Gin Lee李幸倪紅館騷尾場真情剖白 炎明熹做嘉賓 「師徒」互爆唔鍾意比賽

Gin Lee李幸倪《READY FOR GIN LEE 李幸倪 LIVE IN CONCERT HONG KONG 2026》演唱會昨晚（2月8日）圓滿落幕。尾場氣氛超High，Gin除了施展渾身解數大唱Hit歌，又於台上真情大剖白，大談入行辛酸史及內心世界，大爆自己為了適應娛樂圈，曾特意買書學如何跟陌生人打開話題，認真又搞笑。

一連兩場《READY FOR GIN LEE 李幸倪 LIVE IN CONCERT HONG KONG 2026》演唱會圓滿落幕。

演唱會播出Gin內心世界訪問短片，她坦言最怕不被理解，慨嘆現在做歌手難，但女藝人更難，「女artist通常都好瘦、underweight，我最瘦嘅時候瘦過而家差唔多七公斤，我坐唔到櫈，一坐pat pat就會痛，因為直接哽到pat pat嗰兩嚿骨。」她強調不想這樣過，現在開心做回自己，很健康，還自嘲：「咁我而家又唔肥，係咪先？只不過比一個紙皮人係肥咗啲啫！」對於網上留言叫她「瘦多十磅」，Gin就瀟灑回應：「多謝，但係我好開心做自己！」引來全場掌聲。

Gin Lee李幸倪

Gin Lee李幸倪

Gin Lee李幸倪

Gin Lee李幸倪

演唱會上，Gin跟歌迷有不少互動，有歌迷舉起自製大紙牌，寫着「對我講黐線」，Gin睇到一頭霧水，「你寫咩啊？『對我講黐線？』黐線！哈哈，點解要講黐線啊？」笑翻全場；另一歌迷就舉牌要求「唔唱幸福門唔返屋企！」，Gin即時O嘴：「咁大鑊？」

歌迷舉起自製大紙牌

歌迷舉起自製大紙牌

尾場嘉賓，Gin請來她於《聲夢傳奇》的冠軍學員炎明熹（Gigi）。這對「冠軍師徒」的對話充滿笑點。Gin指自己跟Gigi十分相似，所以會彼此傾心事，又謂兩人都不喜歡比賽，Gigi細細聲說：「係。」觀眾即時大笑，然後續說：「我係非常之唔鍾意比賽，大家知唔知點解？其實係因為我係一個好Hea嘅人！」全場又再次爆笑。Gin聞言即笑問：「你係咪對自己有啲誤解？我一路都唔覺得你係好Hea喎！」Gigi則解釋：「因為比賽冇得Hea，哈哈，所以就遇到你囉！」Gin笑言：「我鞭策你係咪？」隨後兩人合唱《一加一》，Gigi再獨唱自己歌曲《風旅》。

Gigi擔任尾場嘉賓。

二人合唱《一加一》。

Gigi再獨唱自己歌曲《風旅》。

演唱會尾聲，Gin一口氣唱出歌迷瘋狂點唱的《虛榮》及《幸福門》，前奏一響起歌迷即瘋狂尖叫；《企好》則開啟全場大合唱模式，氣氛熾熱。第二次Encore唱完《今天終於一人回家》後，Gin落台，但歌迷依然不肯離去，不斷嗌Encore，最後Gin再度出場，應歌迷要求唱出《雙雙》，為演唱會畫上完美句號。

Gin Lee李幸倪

Gin Lee李幸倪

與YT周殷廷握手。

昨晚場面星光熠熠，來捧場的圈中好友包括霍汶希（Mani）、關智斌（Kenny）、泳兒（Vincy）、周國賢（Endy）、楊天宇（Angus）、李靖筠（Gladys）、MIRROR成員Anson Lo及Jeremy、ERROR成員肥仔、COLLAR成員Gao、Marf及Winka、YT周殷廷、陳凱詠（Jace）、樂隊Locksmiths開鎖佬成員Harry、大雄、Eric同Tom、馬浚偉及力臻等。

關智斌、周國賢

MIRROR成員Anson Lo及Jeremy

COLLAR成員Mar、Winka及fGao、ERROR成員肥仔

大合照

Gin Lee李幸倪昨日（8月23日）舉行「GLFC歌迷會限定 GIN LEE 李幸倪《READY FOR》生日見面會」，跟一班「GLFC」歌迷提早慶祝今個月26日的生日。

Gin Lee舉行「GLFC歌迷會限定 GIN LEE 李幸倪《READY FOR》生日見面會」。

跟一班「GLFC」歌迷提早慶祝生日。

話明是歌迷會限定，每位參加的Fans都手持「READY FOR GIN LEE 李幸倪 LIVE IN HONG KONG 2026『限量專屬編號』．珍藏版藍光碟套裝」，而這套光碟外面有錢都買不到，絕對是fans專屬的珍藏。Gin一現身，全場即刻尖叫聲不斷，她首先多謝大家一直以來的支持，「多謝你哋睇我演唱會，同埋多謝你哋買呢隻Blu-ray呢個特別版，呢個特別版喺出面絕對係買唔到，only for GLFC，希望你哋感受到我呢份誠意。多謝你哋今日出席。」

Gin Lee李幸倪

Gin Lee李幸倪

提到這個特別版藍光碟套裝，Gin指製作過程不簡單，「裏面見到好多嘅小心思，每次都係會諗fans鍾唔鍾意呢？收到會唔會開心呢？所以我哋改咗好多次設計，就係希望你哋會感受到呢份誠意。」之後全場一齊坐定定，重溫演唱會的精彩時刻。

Gin Lee李幸倪

去到生日會重點環節，當然不少得切蛋糕！蛋糕上面更有Gin演唱會造型公仔，十分精緻。全場歌迷一齊大合唱生日歌，Gin就合埋眼許願，講到生日願望，Gin就話：「我每一年同Fans一齊過生日，我都會將我第一個願望送俾每一位同我一齊過生日嘅Fans，就係你哋，我喺度好衷心祝每一位身體健康、生活愉快、好平安、每一日都會感受到好多嘅愛、同埋每一日都會好幸福，呢個係我送俾大家嘅第一個願望。」說完後，她笑着說聽聞有三個願望，剩下的兩個就留給自己靜雞雞許，場面搞笑又溫馨。

Gin Lee李幸倪

Gin Lee李幸倪

隨後，Gin又跟大家分享近況，她指自己之前「失蹤」了一陣子，其實是到不同地方工作及做歌，她還大爆好消息，「好快應該九月頭會有新歌，係好refreshing嘅一首歌，大家可以期待吓啦，同埋呢首新歌會係我新碟、一隻概念專輯嘅第一隻歌，所以係全新嘅一個concept，感覺亦都會係一個全新嘅階段。」並叫大家拭目以待。去到生日會尾聲，Gin逐一跟歌迷簽碟、傾偈及合照，絕對是超級寵粉。

Gin在生日會尾聲逐一跟歌迷簽碟、傾偈及合照。

Gin在生日會尾聲逐一跟歌迷簽碟、傾偈及合照。