大隻佬阿諾運動貼士：唔好諗 想做就做

荷里活巨星阿諾舒華辛力加嚟香港，為佢搞的「阿諾國際體育節」 做推廣，Sebastian周五出席左佢個午餐會， 就知道呢個大隻佬成功係有理由嘅。

阿諾講嘢簡單直接。有人問佢成功之道，佢話關鍵唔係成功， 關鍵係錯誤，唯一通向成功之道，就係你犯錯之後， 自己重錯誤中學習，你唔會從成功的事情學到嘢， 只會在失敗的事情中學到嘢。

問阿諾點解咁大隻，點樣可以堅持做運動？ 阿諾話佢來自奧地利，多得佢有個好嚴格的父親，佢細個嘅時候， 做唔到200下掌上壓，無得食早餐， 因為咁慢慢做運動就變成佢生活的一部份。

 

20160819_阿諾舒華辛力加 (1)_meitu_7

阿諾的運動心得係「唔好諗，只去做」。佢話做正經事的時候要諗， 但做運動就唔使諗，例如你朝早6點鐘起身想做運動，諗諗點解， 結果就有100個理由唔可以做。所以做運動唔好諗， 想做佢就去做，讓運動成為你生活嘅一部份， 享受做完運動之後保持優美嘅體態，要每日去做運動。 佢好自豪咁講，「我今年69歲，還可以保持這樣的體型。」

佢話自己係一個健身宣道者，四圍去宣傳叫人做運動，保持健美。

Sebastian

** 博客文章文責自負,不代表本公司立場 **

東隧30年專營權周日凌晨屆滿，專營權移交回政府，前金管局總裁 任志剛最開心，事關佢太太葉小慧原任東隧執行董事兼總經理，在周 日榮休，將會陪任總周圍梳乎去也。

任太和任總本來係金管局同事，後來兩人拍拖，任太就離開金管局， 在1999年加入東隧，如今做咗17年。東隧交番俾政府，200 多名員工95%留低，但任太就選擇退休，成班同事為她舉行榮休派 對，有大蛋糕及99枝鮮花祝賀。最特別的係任總更作為神秘嘉賓現 身，仲徇眾要求即場「咀」老婆一啖。

講到任總神秘嘉賓出現，任太係唔係真係唔知，就好值得商榷啦。 因為任太在榮休派對上著的白色裙子，跟7年前即2009年在任總榮休晚宴上穿的是同一條，咁有心思， 就係等老公嚟榮休派對影番一式一樣的照片。

任總退休後在中山買了大屋，閒時雕刻木器，十分悠閒。 等埋老婆退休，就可以一齊嘆世界啦。