麥玲玲爆網絡工程師老公「狀元」命格 當初志願︰樓梯底整電器

玲玲師傅直言老公具備「讀得書」的面相！

堪輿學家麥玲玲帶領黃紫恩（Jojo）、蔡景行（行仔）和陳欣茵（Yan Yan）主持的清談節目《玲玲友情報》，逢周三晚11點J2（82台）播映。明晚（29日）一集主題為「讀書唔係咁樣讀」，再請來元祖級補習天后June Leung擔任嘉賓。

今節主題是「讀書唔係咁樣讀」，一般父母深信讀到書等如搵到錢。

玲玲師傅話學霸有樣睇，第一樣是睇耳仔高低。

玲玲師傅話額頭飽滿代表讀書叻。

為人父母最關心的，莫過於子女學業，深信讀得書就有好出路。原來是否讀得書確實有樣睇，今集節目玲玲師傅會教大家從面相分析。首先看耳仔，耳仔高過眉代表聰明、記性好；耳仔生得後同低代表鹹濕。眉毛整齊同靚，表示執行能力同計劃能力強，額頭高而飽滿不單讀書叻，而且官祿運非好，高薪厚祿。她自爆老公是讀書叻之人，中七未畢業便以資優生身份入讀大學。

原來耳仔低代表鹹濕。

Jojo斷捨難有儲劇本同學業筆記習慣。

Jojo透露因為母親關係，令自己愛上學習。

玲玲師傅接受訪問時大爆老公年年考第一的威水史，她笑說︰「佢唔係名校出身，喺香港仔一間工業學院畢業，嗰時諗住畢業係樓梯底整電器。」因為成績優異所以中五畢業，便以資優生資格入讀理工，之後再跳入港大修讀孖E學系（電子工程系），玲玲師傅補充話︰「本來醫科都收咗佢，但係佢鍾意計數，佢係第一代從事寬頻嘅電子工程師。」玲玲師傅直言老公具備「讀得書」的面相，包括耳仔高、眉毛齊及具「狀元」的命格。玲玲師傅話不少客人，特別是港媽最關心子女是否讀得書，她語重心長表示︰「我會直接講得定唔得，其實讀書只係其中一樣，小朋友可以有好多樣才能。父母都設身處地諗下，自己細個讀書係咪咁叻，對自己有冇咁樣要求先。」

玲玲師傅老公為網絡工程師，讀書時為學霸一名。

玲玲師傅透露老公經常誇口「唔知咩係考第二」。

林敏驄同玲玲師傅講「年年考包尾」，所以不知道何謂考第二。

節目中Jojo自爆原本對讀書不感興趣，發掘出讀書樂趣，是自小學一年級開始，因為媽咪一項舉動令她大受感動︰「小一入咗間英文小學，讀書唔係太好，自此一返屋企就喊，有日媽咪忽然將我托管咗畀鄰居阿姨。有幾個月嘅星期二8點鐘，媽咪會準時喺屋企消失。」最後謎底解開，有日Jojo返家見到多了份學校的英文教材，才知道媽咪每星期上夜校學英文。受媽咪的身體力行感召，她自此沒有一刻再想過放棄學業。

補習天后June身體力行考公開試，體驗考生感受。

為迎接農曆新年，無綫推出一共14集的新春賀年節目《香港歐化飛鷹活絡油呈獻：一馬當先行大運》晚上10點半翡翠台播映，由曾展望GM、葉蒨文Sophie、林智樂、潘靜文及胡敏芝擔任主持，並邀得香港多位著名堪輿學家：李丞責、麥玲玲、唐碧霞、雲文子、元海&海嫂、周璞初、鄭勤龍、楓燧及法銘，以玄學、風水、相學等理論及角度，透過不同環節傳授馬年開運攻略。

傅嘉莉擔任《一馬當先行大運》嘉賓。

麥玲玲指傅嘉莉適合移居內地。

今晚（2月26日）一集邀得女神傅嘉莉Kelly擔任嘉賓，之前憑《香港人在北京》「芬妮」一角爆紅後、再憑《反黑英雄》「陳珊珊」膺最佳女配角的Kelly非常關心自己的事業運，甫見玲玲師傅即請教對方催運方法。

傅嘉莉命格宜在珠寶界發展。

Kelly被指姻緣直「向外發展」
傅嘉莉坦言近年為了拍劇，經常到內地取景，有意搬上大灣區居住方便工作，玲玲師傅大表贊成，因為現在正行大運「九紫離火運」：「北面有郁動嘅星，所以不論係你或其他人，多往北面走動係好嘅。」肖鼠的傅嘉莉擔心今年「鼠馬相沖」，不過玲玲師傅叫她不用擔心，因為做藝人沖太歲反而是好事，更預測傅嘉莉有機會爆紅！至於姻緣，玲玲師傅指傅嘉莉感情宜「向外發展」，例如異地戀或跟外國人拍拖，並要低調拍拖才能開花結果。

麥玲玲帶林智樂、潘靜文及胡敏芝暢遊甘坑古鎮。

林智樂的嬌俏甫士真係可以「殺死人」。

林智樂不習慣袒胸露臂。

眾星介紹甘坑古鎮的美食。

至於明晚（27日）最後一集內容同樣精彩！玲玲師傅帶林智樂、潘靜文及胡敏芝暢遊深圳甘坑古鎮，三位年輕人穿上古裝玩Cosplay，潘靜文的女俠造型相當英氣，胡敏芝則化身可愛公主，林智樂則男扮女裝着上粉紅色透視古裝，夠晒「驚」喜，他自己亦忍唔住爆一句：「好暴露呀！我好唔慣成日袒胸露臂！」

周璞初教用「十臭水」催丁。

汗水與廚餘汁都可以製造「十臭水」。

點解熊公仔可以催丁？

至於璞初師傅則分享了「催丁大法」，首先收集夫婦生活中十種不同類型的污水製成「十臭水」，包括眼淚、汗水、口水、洗手水、洗菜水、廚餘汁等，然後收藏在一個地方，若果成功有孕便要立即拿走。璞初師傅還會教觀眾如何利用熊公仔製造「大利添丁環境」，想知點解同點做？想知「十臭水」要放喺乜嘢地方？明晚最後一集自有分曉，大家記得唔好錯過！