《旁觀者》丨《盛‧舞者》朝夕相對建立默契 林子超林浩文演活智障者不同狀態各有各搶

林浩文為演智障院友更入戲提早一個月反覆練習！

由葉鎮輝（阿細）及權香蘭擔任監製、蔡婷婷、馮日進擔任編審的《旁觀者》，逢周一至五晚九點半翡翠台播映，主要演員包括周柏豪、王敏奕、吳若希、羅天宇、馬貫東、連詩雅、胡蓓蔚、謝東閔、周志康及鄧伊婷等。

林子超真係好似一個活潑又頑皮嘅小男孩，佢受訪時坦言演呢個角色最大難度係要好集中，所以呢場喺鬧市拍嘅場口，對佢嚟講係一個挑戰。

子超無論面部表情同聲線都落足功夫。

林浩文嘅角色相對壓抑得多。

昨晚（12日）一集劇情圍繞院舍院長虐待院友事件。阿章（林子超飾）與小白（林浩文飾）因智力低於常人被送往院舍照顧，二人因而成為好友。某天，小白突然墮樓，小魚（王敏奕飾）與浚祈（羅天宇飾）調查後懷疑小白長期遭受院長虐待（吳瑞庭飾）；與此同時，小白離奇慘死…雖然種種迹象均顯示事件與院長有關，但由於院長表面慈祥、深得院友親人信任，眾人苦無對策，最終「鼠尾草殺手」覓希（周柏豪飾）看不過眼決定出手制裁加害者，可惜卻在執行時遭小魚撞個正著…

但因為佢個心智都只係小朋友，所以偶爾亦會流露童真同愛媽媽一面。

因為浩文演嘅係一個備受虐待嘅角色。

所以佢成日要演繹好痛苦同好驚恐嘅表情，都好消耗能量。

哭別好友阿章場口。

哭別好友阿章場口。

林浩文話呢個場口好感激王敏奕幫佢入戲。

子超：「望透過角色令觀眾關注及留意社會上唔同社群嘅難處」
昨晚絕對是一眾演員演技大鬥法之夜，當中以飾演智障院友的林子超及林浩文最為搶戲。雖然同樣飾演智障院友，但因為子超和浩文的角色際遇不同，故二人演繹方法亦有分別兼各有各搶。子超飾演的阿章，由於不是院長集中對付對象，故性格較活潑樂天，子超除了在臉部表情下了很大功夫，聲線方面亦明顯採用了天真娃娃Tone，演活了單純及天真無邪狀態。談到拍攝難忘事，子超透露是在街市頑皮搗蛋的場口：「最難忘喺條街度跳嚟跳去，因為我演呢個角色需要好多專注力，先至可以完全投入到。奈何當時嘅環境好多人同好嘈，所以對專注力係一個好大嘅挑戰。」談到事前準備功夫，子超說：「我事前有上網留意番有咩小動作同埋面部表情可以令我演繹時更加神似。我覺得演呢個角色最大挑戰，唔係演得幾好、幾似，而係我希望可以透過呢個角色，令觀眾關注同留意到社會上唔同社群嘅人、人生上有咩難處，同埋對佢哋有更多嘅關心。」

林子超同林浩文嘅「魚蛋兄弟情」又窩心又可愛。

飾演小白媽咪嘅陳念君亦演得相當好。

吳瑞庭亦演活「雙面院長」。

至於飾演小白的林浩文，由於角色長期備受虐待，故全程演繹相對較壓抑，除了要挑戰喊戲，還要長期做出驚恐及有口難言狀態，難怪林浩文受訪時亦坦言是從演以來最有突破角色。為了演好小白，林浩文事前準備功夫長達一個月，林浩文說：「我事前參考咗好多相關訪問同電影，然後再不斷喺屋企反覆模仿同練習，包括同屋企人傾偈、食飯、去廁所、斟水飲，我都keep住個狀態，搞到我屋企人都唔係好習慣。由收到要做呢個角色到正式拍攝，中間大概用咗一個月時間反覆練習，嘗試感受佢哋嘅內心世界同身體上嘅限制。」浩文還特別感激王敏奕幫忙帶入戲：「有場戲係敏奕送我返屋企，嗰場戲我要喊得好勁，但我點都去唔到應有嘅情緒。敏奕就好好咁同我傾咗一陣，慢慢帶我進入狀態，然後我就好順利完成咗場戲，所以我非常感激敏奕。」

尋晚嗰隻王敏奕真係過足戲癮，除咗要代入小白媽咪嘅角色。

真係少啲想像力同體力都唔掂。

連老妝都演埋，勁！

雖然昨晚Case相當虐心，但阿章與小白活像小男孩般單純的互動場口，仍是相當暖心。原來二人如此有默契，全靠之前拍攝綜藝節目《盛‧舞者》時「朝夕相對」，浩文說：「同子超合作簡直係舒服，之前我哋拍《盛‧舞者》，連續兩個月不斷排練同比賽，幾乎每日都見住對方，從中已經培養出好好嘅默契，所以今次《旁觀者》再合作就好順利。」

林浩文好感激王敏奕幫忙帶入戲。

林子超話今次演呢個角色完全冇化妝，仲額外加咗暗瘡印。

黎諾懿同龍婷跟大家一起吃住家團年飯！

2024全城喜迎金龍！適逢今年是三年疫情過後，首個復常的農曆新年，當然要與眾同樂慶祝，令歡樂加倍！一直照顧全港巿民日常生活需要的「香港街巿」，首次跟「香港長者協會」及「香港單親協會」合辦《香港街市「深」入民心團年飯》，今天（1月27日）假深水埗與一眾「老友記」及單親人士率先食團年飯，並邀得三位「星級廚神」黎諾懿、李錦聯及梁雅琳（Hilda Leung）親臨現場助興，齊心合力為現場人士帶來滿滿的溫暖與幸福，同時祝福大家於新一年有全新的開始，行運一條龍！

三位「星級廚神」黎諾懿、李錦聯及Hilda Leung到場，跟大家一起吃住家團年飯。

黎諾懿又分享最喜愛的賀年食品，以及新年旅行大計。

活動由「星培舞蹈藝術教室」一班活潑可愛小朋友的芭蕾舞揭開序幕，其後「香港單親協會」執行委員會—司庫 、「 香港長者協會」執行委員會—財政余梅英女士，以及深水埗民政事務專員黃昕然先生JP上台致辭。建華集團主席凌偉業先生緊接上台向在場人士拜個早年，並說：「今日在現場看到這麼多位老友記、家長及小朋友，真的有家的感覺，亦很開心三位星級廚神黎諾懿、李錦聯及Hilda Leung到場，跟大家一起吃住家團年飯，絕對是一件幸福的事！我們準備了新春福袋送給各位街坊朋友，一起過肥年；同時祝福各位老友記長命百二歲；家長們萬事如意，小朋友聽教聽話，考試一百分！希望大家食得開心！」

龍婷獻唱《甜蜜蜜》 及《愛你一萬年》。

令全場人士聽出耳油！

凌主席跟大家拜過早年後，黎諾懿、李錦聯與Hilda Leung齊齊上台向大家送上祝福，祝願大家身體健康、龍馬精神及心想事成，又分享最喜愛的賀年食品，以及新年旅行大計。黎諾懿說：「新年最喜歡食盤菜，因為有蝦有魚有肉，盤滿缽滿，意頭很好呢！而且盤菜包羅萬有，總有一款食物符合太太及『小春雞』的口味，看到家人食得開心，我也心滿意足了！現在疫情已經過去，計劃一家人去旅行之餘，也想跟太太歎數天二人世界，始終她要照顧『小春雞』及『小冬牛』很辛苦，正所謂『Happy wife happy life』，做老公當然要識做啦，地點交由老婆話事，我負責賺錢及課金便是了，哈哈！」

林子超

至於李錦聯笑說最愛吃笑口棗：「我拍節目要經常對著『大王』安德尊，又要出動『無敵鴛鴦剷』，新年當然希望少點『鑊氣』，多點歡樂，吃多幾粒笑口棗，祝自己及大家也笑口常開！」「美女廚神」Hilda Leung則自認是「糕霸王」，最愛吃煎糕，並說：「我平時推廣健康飲食文化，吃得清淡，但新年總會讓自己放肆一下，而且現在很多健康賀年糕點，吃多一點也無妨，祝大家步步高陞！」

除了分享新年心水美食外，李錦聯更獻聲唱出《小李飛刀》及《倚天屠龍記》，響亮歌聲吸引全場老友記齊齊大合唱，炒熱氣氛；Dr Kate Kwan 關幗玲接力唱出《喜歡你》、《小玩意》及《我是一隻小小鳥》；龍婷則送上《甜蜜蜜》 及《愛你一萬年》，靚聲加金曲，令全場人士聽出耳油！《香港街市「深」入民心團年飯》以「與眾同樂」為主題，當然少不了抽獎環節，令尖叫聲此起彼落，中獎者固之然開心，未能中獎的參加者亦獲大會送上新春福袋，實行皆大歡喜！

一直照顧全港巿民日常生活需要的「香港街巿」，首次跟「香港長者協會」及「香港單親協會」合辦《香港街市「深」入民心團年飯》，今天（27日）假深水埗與一眾「老友記」及單親人士率先食團年飯。