不滿大媽霸位 後生女港鐵車廂內激動大鬧擾客獲長者勸喻兼讓座

後生女於港鐵車廂炮轟大媽爭位坐，情緒激動引乘客注目，有長者甚至提出讓座給她，影片網上瘋傳。

有後生女於港鐵車廂炮轟大媽爭位坐。（FB影片截圖）

該影片被轉載至Facebook群組「香港突發事故報料區及討論區」影片中，一名女乘客聲稱她已經走到座位前，卻被大媽強行爭奪。大媽旁邊的大叔隨即說「俾你坐啦」，但該女子拒絕「唔係坐嘅問題，係你咁樣唔啱」。她怒罵大媽表示「我已經行到呢到」，而大媽則解釋「你行過嚟，我又行過嚟」。女子堅持大媽做法不對，不斷重複罵「你唔啱」。

其他長者見狀，上前勸女子收聲。（FB影片截圖）

其他長者見狀，上前勸港女收聲。（FB影片截圖）

爭吵聲引起其他乘客的注意，有幾位長者看不過眼上前勸港女收聲「讓下老人啦，後生女」、「人地都幾十歲，你呢D後生女真係」、「靚女，你都睇吓人哋幾十歲人啦」、港女反問「你有幾老啊，八十幾歲啊？」有長者甚至提議讓座給港女，但她仍堅持「唔係，我唔需要坐，但你咁樣做就係唔啱，霸位都唔係咁霸啦，係咪啊。」。最終，大媽提出報警處理，港女才收聲，事件告一段落。

影片引網民熱議，由於拍攝者為泰國人，有人批評「泰國人都笑妳啦垃圾，就算真係唔啱都讓下啦，何況有時都冇話啱與錯，你爭唔到位係妳技不如人啫」，亦有不少網民指責港女「潑婦」、「同長者爭位座，最啱係你啦」、「大人大者，後生搖搖，同D老人爭位」、「其他啲老人家都是怕咗佢，讓座畀佢，佢仲要喺度嘈」。

但亦有人撐港女「似乎個女仔唔係話一定要坐， 不過話啲阿婆呀伯冇禮貌，個女仔坐到一半都被人推開。女仔意思話佢唔坐唔緊要，只係話啲老人家冇禮貌。如果係咁，覺得個女仔冇鬧錯。（BTW， 嗰個唔係關愛座）」。

帖文來源：Tayanin Suvarach、Facebook群組「香港突發事故報料區及討論區」

有港女發文詢問網民，應否為年過60歲的父母購買自願醫保。她指父母現時僅依賴公營醫療，雖有高膽固醇、初期白內障等小毛病，但仍擔心現在投保「會唔會太遲」，隨即引發網民辯論。

有港女發文詢問網民，應否為年過60歲的父母購買自願醫。資料圖片

反對者指保費高昂條款多

不少網民直言，以樓主父母的年齡及健康狀況，投保可能「唔抵買」，因保費相對昂貴，且可能附帶多項「不保事項」。有自稱業界人士的網民更坦言：「呢個年紀、呢個病歷，唔係你肯唔肯買，係人哋肯唔肯賣俾你」，提醒長者若有心臟病或糖尿病等長期病患，保險公司極可能拒保。

樓主父母年過60。AI生成圖

支持者籲「有心唔怕遲」

然而，更多網民認為「有心唔怕遲」，並分享親身經歷。有過來人表示，為家人投保三年後即不幸患癌，成功索償二百多萬，感嘆「最重要係，你唔會忍心見到佢哋排公立」。另一網民指父親投保十多年，其後在私家醫院花費50萬，保險賠償九成，強調「有能力選擇私或公係已經好好」。

樓主稱「你唔會忍心見到佢哋排公立」。AI生成圖

過來人教路：誠實申報病歷

有網民建議必須誠實申報所有病歷，避免日後索償爭議。在計劃選擇上，可考慮「最高自付費」方案以降低保費，主要應對癌症等嚴重疾病風險。亦有人提議可搭配意外保或具危疾保障的年金產品，為長者提供多重保障。

樓主父母身體有小毛病。AI生成圖

網民總結：量力而為

討論最終未有定案，但有網民以風險管理作結，指為父母買醫保如同博弈，「都係講賠率」，做錯決定代價沉重，但選對策略或能在關鍵時刻換來安心。網民普遍認同，每個家庭狀況不同，應按實際經濟能力與健康情況，諮詢專業意見後再作決定。