日前Gin Lee李幸倪接受「一鏡到底Music Live」挑戰，由九龍塘廣播道車廂開始，唱住歌穿街過巷，一直唱到去尖沙咀天星碼頭麥當勞，再殺入海港城邊行邊唱，整個過程猶如音樂公路片，十分過癮。
Gin Lee
Gin Lee
Gin Lee
Gin Lee
整個Music Live長達一個多小時，Gin只靠一支結他伴奏，唱出五首歌曲，包括《一早知道的情歌》、《雙雙》、《今天終於一人回家》、《隨時隨地》及《企好》。最驚喜的是在車廂部份，竟然找來《全民造星VI》的愛徒、以「第11人」身份逆襲奪冠的Teller，Gin邊唱《一早知道的情歌》，Teller邊Beatbox，師徒檔上陣，未出發先興奮！
沿途不少市民野生捕獲Gin，紛紛衝上前selfie，亦有樂迷表示已買演唱會飛，為她下月七、八號的紅館show打氣，十分窩心。壓軸一幕去到海運大廈露台，原來一大班fans早已霸定位等偶像。Gin一出現，全場即時起哄，最後來個全場大合唱《企好》，將氣氛推至高峯。
Gin Lee
Gin Lee
挑戰完結後，Gin大談感受，她笑言：「今日呢個任務，可能係史上最難嘅其中一個任務！因為呢個live唔係普通live，係充滿住太多嘅uncertainties，2026年嘅一個新挑戰。」她續說：「我覺得好好玩、好開心，好鍾意。今日好輕鬆，冇問題，可以再挑戰！可能而家年紀大咗，會學識擁抱唔同moment，唔需要樣樣嘢都完美。真實咁發生，就等佢發生啦。有突發情況，即刻做最好決定處理咗佢就OK。」Gin又自爆以前會為小事失眠，「以前返到屋企可能會瞓唔着，諗『點解會咁？可以做好啲！』但而家覺得，人生就係咁，冇得時刻完美，盡咗力就OK。」
Gin Lee
Gin Lee
Gin Lee
Gin Lee李幸倪YouTube節目《Miss Gin》今次第八集請來著名音樂監製徐浩（Terry）做嘉賓，二人大爆錄音室內的奇人奇事、歌手的「古怪僻好」。徐浩更直言「曲、詞、編、監」當中的「監」，說到尾原來是「打雜」？
VIDEO
觀看相關影片按連結：https://youtu.be/GSjQxVtSee0
Gin指不少歌迷經常聽見歌手多謝「曲、詞、編、監」，但監製究竟做啲乜？今次她便找來Terry解說。他形容監製似一個「全能大管家」，由跟歌手傾偈定方向、找人編曲、錄音到後期製作，全部一腳踢。他透露自己最初都是歌手出身，之後轉做幕後，一開始都是由低做起，幫手剪和音、沖咖啡、甚至倒車都做過，這都是為了在旁邊偷師，觀眾前輩如何跟同歌手及樂手溝通。
Gin Lee YouTube節目《Miss Gin》請來著名音樂監製徐浩做嘉賓。
Gin問到錄音最棘手的事，Terry謂最怕矻手咬字有問題，Gin大表認同。Terry指現今科技先進，音準及拍子通通可以靠後期電腦逐個音Tune好，唯獨「咬字」！「遇到咁嘅情況，就要開住份歌詞，逐個字同歌手解釋同練習，因為好多時歌手自己根本聽唔出有問題。」
影片截圖
影片截圖
影片截圖
徐浩又爆料話，錄音前「食嘢」同「叫外賣」這個環節極度重要，尤其是跟第一次合作的歌手，他會透過一起食飯傾偈，了解對方性格，建立信任，笑言這個步驟隨時緊要過錄音本身。說到嗌外賣，Gin就忍不住自爆新人時期的笑料，「我開頭唔知呢樣嘢，點解會食飯呢？呢個時間唔係要錄音嘅咩？做新人嘅時候好緊張，prep足成個禮拜，每一日一起身就唱唱唱，好ready啦。好！四點錄音吖嘛，我諗住一去到錄音室就唱，去到監製就同我講：『點啊？食嘢未啊？嗌啲嘢食先啦』哈哈。我就……『都好呀。』之後先知其實係透過一個食嘢嘅環節去了解歌手嘅特質、性格等等，然後就會令之後嘅錄音程序更加暢順。」
影片截圖
講到歌手錄音時的奇特癖好，Terry就話自己算好彩，未遇過太古怪的Case，最多都是見過有人點蠟燭、噴香水營造氣氛。Gin一聽到「點蠟燭」便勁surprise，「因為我聽過祖兒嘅故事，佢話佢以前錄音嘅時候，要唱一首可能好emo嘅歌，佢就點晒蠟燭，跟住呢越唱越暈，原來缺氧！ 所以我好記得呢個故事，哈哈！」除了點蠟燭， Terry透露有歌手很怕跟人有Eye Contact，因為錄音室與控制室之間通常只隔住一塊大玻璃，有歌手會怕被人看到他唱歌時的樣子，Gin表示認同，「我又明嘅，其實你入咗自己嘅世界，想去投入，可能都已經冇表情管理㗎啦。」
影片截圖
影片截圖
影片截圖
影片截圖
不過講到最影響歌手跟監製，Terry坦言錄音時有人站在他後面！「因為歌手喺嗰個咁赤裸嘅時間，如果後面坐一班人，係好影響佢。所以我都係，尤其是錄一啲比較 emo嘅歌嘅時候，我就會盡量只係得我同個歌手喺度。我就會請其他嘅同事、even我自己嘅assistant，我都會請佢哋出去。」Gin聽完即刻和應，「我都有同感。因為有時你唱某啲歌，你真係會覺得自己係全部攤晒出嚟俾人睇。所以如果喺呢個 moment 后面有人傾偈，你就會突然間出戲。 」
最後去到場外提問環節，現場拍攝團隊問到Terry：「你有冇睇過《金枝玉葉》？」Terry不以為意答道：「有呀有啊呀。」然後拍攝團隊再說：「監製通常後尾都同歌手發展出戀情⋯⋯」Gin立即大笑，這時Terry才恍然大悟（其太太是歌手曾樂彤），更忍不住掩咀笑起上來，大讚提問厲害，「呢個幾勁喎、呢個幾勁喎！」這時Gin「加一把勁」，「呢個真人真事喎。」Terry尷尬地說：「都唔一定嘅，有啲咁嘅事發生嘅間唔中都，我亦都唔係唯一一個嘅，緣份嘅嘢好難講嘅，就咁啦，下次見。」
