。

佢仲帶咗其中一件自己好鍾意嘅旗袍上節目開心Share。

李佳獲簡老闆大讚身形標準，啱晒著旗袍。

李佳獲簡老闆大讚身形標準，啱晒著旗袍。

呢間西裝店，肥媽嘅仔仔同孫仔都有幫襯。