張彥博（Bob）憑《一屋老友記》成功彈出，他以上堂形容拍劇，希望有機會成熟自己演技，令觀眾有新鮮感，然而他未有放棄音樂，更視紅館個唱為目標，希望成為多棲藝人：「路係自己堅持去行出嚟！」
張彥博日前接受本網專訪。（本網記者攝）
Bob在《一屋老友記》飾演「細寶」一角人氣急升，原本角色並非由他演出，全賴監製給予機會，可以順應自己的性格演繹劇中的熱血廢青：「呢個都係我曾幾何時經歷過一啲嘢。對於我嚟講今次係第二次有noise，因為10多年前我組合出道係有啲noise。嗰時心態同依家好唔一樣。嗰時細過有知名度嗰心好似起飛，覺得自己得咗，但原來剎那間人氣唔係代表啲乜。」
點擊看圖輯
張彥博日前接受本網專訪。（本網記者攝）
張彥博憑《一屋老友記》飾演「細寶」一角而人氣急升，成為他的代表作。（劇照）
張彥博於《一屋老友記》與歐陽震華、滕麗名、呂慧儀等前輩合作。（劇照）
張彥博坦言知道自己的位置，不會搶戲份去突出自己。（本網記者攝）
張彥博即席獻唱。（本網記者攝）
張彥博日前與劉佩玥在社交網站直播合唱，大受歡迎。（張彥博IG圖片）
張彥博憑《一屋老友記》飾演「細寶」一角而人氣急升，成為他的代表作。（劇照）
繼《東坡家事》後，今次再與歐陽震華（Bobby）合作飾演Bobby四弟。阿Bob指Bobby戲外經常給予人歡樂感覺，但對着後輩也會很嚴肅。以往在劇集都是獲分配做閒角，但今次《一屋老友記》中有多些發揮的機會，監製更向他教路不要埋沒自己。Bob坦言想拍續集，希望演技方面更加成熟，給大家有新鮮感。
張彥博於《一屋老友記》與歐陽震華、滕麗名、呂慧儀等前輩合作。（劇照）
《一屋老友記》可謂Bob的代表作，他以學校比喻拍劇：「TVB對我嚟講係一間學校，拍劇對我嚟講係上堂。今次可能我响班裡面攞咗一個名次，但唔代表以後考試我都攞到一個名次。所以對我嚟講有千千萬萬嘅嘢要學。到而家入廠都緊張，有時對白反應都會做錯，所以繼續跟人學緊。」
張彥博坦言知道自己的位置，不會搶戲份去突出自己。（本網記者攝）
音樂方面，阿Bob稱會較為執着和「企到好硬」，堅持自己寫歌唱歌，將自己的訊息帶給大家，紅館個唱是終點站：「有人同我講話我諗到咁大，話我連一個細嘅台都未上過。但可能對我嚟講唔望個大台，咁重有乜意義。有時Set一個Target係我最終站，到唔到係一回事，用幾多年跑上去係一回事，但至少望住呢個舞台一步一步咁走，呢個係平時我同自己講嘅一個動力。」他承認因劇集多了工作，但經常提自己勿忘初衷，音樂是他的生命，亦想仿效張國榮及譚詠麟做歌影視全方位藝人：「路係自己堅持去行出嚟。」
張彥博即席獻唱。（本網記者攝）
張彥博日前與劉佩玥在社交網站直播合唱，大受歡迎。（張彥博IG圖片）
阿Bob多年前與裕美拍婚紗代言廣告上載「婚照」引起話題，但與裕美是多年的朋友，強調現時單身，直言這個年紀有想過結婚，擁有自己家庭和穩定生活，但奈何銀包未能Support：「我覺得身為一個男人真係有負擔，雖要照顧另一半。」談到擇偶條件，他認為最緊要是感覺，能夠融洽和有同一目標。