Gin Lee八年磨一劍 紅館show唔知性感底線喺邊 大膽戰衣震撼 「夏娃造型」同事尖叫全場

等足八年！Gin Lee李幸倪宣佈明年二月七日及八日，於紅館舉行一連兩場《READY FOR GIN LEE 李幸倪 LIVE IN CONCERT HONG KONG 2026》。

昨晚（11月19日）Gin為傳奇Hip Hop組合BLACK EYED PEAS世界巡迴演唱會香港站擔任暖場嘉賓。Gin一出場即跳唱《Dum Dum》炒熱全場氣氛，緊接着的《Diff.》及《喘息空間》，繼續令台上台下氣氛熾熱。一口氣唱出三首快歌後，Gin即宣佈明年二月於紅館舉行演唱會，全場頓時歡呼聲不絕。

Gin為傳奇Hip Hop組合BLACK EYED PEAS世界巡迴演唱會香港站擔任暖場嘉賓。

Gin與BLACK EYED PEAS

Gin Le

Gin Le

相隔八年再開紅館show，Gin直言等到頸都長，「等咗好耐，期待咗好耐，終於等到個最好時間同大家紅館見面！」她指今次跟八年前大不同，除了開四面台，心態上亦轉變不少，「第一次做紅館緊張到未識享受，今次成長咗、經驗多咗，終於可以好好感受同分享音樂世界。」

李幸倪（Gin Lee）相隔8年重返紅館。

明年2月舉行兩場演唱會。

至於演唱會主題「Ready For 」，原來有多重意思，「對我嚟講呢一場concert係好ready嘅，因為期待咗好長時間，終於等到呢一個時間，所以我嘅心情係好ready，雖然都係會有啲緊張，但係覺得我有信心可以做好，同埋呢個亦都可能係好多fans嘅心聲，一路等，聽到大家嘅期盼，大家都好ready嚟睇Gin Lee嘅演唱會。」除了自己跟歌迷心境上的「Ready」，亦有更深層的意思，「對已知嘅嘢ready，對未知嘅嘢我都係帶住『OK，ready for？yes, I'm ready』嘅信心！」果然是進化版Gin！

Gin拍攝演唱會海報以透明盔甲上陣，十分性感。

演唱會海報，Gin以透明盔甲上陣，十分性感。講到拍攝過程，Gin大笑：「套透明盔甲又重又硬，裏面啲遮遮掩掩全靠造型師即場發揮，我覺得自己好赤裸，只係用小布遮住重要部位！」她又大爆同事反應，「班同事係咁尖叫，仲要係女同事，見到佢哋咁嘅反應都唔知點反應好呀！不過見到大家咁興奮，都應該係成功啦，哈哈。」至於演唱會上會否比演唱會Poster更大膽，Gin大賣關子，「服飾會試唔同可能性，最緊要係靚。我而家都唔太知條底線喺邊啦，全權交俾造型師。」

除此之外，最近Gin於《造星》節目表現活躍，網民紛紛改觀大讚她「活潑有趣」，Gin開心到見牙唔見眼，「終於有機會俾大家認識多面向嘅我！其實我都有幽默感，只係平時工作展現唔到啫。」佢特別多謝剪接師：「要加個雞髀俾剪接師，將我最可愛一面剪晒出嚟。」不過她亦溫馨提示：「去到後面我都有嚴厲一面會出現㗎，大家要記住我係好溫柔可愛嘅，OK？」

《READY FOR GIN LEE 李幸倪 LIVE IN CONCERT HONG KONG 2026》演唱會海報

Gin Lee李幸倪昨日（8月23日）舉行「GLFC歌迷會限定 GIN LEE 李幸倪《READY FOR》生日見面會」，跟一班「GLFC」歌迷提早慶祝今個月26日的生日。

Gin Lee舉行「GLFC歌迷會限定 GIN LEE 李幸倪《READY FOR》生日見面會」。

跟一班「GLFC」歌迷提早慶祝生日。

話明是歌迷會限定，每位參加的Fans都手持「READY FOR GIN LEE 李幸倪 LIVE IN HONG KONG 2026『限量專屬編號』．珍藏版藍光碟套裝」，而這套光碟外面有錢都買不到，絕對是fans專屬的珍藏。Gin一現身，全場即刻尖叫聲不斷，她首先多謝大家一直以來的支持，「多謝你哋睇我演唱會，同埋多謝你哋買呢隻Blu-ray呢個特別版，呢個特別版喺出面絕對係買唔到，only for GLFC，希望你哋感受到我呢份誠意。多謝你哋今日出席。」

Gin Lee李幸倪

Gin Lee李幸倪

提到這個特別版藍光碟套裝，Gin指製作過程不簡單，「裏面見到好多嘅小心思，每次都係會諗fans鍾唔鍾意呢？收到會唔會開心呢？所以我哋改咗好多次設計，就係希望你哋會感受到呢份誠意。」之後全場一齊坐定定，重溫演唱會的精彩時刻。

Gin Lee李幸倪

去到生日會重點環節，當然不少得切蛋糕！蛋糕上面更有Gin演唱會造型公仔，十分精緻。全場歌迷一齊大合唱生日歌，Gin就合埋眼許願，講到生日願望，Gin就話：「我每一年同Fans一齊過生日，我都會將我第一個願望送俾每一位同我一齊過生日嘅Fans，就係你哋，我喺度好衷心祝每一位身體健康、生活愉快、好平安、每一日都會感受到好多嘅愛、同埋每一日都會好幸福，呢個係我送俾大家嘅第一個願望。」說完後，她笑着說聽聞有三個願望，剩下的兩個就留給自己靜雞雞許，場面搞笑又溫馨。

Gin Lee李幸倪

Gin Lee李幸倪

隨後，Gin又跟大家分享近況，她指自己之前「失蹤」了一陣子，其實是到不同地方工作及做歌，她還大爆好消息，「好快應該九月頭會有新歌，係好refreshing嘅一首歌，大家可以期待吓啦，同埋呢首新歌會係我新碟、一隻概念專輯嘅第一隻歌，所以係全新嘅一個concept，感覺亦都會係一個全新嘅階段。」並叫大家拭目以待。去到生日會尾聲，Gin逐一跟歌迷簽碟、傾偈及合照，絕對是超級寵粉。

Gin在生日會尾聲逐一跟歌迷簽碟、傾偈及合照。

Gin在生日會尾聲逐一跟歌迷簽碟、傾偈及合照。