「亞視一姐」阿儀生日開心收「鴨仔」蛋糕 網友笑：指鵝為鴨

「亞視一姐」薛影儀（阿儀）自爆紅後就備受關注，5月踏入39歲的阿儀獲姊妹為她舉行生日會，並在生日會上摘得「環球小姐」桂冠，完成了做選美冠軍的心願，唔少網友紛紛留言祝阿儀生日快樂。

近日，阿儀又再次分享生日會當日的照片和影片，並留言：「呢個係我兩個月前幾個姊妹影嘅生日蛋糕。」生日蛋糕的照片貼滿阿儀和姐妹的合照，有網友問個蛋糕可唔可以食，阿儀大方為網友解惑：「係呀！係糖紙整呀！」表示照片都係食物。

而影片中可以睇到，阿儀有2個生日蛋糕，阿儀在片中解釋照片蛋糕的用途：「呢個蛋糕係我幾個姊妹玩嘅。」又影住另一個天鵝蛋糕向師傅表達感謝：「多謝梁師傅幫我預備呢個鴨仔蛋糕！」唔少網友笑生日會現場似做法事，又笑阿儀指「指鵝為鴨」、「天鵝：我幾時變咗鴨仔」。