李幸倪新歌做「感情天眼通」 唱盡「睇住段情爛尾」無奈

Gin Lee李幸倪新歌《一早知道的情歌》上架，這次並非講心靈雞湯，反而跟大家玩「感情劇透」，直擊戀愛最殘酷現實，就是當你一早看穿這段關係會完結，卻無膽「撳停」，還要死頂，慘過被劇透。

Gin推出新歌《一早知道的情歌》。

Gin Lee李幸倪

觀看相關影片按連結：https://youtu.be/WcV23-6qPCQ?list=RDWcV23-6qPCQ

歌曲由Claudia Koh作曲、Oscar填詞、舒文監製，副歌兩句唱中無數港男港女死穴：「一早知道時日無多 一早知道從沒如果」明明一早看穿感情就快玩完，但沒勇氣斬纜改變結局。Gin以一把充感染力唱出那種無奈。副歌「一早知道時日無多 一早知道從沒如果」，聽到個人心都實埋！難怪有網民說：「好少有歌真正打動到我，呢首歌令我感受到，好多年冇感受過嘅嘢。」

Gin Lee李幸倪

Gin Lee李幸倪

今次Gin挑戰rock ballad風格，網民即刻狂讚：「喜歡激昂嘅Gin歌聲，嗰種澎湃無人能及」、「新歌rock ballad 好有feel」。Gin自己亦話：「錄呢首歌嘅時候，我都諗返起自己一啲經歷。有時真係會個心入面知道晒結局，但係就係唔肯面對，寧願繼續沉淪落去。」她直言今次用激昂演繹，就是想表達嗰種內心掙扎同澎湃情感。

Gin Lee李幸倪

Gin Lee李幸倪

雖然新歌擺明是虐心路線，但Gin的演繹令人一聽上癮。不少樂迷坦言聽完一次之後，忍不住要loop多次，明明知道會愈聽愈心噏，但偏偏控制不到自己按下repeat掣！完全跟歌曲主題一樣，一早知道是自虐，但都要繼續聽下去。

Gin Lee李幸倪

Gin Lee李幸倪

Gin Lee李幸倪

日前Gin Lee李幸倪接受「一鏡到底Music Live」挑戰，由九龍塘廣播道車廂開始，唱住歌穿街過巷，一直唱到去尖沙咀天星碼頭麥當勞，再殺入海港城邊行邊唱，整個過程猶如音樂公路片，十分過癮。

Gin Lee

Gin Lee

Gin Lee

Gin Lee

整個Music Live長達一個多小時，Gin只靠一支結他伴奏，唱出五首歌曲，包括《一早知道的情歌》、《雙雙》、《今天終於一人回家》、《隨時隨地》及《企好》。最驚喜的是在車廂部份，竟然找來《全民造星VI》的愛徒、以「第11人」身份逆襲奪冠的Teller，Gin邊唱《一早知道的情歌》，Teller邊Beatbox，師徒檔上陣，未出發先興奮！

沿途不少市民野生捕獲Gin，紛紛衝上前selfie，亦有樂迷表示已買演唱會飛，為她下月七、八號的紅館show打氣，十分窩心。壓軸一幕去到海運大廈露台，原來一大班fans早已霸定位等偶像。Gin一出現，全場即時起哄，最後來個全場大合唱《企好》，將氣氛推至高峯。

Gin Lee

Gin Lee

挑戰完結後，Gin大談感受，她笑言：「今日呢個任務，可能係史上最難嘅其中一個任務！因為呢個live唔係普通live，係充滿住太多嘅uncertainties，2026年嘅一個新挑戰。」她續說：「我覺得好好玩、好開心，好鍾意。今日好輕鬆，冇問題，可以再挑戰！可能而家年紀大咗，會學識擁抱唔同moment，唔需要樣樣嘢都完美。真實咁發生，就等佢發生啦。有突發情況，即刻做最好決定處理咗佢就OK。」Gin又自爆以前會為小事失眠，「以前返到屋企可能會瞓唔着，諗『點解會咁？可以做好啲！』但而家覺得，人生就係咁，冇得時刻完美，盡咗力就OK。」

Gin Lee

Gin Lee

Gin Lee