Miss Gin拯救音痴 李幸倪直指難聽：「唉！陰公！」

Miss Gin 拯救馬介休音痴大行動

出名唱得的Gin Lee李幸倪出身音樂世家，父親是樂隊鼓手、母親是歌手，自小便接受唱歌訓練。對唱歌充滿熱誠的她更不時拍攝教唱歌短片，分享唱歌小技巧。最近她決定「拋個身出嚟」化身「Miss Gin」，親身指導網上平台「歡樂馬介休」的三位魔音主持：凌永豪（Rico）、爆May及梁子龍（龍哥），決定展開「拯救馬介休音痴大行動」！

相關影片可以按以下畫面觀看：

影片連結： www.youtube.com/embed/LQMQZ_WpYuc

出名唱得的Gin Lee李幸倪出身音樂世家

Gin首先了解三人的問題，自先Rico表示想學「講嘢」，「講嘢半個鐘、唱三四首歌喉嚨就會沙。」爆May則叫Gin將她重新塑造，因為音準、節奏通通都要處理；龍哥則謂自己突破不到高音，找不到最適合的音調。正式診症，Gin指出Rico說話時長期壓低聲音，所以說話時音調提高一點聲線便會響，Rico立即照做，聲線猶如銷員上身，他說：「咁會唔會有啲假呢？」Gin即笑問：「你以為你低沉就好真誠咩？」眾人隨即爆笑；而龍哥的真假音轉換問題，Gin表示十分常見，透過練習便能改善，龍哥便唱出Gin的《企好》副歌一句，Gin教他其中一個技巧如像「打喊路」一樣，當龍哥再唱時，他邊唱邊做出「打喊露」伸展雙手的動作，雖然隨即上到高音，不過Gin、Rico及爆May已經笑到收唔到聲；輪到爆May，她首先唱一段《企好》，Gin聽過後認為她有音感，沒想像中那麼差，「唔係五音不全，你係聽到，只不過到咗高音，能力上未能令你做到嗰樣嘢。所以去到高音你就求其發啲聲。」更着爆May摸她的丹田，感受丹田的運用。隨後Gin又示範「Humming」及「Bubble」，主要是聲帶及連結胸聲頭聲的練習。

決定展開「拯救馬介休音痴大行動」！

Gin指出Rico說話時長期壓低聲音，所以說話時音調提高一點聲線便會響

更着爆May摸她的丹田，感受丹田的運用。隨後Gin又示範「Humming」及「Bubble」，主要是聲帶及連結胸聲頭聲的練習。

更着爆May摸她的丹田，感受丹田的運用。隨後Gin又示範「Humming」及「Bubble」，主要是聲帶及連結胸聲頭聲的練習。

除了拯救三人魔音，另一個任務就是三人要走進錄音室，錄一次Gin的《企好》。當Gin解決三人問題後，便開始分配誰人唱哪一部份，當爆May唱完其中一句後，認真的Gin毫不留情地說：「唔好聽。」眾人又再喪笑。練習完後，四人一同出發錄音室，Gin更請來音樂製作人T-Ma幫手。最後三人成功錄好《企好》，T-Ma更給他們九十五分，而Gin則給出九十分，在錄音過程中，Gin更發現爆May原來有隱藏天賦，「就係你會唔好心唱咗和音，真係唔係個個人都唱到。你係想唱主音但係唱咗和音，又準喎！呢個好難。」錄音圓滿結束，爆May表示，想聽聽Gin行出真實之門後的第一句的話，Gin亦十分配合，邊開門邊說：「唉！陰公呀！」眾人笑到肚痛。

認真的Gin毫不留情地說：「唔好聽。」

眾人又再喪笑

Gin更請來音樂製作人T-Ma幫手

爲他們打氣！

最後三人成功錄好《企好》

Gin亦十分配合，邊開門邊說：「唉！陰公呀！」

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照