小巴「安全帶監測機」真身原來係咁！「有扣無扣」一眼睇晒引熱議

有網民分享小巴「安全帶監測機」相片，稱屏幕能顯示安全帶實時佩載情況，奉勸大家切勿違法。

(FB圖片）

該網民於Facebook群組「車cam L（香港群組）」發文兼上載相片，聲稱有部分小巴已經裝上「安全帶監測機」，如果乘客扣上安全帶，對應的指示燈會變成綠色，否則就會是紅色。如果座位上沒有乘客坐，指示燈則會是白色。

司機可以透過屏幕實時查看乘客佩載安全帶的情況。他又呼籲大家搭乘小巴時要注意「如果有警察上車查違規者，就人贓並獲，無得狡辯，大家請小心呀！」

(FB圖片）

照片曝光後，隨即引來網民熱議「真係未遇過，呢啲都會有人check？」、「未扣晒係咪唔開車？」、「遇見過，不過部機出聲叫未佩戴安全帶的人，D乘客都唔理。結果成程路部機不斷播音好嘈。第日司機直頭關了個系統」、「點證明個野有無壞」、「坐小巴有d安全帶壞架喎，咁計唔計？」、「唔準，上次一家四口座，四個都係壞」、「上水專線新車落地三個月己壞了一半」。

(FB圖片）

有人則說出重點來「上車扣安全帶其實係為咗自身安全，而唔係為咗唔洗俾人罰款，本末倒置得你呢」、「小巴有安全帶我一定戴，睇返過住小巴有意外翻車，乘客都會拋出車外致死，小巴車窗太大」、「其實對大家都好，點解要懶呢」、「自律最重要，司機點有空閒照顧」、「唔使理人地係點，尤其如果自己有細路既話更加應該身教」。

(FB圖片）

根據香港法例，公共小巴乘客須佩戴已裝設在座位上的安全帶，否則最高可被罰款5000港元及入獄3個月。運輸署由2020年第三季起分階段在8條專線小巴路線，每條路線揀選一部專線小巴進行概念驗證試驗，以測試偵測專線小巴座位佔用和乘客佩戴安全帶狀況的不同技術方案。

運輸署其後修訂公共小巴發牌條件，在2023年9月1日起，所有新登記的公共小巴須按照運輸署署長根據《道路交通（車輛登記及領牌）規例》（香港法例第374E章）第21（10）條新增的一項公共小巴發牌條件，安裝佩戴安全帶偵測及警示系統。

帖文來源：Facebook群組「車cam L（香港群組）」、「屯門公路塞車關注組」、「西環變幻時」

近日，一名移居英國的香港男子在社交平台發文，大吐苦水，批評部分同為移英的「手足」即使只是從事倉務工作，也熱衷於互相投訴、勾心鬥角，帖文隨即引發熱議。

AI生成圖片

港男：打份倉工都要勾心鬥角

該名港男在帖文中以「唔好意思呀，借個位發洩下。真係不吐不快」開首，直言不明白為何「香港人打份倉工都要玩互相投訴」。他感嘆道：「人哋個個國家啲人都好團結，係唯獨是香港人咁鍾意玩勾心鬥角。」

樓主無奈表示，倉務工作薪金微薄，只是為了過生活，「投訴咗又無錢分」。他質疑，大家歷盡辛苦移居英國生活，而這個國家也並非事事完美，為何上班時還要搞小動作，把事情複雜化。

AP資料圖片

網民熱議：認同現象籲遠離同鄉

帖文引來大批網民回應，不少人表示深有同感。有留言指：「絕對認同，仲要亂搞婚外情，個個忘記初衷」、「香港人嘛，就係咁！睇開啲啦，嚟到英國就遠離香港人啦」。亦有網民分析，可能是因為移英港人多屬中產，「以前喺香港玩慣辦公室政治勾心鬥角」，並指這種風氣已從「辦公室政治延伸到倉庫政治」。

其他批評聲音包括：「太多X街啦，有啲仲攪（搞）埋人哋老公、老婆」、「住在英國（嘅）香港人就係咁㗎啦，自己人打自己人，見到外國人就死曬狗，又喜歡玩杯葛（Boycott）自己人，乜嘢都爭，乜嘢都搶，又貪心，又假，真係要遠離D香港人」。

示意圖

網友質疑：倉務工友或因缺乏競爭力？

不過，亦有網民提出不同看法，直言：「得罪講句，有料都唔駛（使）做倉啦，都係出面揾唔到工先喺倉度長做⋯，咁無料嘅人最驚咩？就係驚人叻過佢，搶咗佢（嘅）地位。」對此，發文的樓主則回應稱，在英國要找回本行工作並不容易，連本地人也可能要做倉務，「又唔係個個都無料嘅。」

英國白金漢宮。AP資料圖片