酒店蛋糕45蚊有8件？ 港男分享「食物盲盒」APP 網民大讚環保抵食

酒店自助餐蛋糕8件只需45蚊？有港男分享以手機應用程式購入「蛋糕盲盒」，獲網民大讚「好介紹」。

有港男於發文表示以$45購入尖沙咀某酒店的「自助餐甜品」，令我們大感好奇。（FB圖片）

該港男於Facebook群組「香港茶餐廳及美食關注組」發文，表示以$45購入尖沙咀某酒店的「自助餐甜品」，從他上載的照片可見，白色的外賣盒內裝有不同款式的切件蛋糕，包括2件慕絲蛋糕、2件蘋果批、1件藍莓蛋糕、2件士多啤梨蛋糕及1件朱古力曲奇。$45能有8件酒店級數的蛋糕，令網民嘖嘖稱奇「點解嘅？唔明」、「自助餐可外賣？」、「可帶走？」。

樓主解釋，蛋糕是透過一個推廣環保飲食的應用程式購買的「剩食盲盒」。（FB圖片）

樓主隨即留言解釋「誤會，誤會，係畀$45，喺酒店買一盒自助餐嘅甜品」。原來那些蛋糕並不是吃自助餐後外帶，而是通過一個推廣環保飲食的手機應用程式購買的「剩食盲盒」。透過應用程式於網上結帳購入不同餐廳供應的「剩食盲盒」，然後於指定時間到餐廳自取便可。盲盒內的食物價值遠超過購買價，如此一來客人既可以超優惠價格購入食物，餐廳亦可以收回部分成本，不用浪費。

除了酒店的自助餐蛋糕外，該應用程式亦有提供其他餐廳及店舖選擇。（FB圖片）

樓主指盲盒供應量限「有佢係當日朝早就賣，完咗自助餐時段嘅半個鐘攞，一日得幾個名額，話咗你哋聽我就無得買啦」，又分享購買心得「我係睇嗰件食物嘅評論先買，睇埋其他人post嘅圖就無咁易中伏」。

有網民亦分享以同一程式購入的「蛋糕肓盒」。（FB圖片）

網民紛紛讚揚「剩食盲盒」的概念，認為不僅環保又抵食，還能減少食物浪費「好好，好抵，又可以唔浪費，呢個做法值得一讚」、「個apps幾好喎！又可以少啲浪費食物，又可以平啲買黎食」、「幾好，好過完咗自助餐之後掉咗佢，希望多d酒店都可以做」、「概念唔錯，住附近或者放工經過可以諗諗。」、「慨念幾好，唔會浪費食物鍾意食甜品的人又有多個選擇，而且盲盒玩法，有驚喜」、「多謝推介，你唔講我真係唔知有呢樣嘢，唔好浪費食物，我會話埋比身邊嘅朋友知」。

有人分享以30元購買了「麵包盲盒」。（FB圖片）

不過亦有人擔心衛生問題「我擔心衛生問題」、「好怕啲客一邊夾野，一邊講野噴口水」。

帖文來源：Facebook群組「香港茶餐廳及美食關注組」

近日，一名移居英國的香港男子在社交平台發文，大吐苦水，批評部分同為移英的「手足」即使只是從事倉務工作，也熱衷於互相投訴、勾心鬥角，帖文隨即引發熱議。

AI生成圖片

港男：打份倉工都要勾心鬥角

該名港男在帖文中以「唔好意思呀，借個位發洩下。真係不吐不快」開首，直言不明白為何「香港人打份倉工都要玩互相投訴」。他感嘆道：「人哋個個國家啲人都好團結，係唯獨是香港人咁鍾意玩勾心鬥角。」

樓主無奈表示，倉務工作薪金微薄，只是為了過生活，「投訴咗又無錢分」。他質疑，大家歷盡辛苦移居英國生活，而這個國家也並非事事完美，為何上班時還要搞小動作，把事情複雜化。

AP資料圖片

網民熱議：認同現象籲遠離同鄉

帖文引來大批網民回應，不少人表示深有同感。有留言指：「絕對認同，仲要亂搞婚外情，個個忘記初衷」、「香港人嘛，就係咁！睇開啲啦，嚟到英國就遠離香港人啦」。亦有網民分析，可能是因為移英港人多屬中產，「以前喺香港玩慣辦公室政治勾心鬥角」，並指這種風氣已從「辦公室政治延伸到倉庫政治」。

其他批評聲音包括：「太多X街啦，有啲仲攪（搞）埋人哋老公、老婆」、「住在英國（嘅）香港人就係咁㗎啦，自己人打自己人，見到外國人就死曬狗，又喜歡玩杯葛（Boycott）自己人，乜嘢都爭，乜嘢都搶，又貪心，又假，真係要遠離D香港人」。

示意圖

網友質疑：倉務工友或因缺乏競爭力？

不過，亦有網民提出不同看法，直言：「得罪講句，有料都唔駛（使）做倉啦，都係出面揾唔到工先喺倉度長做⋯，咁無料嘅人最驚咩？就係驚人叻過佢，搶咗佢（嘅）地位。」對此，發文的樓主則回應稱，在英國要找回本行工作並不容易，連本地人也可能要做倉務，「又唔係個個都無料嘅。」

英國白金漢宮。AP資料圖片