林作在中秋節與媽媽、女友裕美,以及自己107歲的婆婆等親友一同北上食飯過,心情似乎沒有被JPEX事件影響。
虛擬資產交易平台「JPEX」涉嫌詐騙案令多名藝人及網紅受牽連,捲入今次風波的林作被捕後獲準保釋,之後林作在律師和女友裕美的陪同下開記者會交代事件進展,言行亦變得低調。中秋佳節(9月29日),林作都在社交平台貼出全家福!
林作在中秋當日與媽媽王莉妮(Lily)、女友裕美,以及自己107歲的婆婆等親友一同返深圳福田食飯過中秋,可見林作笑得開懷,心情似乎已經回復,而經過今次事件,裕美已獲未來奶奶接納,她亦在IG Story貼出一張大閘蟹的照片,相信就是他們當晚的其中一道菜。
View this post on Instagram
不少網民看到林作的帖文都趁機「抽水」,紛紛留言:「食多一餐得一餐」、「中秋節快樂👏提提你呃完人之後仲未道歉㗎」、「自己有錢就食好野(嘢 ),就算冇左100萬,但果d(嗰啲)苦主點搞就係可能因為信左(咗)你」、「有冇趁中秋洗定八月十五」、「裏面啲嘢冇咁好食架喇...不過唔建議你仲食得咁好...否則到時反差很大」、「食好d(啲),之後幾年冇機會,最多多隻雞翼」。