林熙彤為電影奉獻4個第一次！
集合一眾年輕新晉演員拍攝的全新浪漫愛情電影《不是你不愛你》，由寰亞電影出品、寰亞電影及洲立影片聯合發行、葉念琛身兼監製、導演、編劇，將於1月18日浪漫上映。早前在聖誕、元旦長假期舉行多個優先場，反應熱烈。戲中情迷男主角陳昊森的可愛少女Hazel（林熙彤），演出被受讚賞，亦跟導演葉念琛及其他演員四出謝票，親身感受觀眾反應，開心又興奮。
點擊看圖輯
林熙彤（Hazel）由Model界別踩入影圈。
Hazel在戲中情迷男主角陳昊森。
獻螢幕初吻！
掌摑情敵譚凱倫。
令Hazel相當內疚！
拍攝拉扯場面仲搞到隻手瘀咗！
Hazel更在戲中初次啼聲。
Hazel獲男主角陳昊森幫忙穿針引線安排試音，好友Mandy與哥哥梁仲恆為她在錄音室打氣。
林熙彤（Hazel）由Model界別踩入影圈。
首次進軍大銀幕、剛踏入20歲的Hazel，由Model界別踩入影圈，坦言埋位前有做足功課，她說：「戲裡面我飾演子欣，一個好鍾意唱歌嘅女仔，只有十七歲，同我年紀好相近，埋位前我睇咗好多戲去參考，諗咗好耐點樣去呈現十七歲嘅子欣俾觀眾睇，佢嘅性格應該會係點。」
第一次拍戲，Hazel做足功課，但正式埋位，難免會緊張起來。她說：「拍《不是你不愛你》奉獻咗我好多第一次，除咗第一次拍戲、仲有第一次唱歌、第一次打人、第一次螢幕初吻，獻咗俾昊森，當日我哋係第二次見面，但我就係第一日埋位第一場戲，所以好緊張，我仲要係主動向佢表白、再錫佢塊面。其實現實中嘅我算係有啲膽嘅女仔，無論係感情事，抑或其他嘢，我認為機會係要自己爭取。」
Hazel在戲中情迷男主角陳昊森。
獻螢幕初吻！
掌摑情敵譚凱倫。
除了螢幕初吻令Hazel手足無措，掌摑戲中情敵Helen（譚凱倫），也令她相當內疚。「拍之前有不斷問人要點樣掌摑人，Anjaylia（陳嘉寶）教我事前要剪指甲，去到現場就有武指指導我點摑，原來唔容易，同埋我摑咗好多次，有啲大力，雖然Helen冇受傷，但每次打完我都要攬番住佢，好內疚。同埋當日仲有啲拉扯嘅場面，為咗令自己更入戲，我叫咗佢哋大力啲捉實我，出來效果會真實啲，但我隻手就瘀咗少少。」
令Hazel相當內疚！
拍攝拉扯場面仲搞到隻手瘀咗！
除此之外，Hazel更在戲中初次啼聲，劇情指一直夢想成為歌手的她，獲男主角陳昊森幫忙穿針引線安排試音，好友Mandy與哥哥阿丙（梁仲恆）為她在錄音室打氣。回想當日走到錄音室錄歌，Hazel難掩興奮，她說：「入錄音室覺得好得意，戴住耳機會聽到自己把聲聽得好清楚，平日自己喺洗手間唱歌，以為好好聽，但當聽到咁清楚嘅時候，就會發現有啲高低音要處理，其實唱歌都好好玩，日後會努力去學吓。」
至於在戲中跟Hazel飾演兩兄妹的阿丙，雖然與她身高懸殊，但劇組上下都覺得他們好有「兄妹相」。Hazel說：「阿丙戲裡面嘅打扮好得意，短褲爛衫人字拖，而我就著到色彩繽紛，我哋一見面冇嗰種尷尬，節奏上夾得好好，真係好似阿哥同阿妹咁。」
Hazel更在戲中初次啼聲。
Hazel獲男主角陳昊森幫忙穿針引線安排試音，好友Mandy與哥哥梁仲恆為她在錄音室打氣。
