Gin Lee李幸倪飛台灣叉電學「留白」 一邊錄音一邊療癒自己

Gin Lee李幸倪推出全新派台作品《你快樂嗎》，新歌由徐浩一手包辦作曲、填詞同監製，黃兆銘聯合編曲。今次Gin不再唱慘情歌，反而跟大家一齊探討一個好直接、好赤裸的問題：「你快樂嗎？」

Gin Lee推出全新派台作品《你快樂嗎》。

Gin指這首歌的靈感來自日常生活中一個很容易被忽略的問題，「我哋好習慣問候人哋，但好少真係靜落嚟問自己：『我其實快樂嗎？』」她透露錄音期間投放了很多真實情感，「可以話⋯⋯係一隻一邊錄一邊療癒自己嘅歌。」Gin希望透過音樂去擁抱每一個生活當中感到迷惘或疲倦的人，包括自己，「希望大家聽完之後，都可以搵到一個同自己和解嘅空間。」

MV圖片

MV圖片

早前原來Gin靜悄悄飛到台灣放假，不過她並非純粹去玩，而是去上有關身心靈的課程，「嗰幾日我完全放低工作，甚至連手機都少睇咗，專心學習。每日早睡早起，落堂就去望吓海、睇吓星星、放空吓，幫自己好好叉吓電。」這趟旅程最大的得着是學識會「留白」二字。她解釋：「平時喺香港工作節奏好緊湊，大腦好難停落嚟。適當嘅休息先可以行更遠嘅路。」返港之後，Gin覺得整個人能量滿滿，靈感都多了不少，「依家好有動力投入接落嚟嘅工作，希望可以用最好嘅狀態見大家！」

觀看相關影片按連結：https://youtu.be/3c7nkOe8r4g

新歌歌名十分直白-《你快樂嗎》，問到Gin自己快樂嗎？她立即哈哈大笑謂：「終於出新歌梗係好快樂啦！哈哈！令歌迷久等啦！」隨後認真補充，現在的自己是快樂的，「但正如歌詞入面所講，呢種快樂唔係由頭到尾都順風順水，中間都經歷過『一個人撐』、甚至『跑跌過撞過』嘅迷惘時期。」她特別點出其中一句觸動到她的歌詞，「來承認你是你，讓你做你，誰亦都不要比」。她坦言現在學會接受自己的不完美，「當你真正放低包袱、學識好好同自己相處，嗰種踏實同自在，先係真正嘅快樂。」

MV圖片

MV圖片

MV圖片

MV圖片

MV圖片

Gin Lee李幸倪、泳兒（Vincy）及樂隊Daze in White日前出席《廣州超級草莓音樂節》，三個單位輪住上台，氣氛熱爆。

Gin Lee李幸倪

泳兒

Daze in White

由於首次參與音樂節，Gin坦言很多時情都預計不到，所以唯有上網做功課，不過她看得最多的，竟然是當日的天氣預測，她笑着說：「因為我好怕熱，Overheat會hang機諗唔到嘢，所以要喺三十幾度曝曬嘅環境下表演係一大挑戰！」不過她亦做足全部散熱措施。最後順利完成，更說當日比平時更有power，「真係要多謝班fans俾咗我好多力量，我望住台下嘅佢哋個個曬到紅卜卜，都仍然好投入同我一齊享受八首歌嘅表演，所以佢哋真係我嘅動力！完成咗表演我哋大家要乖乖返去做返好美白，至少黑咗幾度呀，哈哈。」

Gin Lee李幸倪

Gin Lee李幸倪

Gin Lee李幸倪

Vincy就話好開心可以再次參與草莓音樂節，雖然天氣酷熱，但見到大家很熱情地等她出來，又一齊大合唱，渡過了一個非常難忘的中秋，「唱咗一半《我的回憶不是我的》時，已經全場大合唱，可能因為咁，大家就以為呢首係最後一首歌，所以已經嗌encore，好搞笑。希望嚟緊希望可以多啲參與音樂節，因為戶外氣氛真係好好。」

泳兒

泳兒

泳兒

至於樂隊Daze in White，早前部分成員曾以合作樂手身份為其他歌手伴奏參與過「草莓音樂節」，但以Daze in White樂隊名義全體一同登台演出。除此之外，樂隊成員Eugene今次亦擔任師姐Gin的鍵琴手，不過期間則發生一段驚險的小插曲，「成員Michael揸車車Eugene先出發到場地。點知過關後Michael先發現主音Felix個銀包同所有個人證件都留喺佢車上！好在最後及時將證件送番澳門俾Felix過關，如果唔係就上演樂隊首次登上草莓音樂節，主音無法到場嘅驚險場面。」

Daze in White