後生仔用長者八達通搭巴士遭揭發即「咁做」港男影相公審引爭議

社會事

後生仔用長者八達通搭巴士遭揭發即「咁做」港男影相公審引爭議

2023年06月29日 12:30 最後更新：15:15

「樂悠咭」將逐步取替長者八達通，能減少冒用情況及誤會。

為打擊濫用「2元乘車優惠」，運輸署日前展開大型打擊行動，派出3人小組在不同巴士、小巴及渡輪站查票。近日一港男於社交平台發文，表示目擊一名後生仔使用長者八達通乘搭巴士，巴士司機發現後，隨即要求他使用第二張八達通付車資，而後生仔亦果真擁有第二張八達通，令港男不禁嘆「濫用嘅程度非常高」，更而上載該後生仔的照片發文公審。此帖一出即引起熱議，雖然有網民批評該後生仔盜用長者八達通；但不少網民也指出，傷殘人士也可享乘車優惠，認為不應該以外表年齡來判斷受惠資格。

該港男於Facebook群組「沙田之友」發文，表示搭巴士時發現有人盜用長者八達通「發現到個唔夠20歲嘅後生仔，用長者咭」，當巴士司機發現後即要求他用另一張卡「比巴士司機發現咗，巴士司機叫佢用個第二張八達通」，樓主相信後生仔企圖滿天過海，以長者八達通搭巴士少付車資，而巴士司機則想息事寧人，放過該後生仔一馬，於是才要求他使用另一張八達通。事件令樓主不忿「濫用嘅程度非常高」，於是上載該後生仔的背面照片，出文公審。

雖然有網民支持樓主，認為後生仔行為可恥「害群之馬」、「荒唔係有d長者，長期大6生活，張卡就留比在港家人用咩」、「車長咁樣做已經叫做放佢一馬」、「我之前都遇過呢啲人」。

但亦有不少網民認為樓主「厚多士」，指除了長者外，傷殘人士也有二元乘車資格，不應以貌取人「其實攞到傷殘津貼唔代表係一定要坐輪椅棟拐杖，好多時唔能夠以貌取人」、「見過有後生拍2蚊司機捉佢，佢最後要攞張白咭去證明，諗起都覺得慘」、「同事係自閉症，都是用2元，後生20多歲表面正常」、「有朋友有情緒病，都是用2元」。

不過有網民指出，司機終端機會識別長者八達通及傷殘津貼，「傷殘津貼，係一張個人八達通。司機終端機會顯示『優惠』，長者、樂悠係顯示『長者』。唔好用『傷殘』八達通再忽悠用『長者』逃票行為」。

帖文來源：Facebook群組「沙田之友」

往下看更多文章

的士入何文田屋苑疑衝消防通道撞斃狗仔擦傷小童狗主親還原真相引爭議

2024年05月06日 12:30 最後更新：14:26

有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。

的士誤衝屋苑消防通道

有網民於Facebook群組「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。

突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。

狗仔當場被撞斃男童則擦傷

不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。

事主留言還原真相

帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。

網民大罵的士司機

不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。

亦有網民批評事主無用狗繩

不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」

事主解釋為何未用狗繩

樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。