後生仔用長者八達通搭巴士遭揭發即「咁做」 港男影相公審引爭議

「樂悠咭」將逐步取替長者八達通，能減少冒用情況及誤會。

為打擊濫用「2元乘車優惠」，運輸署日前展開大型打擊行動，派出3人小組在不同巴士、小巴及渡輪站查票。近日一港男於社交平台發文，表示目擊一名後生仔使用長者八達通乘搭巴士，巴士司機發現後，隨即要求他使用第二張八達通付車資，而後生仔亦果真擁有第二張八達通，令港男不禁嘆「濫用嘅程度非常高」，更而上載該後生仔的照片發文公審。此帖一出即引起熱議，雖然有網民批評該後生仔盜用長者八達通；但不少網民也指出，傷殘人士也可享乘車優惠，認為不應該以外表年齡來判斷受惠資格。

有港男於社交平台發，表示懷疑相中男子盜用長者八達通。

該港男於Facebook群組「沙田之友」發文，表示搭巴士時發現有人盜用長者八達通「發現到個唔夠20歲嘅後生仔，用長者咭」，當巴士司機發現後即要求他用另一張卡「比巴士司機發現咗，巴士司機叫佢用個第二張八達通」，樓主相信後生仔企圖滿天過海，以長者八達通搭巴士少付車資，而巴士司機則想息事寧人，放過該後生仔一馬，於是才要求他使用另一張八達通。事件令樓主不忿「濫用嘅程度非常高」，於是上載該後生仔的背面照片，出文公審。

樓主指「發現到個唔夠20歲嘅後生仔，用長者咭，比巴士司機發現咗，巴士司機叫佢用個第二張八達通」。

雖然有網民支持樓主，認為後生仔行為可恥「害群之馬」、「荒唔係有d長者，長期大6生活，張卡就留比在港家人用咩」、「車長咁樣做已經叫做放佢一馬」、「我之前都遇過呢啲人」。

但亦有不少網民認為樓主「厚多士」，指除了長者外，傷殘人士也有二元乘車資格，不應以貌取人「其實攞到傷殘津貼唔代表係一定要坐輪椅棟拐杖，好多時唔能夠以貌取人」、「見過有後生拍2蚊司機捉佢，佢最後要攞張白咭去證明，諗起都覺得慘」、「同事係自閉症，都是用2元，後生20多歲表面正常」、「有朋友有情緒病，都是用2元」。

有網民留言指，傷殘人士亦可享二元乘車優惠，而非每位傷殘人士都「有樣睇」，不應以貌取人。示意圖片

不過有網民指出，司機終端機會識別長者八達通及傷殘津貼，「傷殘津貼，係一張個人八達通。 司機終端機會顯示『優惠』，長者、樂悠係顯示『長者』。唔好用『傷殘』八達通再忽悠用『長者』逃票行為」。

不過有熟悉運作的網民指「病人卡係個人八達通來；其實啲八達通卡過機係講明係長者卡，就無得呃」。

帖文來源：Facebook群組「沙田之友」

近日，一名移居英國的香港男子在社交平台發文，大吐苦水，批評部分同為移英的「手足」即使只是從事倉務工作，也熱衷於互相投訴、勾心鬥角，帖文隨即引發熱議。

AI生成圖片

港男：打份倉工都要勾心鬥角

該名港男在帖文中以「唔好意思呀，借個位發洩下。真係不吐不快」開首，直言不明白為何「香港人打份倉工都要玩互相投訴」。他感嘆道：「人哋個個國家啲人都好團結，係唯獨是香港人咁鍾意玩勾心鬥角。」

樓主無奈表示，倉務工作薪金微薄，只是為了過生活，「投訴咗又無錢分」。他質疑，大家歷盡辛苦移居英國生活，而這個國家也並非事事完美，為何上班時還要搞小動作，把事情複雜化。

AP資料圖片

網民熱議：認同現象籲遠離同鄉

帖文引來大批網民回應，不少人表示深有同感。有留言指：「絕對認同，仲要亂搞婚外情，個個忘記初衷」、「香港人嘛，就係咁！睇開啲啦，嚟到英國就遠離香港人啦」。亦有網民分析，可能是因為移英港人多屬中產，「以前喺香港玩慣辦公室政治勾心鬥角」，並指這種風氣已從「辦公室政治延伸到倉庫政治」。

其他批評聲音包括：「太多X街啦，有啲仲攪（搞）埋人哋老公、老婆」、「住在英國（嘅）香港人就係咁㗎啦，自己人打自己人，見到外國人就死曬狗，又喜歡玩杯葛（Boycott）自己人，乜嘢都爭，乜嘢都搶，又貪心，又假，真係要遠離D香港人」。

示意圖

網友質疑：倉務工友或因缺乏競爭力？

不過，亦有網民提出不同看法，直言：「得罪講句，有料都唔駛（使）做倉啦，都係出面揾唔到工先喺倉度長做⋯，咁無料嘅人最驚咩？就係驚人叻過佢，搶咗佢（嘅）地位。」對此，發文的樓主則回應稱，在英國要找回本行工作並不容易，連本地人也可能要做倉務，「又唔係個個都無料嘅。」

英國白金漢宮。AP資料圖片