張敬軒Gin Lee派奶茶兼出題考fans 霍汶希「阿媽」上身一句KO小朋友引爆笑點

為迎接「英皇娛樂25+HAPPY BIRTHDAY慶典」，繼日前的「英皇娛樂25+Moving Cantonpop Disco電車派對」，宣傳活動繼續浪接浪。昨日（3月17日）輪到金牌經紀人霍汶希（Mani），率領張敬軒及Gin Lee李幸倪齊齊快閃麥當勞，化身「奶茶大使」落區同粉絲近距離接觸，場面熱鬧。三人同為英皇娛樂25+慶典造勢，與眾同樂！

霍汶希、張敬軒、Gin Lee出席快閃派奶茶活動。

軒仔跟Gin一踏入店舖，迅即吸引餐廳食客的目光，顧客紛紛舉起相機及要求合影，氣氛勁high。不過話明是大使，當然並非單單派杯奶茶咁簡單，兩位歌手跟大家玩起問答遊戲，而且問題亦「甚有難度」。

快閃活動現場氣氛熱烈。

張敬軒與現場粉絲互動。

軒仔負責派奶茶時，向幸運顧客抛出問題：「以下邊一位唔係英皇女歌手？ A. 容祖兒 B. Gin Lee C. 霍汶希。」雖然問題表面簡單，但暗藏陷阱，幸好顧客醒目，秒速回答：「C！霍汶希！」軒仔即時豎起手指公，親自奉上冰凍奶茶。到Gin Lee出手，她問了一條「送分題」：「今年英皇娛樂幾多歲生日？」顧客亦不弱，興奮答出：「25+！」即刻有奶茶歎！

張敬軒與現場粉絲互動。

Gin Lee派奶茶。

期間有位小朋友獲軒仔親自送贈奶茶，不過小朋友怕醜不敢收，Mani即刻發揮「阿媽」本色，溫柔地說：「唔使驚㗎，係請你飲唔使錢㗎，真係請你飲㗎。」一句說話即刻引到全場大笑，場面溫馨又搞笑。

三人與市民互動。

玩到興起，Gin更貼地跟顧客齊坐低，同成枱顧客一齊舉杯暢飲，打成一片。亦有不少顧客捉緊機會向軒仔及Gin集郵，親民的二人當然來者不拒，將開心氣氛延續到最後。

張敬軒、Gin Lee與顧客合照 。

而明天（3月19日）【25+英皇群星演唱會】將正式公開發售！

張敬軒、Gin Lee

Gin Lee李幸倪昨日（8月23日）舉行「GLFC歌迷會限定 GIN LEE 李幸倪《READY FOR》生日見面會」，跟一班「GLFC」歌迷提早慶祝今個月26日的生日。

Gin Lee舉行「GLFC歌迷會限定 GIN LEE 李幸倪《READY FOR》生日見面會」。

跟一班「GLFC」歌迷提早慶祝生日。

話明是歌迷會限定，每位參加的Fans都手持「READY FOR GIN LEE 李幸倪 LIVE IN HONG KONG 2026『限量專屬編號』．珍藏版藍光碟套裝」，而這套光碟外面有錢都買不到，絕對是fans專屬的珍藏。Gin一現身，全場即刻尖叫聲不斷，她首先多謝大家一直以來的支持，「多謝你哋睇我演唱會，同埋多謝你哋買呢隻Blu-ray呢個特別版，呢個特別版喺出面絕對係買唔到，only for GLFC，希望你哋感受到我呢份誠意。多謝你哋今日出席。」

Gin Lee李幸倪

Gin Lee李幸倪

提到這個特別版藍光碟套裝，Gin指製作過程不簡單，「裏面見到好多嘅小心思，每次都係會諗fans鍾唔鍾意呢？收到會唔會開心呢？所以我哋改咗好多次設計，就係希望你哋會感受到呢份誠意。」之後全場一齊坐定定，重溫演唱會的精彩時刻。

Gin Lee李幸倪

去到生日會重點環節，當然不少得切蛋糕！蛋糕上面更有Gin演唱會造型公仔，十分精緻。全場歌迷一齊大合唱生日歌，Gin就合埋眼許願，講到生日願望，Gin就話：「我每一年同Fans一齊過生日，我都會將我第一個願望送俾每一位同我一齊過生日嘅Fans，就係你哋，我喺度好衷心祝每一位身體健康、生活愉快、好平安、每一日都會感受到好多嘅愛、同埋每一日都會好幸福，呢個係我送俾大家嘅第一個願望。」說完後，她笑着說聽聞有三個願望，剩下的兩個就留給自己靜雞雞許，場面搞笑又溫馨。

Gin Lee李幸倪

Gin Lee李幸倪

隨後，Gin又跟大家分享近況，她指自己之前「失蹤」了一陣子，其實是到不同地方工作及做歌，她還大爆好消息，「好快應該九月頭會有新歌，係好refreshing嘅一首歌，大家可以期待吓啦，同埋呢首新歌會係我新碟、一隻概念專輯嘅第一隻歌，所以係全新嘅一個concept，感覺亦都會係一個全新嘅階段。」並叫大家拭目以待。去到生日會尾聲，Gin逐一跟歌迷簽碟、傾偈及合照，絕對是超級寵粉。

Gin在生日會尾聲逐一跟歌迷簽碟、傾偈及合照。

Gin在生日會尾聲逐一跟歌迷簽碟、傾偈及合照。