劉青雲及彭于晏（Eddie）抵達馬來西亞宣傳新片《危城》，青雲乘機投訴拍爆炸戲時最遲離開，又大爆古天樂（古仔）不諳水性。
兩人與導演陳木勝一同接受當地電視台訪問，雖然古天樂未有同行，兩位拍檔未有忘記他，而且趁古仔不在現場時大講壞話。Eddie被主持人問到若青雲及古仔齊跌入水中時會選擇救誰，豈料青雲即搶答大爆古仔不諳水性：「梗係救古天樂啦，佢唔識游水㗎嘛！」
青雲又笑指今次雖然有很多打鬥場面，更乘機投訴：「拍時裝片有時仲危險㗎，Benny（陳木勝）拍完會炸爛佢。我拍爆炸戲時成日都安排我最遲走，以前仲要多數真爆，我就企係個炸彈隔離，成日會借啲意行前兩步，點知就俾人叫返後。」陳導聞言也笑指：「咁你係男主角嘛，所以最遲走。」
劉青雲（左二）彭于晏（右二）與導演陳木勝（右一）接受當地電視台訪問。
談到Eddie與吳京在戲中的師兄弟情時，陳導指吳京為人爽朗，在拍攝期間經常會邀約飯局以增加整個團隊的感情：「吳京好用心良苦，因為佢第一次同彭于晏合作仲要有嗰種兄弟情，所以好好培養。」Eddie也笑言拍攝期間曾與吳京「約會」，兩人試過一連看兩部電影，其中有部更是愛情片。
（左起）劉青雲、彭于晏、陳木勝
