網絡熱傳一段的士司機格鬥MMA的影片,片中兩名司機起衝突,其中一人又旋風腿又凌空飛腳,招式相當搶眼,不過最觸目的竟是打完後,雙方竟交換車揸,令人摸不著頭腦,有網民就此估計可能原因。
事發在本周三(24日)中午12時左右,有網民拍到兩名的士司機在尖東一酒店門外起衝突,雙方拳腳交加。
較高的灰衣司機出手觸目,一時旋風腿,一時又躍起凌空飛腳,另一位黑衣司機則處下風,不時捱打。
兩人打一輪後又互相指罵,其後再拳腳交加,最後雙方停戰離開,黑衣司機本在第二架的士中走出來,但這時竟然改為走到第一架的士,並開車門上車準備揸走。
網民狠批毆鬥:打贏踎監 打輸瞓醫院
網民熱議兩名司機何以打完後「交換車揸」,紛紛提出不同理由,「點解黑衫明明係後面落車,但最後上咗前面嗰㗎?」「黑衫點解一開始係二車入面,打完去咗頭車???」
不少網民都批評兩人在公眾地方打交,「打贏踎監,打輸瞓醫院。」
根據第245章《公安條例》第25條,任何人在公眾地方參與非法打鬥即屬犯罪,可被罰款港元5000及監禁12個月。