李幸倪韓國旅行行街變挑戰任務 3萬韓元預算買10份聖誕禮物送粉絲

歌手李幸倪（Gin Lee）一向非常寵粉，連去旅行都不忘為粉絲準備福利！Gin近日去了韓國旅行，行街期間被要求用3萬韓元（約150港元）預算，買10份禮物送觀眾，雖然預算不多，但她都非常用心選購，最終亦成功完成任務！

Gin Lee

Gin Lee一向非常寵粉！

Gin在IG分享影片，並留言：「去到韓國，本身只係諗住行下街，點知最後變咗揀聖誕禮物畀 fans ！好在我都叫精打細算！唔知你哋會唔會鍾意呢？有冇人想要？」影片可見，Gin去到一間售賣各類禮物的店舖，全程慳妹上身的她很快就睇中實用又可愛的短襪，其中一對繡有四葉草圖案更相當有意思，因為她的粉絲名叫「幸運兒」，她又發現有自己喜歡的Snoppy襪，愛不釋手的她更忍不住「自肥」。

影片截圖

影片截圖

影片截圖

影片截圖

影片截圖

買完短襪，Gin見到寫有「幸」字的四葉草飾品，雖然價錢有點貴，但她覺得很能代表自己，所以決定買來當大獎，最後在有限預算下，她再挑選了兩條頸巾後便順利完成任務，還要有2500韓元剩下，令她忍不住要自誇，「我呢啲藝人邊度搵，成日睇住啲budget。」不少網民看過影片後都大讚Gin挑選禮物有眼光，並紛紛留言：「想要！」

影片截圖

影片截圖

影片截圖

影片截圖

影片截圖

為迎接「英皇娛樂25+HAPPY BIRTHDAY慶典」，繼日前的「英皇娛樂25+Moving Cantonpop Disco電車派對」，宣傳活動繼續浪接浪。昨日（3月17日）輪到金牌經紀人霍汶希（Mani），率領張敬軒及Gin Lee李幸倪齊齊快閃麥當勞，化身「奶茶大使」落區同粉絲近距離接觸，場面熱鬧。三人同為英皇娛樂25+慶典造勢，與眾同樂！

霍汶希、張敬軒、Gin Lee出席快閃派奶茶活動。

軒仔跟Gin一踏入店舖，迅即吸引餐廳食客的目光，顧客紛紛舉起相機及要求合影，氣氛勁high。不過話明是大使，當然並非單單派杯奶茶咁簡單，兩位歌手跟大家玩起問答遊戲，而且問題亦「甚有難度」。

快閃活動現場氣氛熱烈。

張敬軒與現場粉絲互動。

軒仔負責派奶茶時，向幸運顧客抛出問題：「以下邊一位唔係英皇女歌手？ A. 容祖兒 B. Gin Lee C. 霍汶希。」雖然問題表面簡單，但暗藏陷阱，幸好顧客醒目，秒速回答：「C！霍汶希！」軒仔即時豎起手指公，親自奉上冰凍奶茶。到Gin Lee出手，她問了一條「送分題」：「今年英皇娛樂幾多歲生日？」顧客亦不弱，興奮答出：「25+！」即刻有奶茶歎！

張敬軒與現場粉絲互動。

Gin Lee派奶茶。

期間有位小朋友獲軒仔親自送贈奶茶，不過小朋友怕醜不敢收，Mani即刻發揮「阿媽」本色，溫柔地說：「唔使驚㗎，係請你飲唔使錢㗎，真係請你飲㗎。」一句說話即刻引到全場大笑，場面溫馨又搞笑。

三人與市民互動。

玩到興起，Gin更貼地跟顧客齊坐低，同成枱顧客一齊舉杯暢飲，打成一片。亦有不少顧客捉緊機會向軒仔及Gin集郵，親民的二人當然來者不拒，將開心氣氛延續到最後。

張敬軒、Gin Lee與顧客合照 。

而明天（3月19日）【25+英皇群星演唱會】將正式公開發售！

張敬軒、Gin Lee