Gin Lee邀徐浩分享錄音室秘聞 容祖兒被爆唱EMO歌要點蠟燭搞到缺氧見暈

Gin Lee李幸倪YouTube節目《Miss Gin》今次第八集請來著名音樂監製徐浩（Terry）做嘉賓，二人大爆錄音室內的奇人奇事、歌手的「古怪僻好」。徐浩更直言「曲、詞、編、監」當中的「監」，說到尾原來是「打雜」？

觀看相關影片按連結：https://youtu.be/GSjQxVtSee0

Gin指不少歌迷經常聽見歌手多謝「曲、詞、編、監」，但監製究竟做啲乜？今次她便找來Terry解說。他形容監製似一個「全能大管家」，由跟歌手傾偈定方向、找人編曲、錄音到後期製作，全部一腳踢。他透露自己最初都是歌手出身，之後轉做幕後，一開始都是由低做起，幫手剪和音、沖咖啡、甚至倒車都做過，這都是為了在旁邊偷師，觀眾前輩如何跟同歌手及樂手溝通。

Gin Lee YouTube節目《Miss Gin》請來著名音樂監製徐浩做嘉賓。

Gin問到錄音最棘手的事，Terry謂最怕矻手咬字有問題，Gin大表認同。Terry指現今科技先進，音準及拍子通通可以靠後期電腦逐個音Tune好，唯獨「咬字」！「遇到咁嘅情況，就要開住份歌詞，逐個字同歌手解釋同練習，因為好多時歌手自己根本聽唔出有問題。」

影片截圖

影片截圖

影片截圖

徐浩又爆料話，錄音前「食嘢」同「叫外賣」這個環節極度重要，尤其是跟第一次合作的歌手，他會透過一起食飯傾偈，了解對方性格，建立信任，笑言這個步驟隨時緊要過錄音本身。說到嗌外賣，Gin就忍不住自爆新人時期的笑料，「我開頭唔知呢樣嘢，點解會食飯呢？呢個時間唔係要錄音嘅咩？做新人嘅時候好緊張，prep足成個禮拜，每一日一起身就唱唱唱，好ready啦。好！四點錄音吖嘛，我諗住一去到錄音室就唱，去到監製就同我講：『點啊？食嘢未啊？嗌啲嘢食先啦』哈哈。我就……『都好呀。』之後先知其實係透過一個食嘢嘅環節去了解歌手嘅特質、性格等等，然後就會令之後嘅錄音程序更加暢順。」

影片截圖

講到歌手錄音時的奇特癖好，Terry就話自己算好彩，未遇過太古怪的Case，最多都是見過有人點蠟燭、噴香水營造氣氛。Gin一聽到「點蠟燭」便勁surprise，「因為我聽過祖兒嘅故事，佢話佢以前錄音嘅時候，要唱一首可能好emo嘅歌，佢就點晒蠟燭，跟住呢越唱越暈，原來缺氧！ 所以我好記得呢個故事，哈哈！」除了點蠟燭， Terry透露有歌手很怕跟人有Eye Contact，因為錄音室與控制室之間通常只隔住一塊大玻璃，有歌手會怕被人看到他唱歌時的樣子，Gin表示認同，「我又明嘅，其實你入咗自己嘅世界，想去投入，可能都已經冇表情管理㗎啦。」

影片截圖

影片截圖

影片截圖

影片截圖

不過講到最影響歌手跟監製，Terry坦言錄音時有人站在他後面！「因為歌手喺嗰個咁赤裸嘅時間，如果後面坐一班人，係好影響佢。所以我都係，尤其是錄一啲比較 emo嘅歌嘅時候，我就會盡量只係得我同個歌手喺度。我就會請其他嘅同事、even我自己嘅assistant，我都會請佢哋出去。」Gin聽完即刻和應，「我都有同感。因為有時你唱某啲歌，你真係會覺得自己係全部攤晒出嚟俾人睇。所以如果喺呢個 moment 后面有人傾偈，你就會突然間出戲。 」

最後去到場外提問環節，現場拍攝團隊問到Terry：「你有冇睇過《金枝玉葉》？」Terry不以為意答道：「有呀有啊呀。」然後拍攝團隊再說：「監製通常後尾都同歌手發展出戀情⋯⋯」Gin立即大笑，這時Terry才恍然大悟（其太太是歌手曾樂彤），更忍不住掩咀笑起上來，大讚提問厲害，「呢個幾勁喎、呢個幾勁喎！」這時Gin「加一把勁」，「呢個真人真事喎。」Terry尷尬地說：「都唔一定嘅，有啲咁嘅事發生嘅間唔中都，我亦都唔係唯一一個嘅，緣份嘅嘢好難講嘅，就咁啦，下次見。」

Gin Lee李幸倪、泳兒（Vincy）及樂隊Daze in White日前出席《廣州超級草莓音樂節》，三個單位輪住上台，氣氛熱爆。

Gin Lee李幸倪

泳兒

Daze in White

由於首次參與音樂節，Gin坦言很多時情都預計不到，所以唯有上網做功課，不過她看得最多的，竟然是當日的天氣預測，她笑着說：「因為我好怕熱，Overheat會hang機諗唔到嘢，所以要喺三十幾度曝曬嘅環境下表演係一大挑戰！」不過她亦做足全部散熱措施。最後順利完成，更說當日比平時更有power，「真係要多謝班fans俾咗我好多力量，我望住台下嘅佢哋個個曬到紅卜卜，都仍然好投入同我一齊享受八首歌嘅表演，所以佢哋真係我嘅動力！完成咗表演我哋大家要乖乖返去做返好美白，至少黑咗幾度呀，哈哈。」

Gin Lee李幸倪

Gin Lee李幸倪

Gin Lee李幸倪

Vincy就話好開心可以再次參與草莓音樂節，雖然天氣酷熱，但見到大家很熱情地等她出來，又一齊大合唱，渡過了一個非常難忘的中秋，「唱咗一半《我的回憶不是我的》時，已經全場大合唱，可能因為咁，大家就以為呢首係最後一首歌，所以已經嗌encore，好搞笑。希望嚟緊希望可以多啲參與音樂節，因為戶外氣氛真係好好。」

泳兒

泳兒

泳兒

至於樂隊Daze in White，早前部分成員曾以合作樂手身份為其他歌手伴奏參與過「草莓音樂節」，但以Daze in White樂隊名義全體一同登台演出。除此之外，樂隊成員Eugene今次亦擔任師姐Gin的鍵琴手，不過期間則發生一段驚險的小插曲，「成員Michael揸車車Eugene先出發到場地。點知過關後Michael先發現主音Felix個銀包同所有個人證件都留喺佢車上！好在最後及時將證件送番澳門俾Felix過關，如果唔係就上演樂隊首次登上草莓音樂節，主音無法到場嘅驚險場面。」

Daze in White