Gin Lee李幸倪相隔八年再攻紅館 「五行」主題閃爆全場

Gin Lee李幸倪一連兩場的《READY FOR GIN LEE LIVE IN CONCERT HONG KONG 2026》演唱會，昨晚（2月7日）正式於紅館開鑼！這次是Gin事隔8年後再踏紅館舞台，而且更是她人生第一個四面台演出，全場爆滿，氣氛熱爆！

Gin Lee一連兩場《READY FOR GIN LEE LIVE IN CONCERT HONG KONG 2026》紅館演唱會，昨晚正式開鑼！

英皇集團主席楊受成博士及太太陸小曼、霍汶希（Mani）、陳慧嫻、蔡一智、鄧小巧、沈震軒及女友陳欣妍、許靖韻（Angela）、何佩瑜（Jeana）、女團VIVA成員Carina、Macy 及VALC、曾傲棐（Arvin）、黃明德（Dark）、黎展峯（Andy）、劉若寶（Polly）、黎峻（Kenneth）、余浩斌、樂隊Daze in White成員Eugene及Dennis、樂隊成員The Lemon Ones成員Jero、Bobo及Smile及Christine紛紛前來撐場。

英皇集團主席楊受成博士及太太陸小曼、陳慧嫻

霍汶希

好熱鬧！

大合照

演唱會以「五行」為概念，Gin一開場就霸氣盡現，以一襲閃爆的deep V盔甲戰衣上陣，化身「金」剛戰士，為「金」元素揭開序幕，一連唱出《ICONIC》、《喘息空間》及《Diff.》三首快歌，即時將全場觀眾的腎上腺素推到最高，尖叫聲震天！整個演唱會Gin共換了七套衫，其中一套代表「火」的紅色戰衣，重量近四十磅，「重」量級演出，誠意跟體力絕對滿分！

Gin Lee李幸倪

Gin Lee李幸倪

Gin Lee李幸倪

Gin Lee李幸倪

唱到中段，Gin分享這八年的心路歷程，「好多謝你哋同我一樣等咗咁耐，等咗八年係咪？我都係！呢八年我儲咗好多故事同能量，希望今晚同大家分享。」她特別解釋「五行」中的「水」代表她當年一個人飄洋過海來香港打拼的故事，「慢慢咁扎根，由一個好陌生嘅地方，變成我嘅家。」

Gin Lee李幸倪

講到情深處，場內大熒幕播出訪談形式的短片，罕有剖白內心最脆弱的一面。Gin眼濕濕提到曾經因為飼養的愛貓離世，打擊大到「脆弱到唔想做人」，「估唔到咁多年，一講起佢都會咁……經歷咗嗰段失去，去到谷底，我先至慢慢打開個心同人connect。」她認為「失去」是人的共通語言，現在會透過音樂跟大家連結，坦言很珍惜平靜的時刻，因為對現代人來說這是十分奢侈。

Gin Lee李幸倪

Gin Lee李幸倪

演唱會其中一個最warm的環節，一定是Gin邀請了她於《全民造星VI》擔任導師時一手栽培的B3組學員Teller、畢佬、Yip Sir、Larry、Tuzero及紹冠任嘉賓。除此之外，原來另外三十八位學員都有入場支持，認真有愛。Gin問學員：「點啊？企喺紅館四面台有咩感覺？」六位學員於台上多謝Gin，「Gin係一個好夢幻嘅存在，我講過一定會爭取同Miss Gin同台，今日做到啦！」又重提Gin的金句：「我好記得Gin Lee講過『努力嘅人唔會輸！』」而Gin則向全場觀眾「呼籲」：「香港需要有才華嘅年青人，大家俾多啲支持佢哋！」之後合唱《Goodnight》，溫馨滿瀉。

Gin與《全民造星VI》B3組學員

Gin與《全民造星VI》B3組學員

Gin繼續大派驚喜，自爆她中學時的印度人班主任專程飛來香港睇show！雖然「佢唔會知我講乜嘢，哈哈。」但心意已夠感動。隨後，全場氣氛繼續升溫，《企好》引發現場萬人大合唱；唱到《月球下的人》時，Gin坐上韆鞦升到半空，全場亮起一片電話燈海，浪漫感十足。最後encore兩次，以《雙雙》完美結束首場演出。

中學時的印度人班主任

Gin Lee李幸倪

Gin Lee李幸倪YouTube節目《Miss Gin》今次第八集請來著名音樂監製徐浩（Terry）做嘉賓，二人大爆錄音室內的奇人奇事、歌手的「古怪僻好」。徐浩更直言「曲、詞、編、監」當中的「監」，說到尾原來是「打雜」？

觀看相關影片按連結：https://youtu.be/GSjQxVtSee0

Gin指不少歌迷經常聽見歌手多謝「曲、詞、編、監」，但監製究竟做啲乜？今次她便找來Terry解說。他形容監製似一個「全能大管家」，由跟歌手傾偈定方向、找人編曲、錄音到後期製作，全部一腳踢。他透露自己最初都是歌手出身，之後轉做幕後，一開始都是由低做起，幫手剪和音、沖咖啡、甚至倒車都做過，這都是為了在旁邊偷師，觀眾前輩如何跟同歌手及樂手溝通。

Gin Lee YouTube節目《Miss Gin》請來著名音樂監製徐浩做嘉賓。

Gin問到錄音最棘手的事，Terry謂最怕矻手咬字有問題，Gin大表認同。Terry指現今科技先進，音準及拍子通通可以靠後期電腦逐個音Tune好，唯獨「咬字」！「遇到咁嘅情況，就要開住份歌詞，逐個字同歌手解釋同練習，因為好多時歌手自己根本聽唔出有問題。」

影片截圖

影片截圖

影片截圖

徐浩又爆料話，錄音前「食嘢」同「叫外賣」這個環節極度重要，尤其是跟第一次合作的歌手，他會透過一起食飯傾偈，了解對方性格，建立信任，笑言這個步驟隨時緊要過錄音本身。說到嗌外賣，Gin就忍不住自爆新人時期的笑料，「我開頭唔知呢樣嘢，點解會食飯呢？呢個時間唔係要錄音嘅咩？做新人嘅時候好緊張，prep足成個禮拜，每一日一起身就唱唱唱，好ready啦。好！四點錄音吖嘛，我諗住一去到錄音室就唱，去到監製就同我講：『點啊？食嘢未啊？嗌啲嘢食先啦』哈哈。我就……『都好呀。』之後先知其實係透過一個食嘢嘅環節去了解歌手嘅特質、性格等等，然後就會令之後嘅錄音程序更加暢順。」

影片截圖

講到歌手錄音時的奇特癖好，Terry就話自己算好彩，未遇過太古怪的Case，最多都是見過有人點蠟燭、噴香水營造氣氛。Gin一聽到「點蠟燭」便勁surprise，「因為我聽過祖兒嘅故事，佢話佢以前錄音嘅時候，要唱一首可能好emo嘅歌，佢就點晒蠟燭，跟住呢越唱越暈，原來缺氧！ 所以我好記得呢個故事，哈哈！」除了點蠟燭， Terry透露有歌手很怕跟人有Eye Contact，因為錄音室與控制室之間通常只隔住一塊大玻璃，有歌手會怕被人看到他唱歌時的樣子，Gin表示認同，「我又明嘅，其實你入咗自己嘅世界，想去投入，可能都已經冇表情管理㗎啦。」

影片截圖

影片截圖

影片截圖

影片截圖

不過講到最影響歌手跟監製，Terry坦言錄音時有人站在他後面！「因為歌手喺嗰個咁赤裸嘅時間，如果後面坐一班人，係好影響佢。所以我都係，尤其是錄一啲比較 emo嘅歌嘅時候，我就會盡量只係得我同個歌手喺度。我就會請其他嘅同事、even我自己嘅assistant，我都會請佢哋出去。」Gin聽完即刻和應，「我都有同感。因為有時你唱某啲歌，你真係會覺得自己係全部攤晒出嚟俾人睇。所以如果喺呢個 moment 后面有人傾偈，你就會突然間出戲。 」

最後去到場外提問環節，現場拍攝團隊問到Terry：「你有冇睇過《金枝玉葉》？」Terry不以為意答道：「有呀有啊呀。」然後拍攝團隊再說：「監製通常後尾都同歌手發展出戀情⋯⋯」Gin立即大笑，這時Terry才恍然大悟（其太太是歌手曾樂彤），更忍不住掩咀笑起上來，大讚提問厲害，「呢個幾勁喎、呢個幾勁喎！」這時Gin「加一把勁」，「呢個真人真事喎。」Terry尷尬地說：「都唔一定嘅，有啲咁嘅事發生嘅間唔中都，我亦都唔係唯一一個嘅，緣份嘅嘢好難講嘅，就咁啦，下次見。」