香港小姐2023丨靠食嘢減壓 16號郭珮文：食嘢係我人生一大快樂

16號郭珮文為以最佳狀態示人，兩日前開始注意飲食，但對靠食嘢來減壓的她來說要食少啲真係好難。

《2023香港小姐競選》決賽將於8月27日晚舉行，16位候選佳麗8月14日首次以泳裝會晤傳媒。身材出眾的16號郭珮文（Juliana）表示今日見傳媒並不緊張，但因為今次的泳衣較少布，所以覺得好凍。

本網記者攝

Juliana透露前一晚沒有夜瞓，加上兩日前開始注意飲食，所以今日精神不錯，而且沒有水腫。提到出場後被傳媒要求撥開頭髮，但沒有照做，Juliana就表示因為不想浪費髮形師的心血，所以沒有撥頭髮。

16號郭珮文（Juliana）

問到目前為止的參選狀態，Juliana表示：「我覺得幾好，可能有陣時有少少情緒嘅話，我可能就係用食嘢嘅方法去解決，因為食嘢係我人生一大快樂。」至於會否擔心因為食太多而影響身形，Juliana大呻雖然有些困難，但會盡加控制，不會暴飲暴食。

本網記者攝

提到15號莊子璇（Hilary）因為壓力大而入院，Juliana直言都好驚訝，並透露自己平日都會壓力，雖然不知道壓力從何而來，但會靠食嘢來舒壓，亦會和朋友傾訴，不過對她來說食嘢才是最有效的減壓方法。

15號莊子璇（Hilary）

最後，問到對決賽有沒有信心，Juliana就表示：「無話咩信唔信心嘅，我希望自己可以盡我所能做到最女咁。」

16號郭珮文（Juliana）、9號潘明璇（Michelle）、6號胡睿涵（Hanna）

TVB戀綜《女神配對計劃》去年推出第一季叫好叫座，相隔一年，《女神配對計劃2》載譽歸來，日前正式公開五位求愛女神，當中包括「咪神」郭珮文（Juliana），她近日就社交平台分享節目發布會當日的靚相，並向大家自我介紹。

TVB日前公開《女神配對計劃2》五位求愛女神。

Juliana自言不擅社交，亦喜愛發白日夢，所以心中一直可以期待遇見合適、能夠長遠同行的人，「收到《女神配對計劃2》節目邀請嘅一刻，我覺得係一次俾自己勇敢嘅機會，去遇見一個真正懂我嘅人。」她亦坦認自己「天然呆」，而是思維慢半拍，但在感情世界中會滿眼都是另一半，「愛情對我嚟講從來都唔係轟轟烈烈，而係日常嘅每一個細節入面。我承認我係一個骨子裡天生敏感、容易內耗、偶爾糾結嘅人。但看待愛情，我從來冇硬性標準，睇feel對我嚟講永遠大於一切。」

郭珮文IG圖片

郭珮文IG圖片

郭珮文IG圖片

Juliana公開自己的擇偶要求，「我希望會搵到一個願意同我傾訴所有心事，敢於展示自己脆弱一面，互相遷就，有共同嘅love language，亦都渴望一份被堅定選擇、被好好包容嘅愛，可以一齊為未來共同進退嘅另一半。」最後，她非常期待拍攝，「即將踏上《女神配對計劃2》，我相信會係一段特別嘅旅程 。」

郭珮文IG圖片