陳志雲性取向一直成疑，日前他接受有線娛樂新聞主持鍾慧冰大逼供時，首度就性取向公開表態，還透露「迷雲黨」鄧健泓稱他作「honey」的背後原因，以及好友王賢誌曾經誤會他偏心崔健邦而向他表達不滿。
志雲作客冰姐主場，本來想為性取向留白的他，難敵冰姐多番追問而宣布說：「呢個人最緊要係同我一樣咁愛對方！係咪男女都得？等我感覺到愛先諗呢個問題啦！其實我已經57歲，呢個年紀，已經唔諗呢D架啦！」志雲笑言：「我想留白係想畀大家有多D想像空間，男女都可以傾慕我，咁我咪會好開心囉！」
陳志雲接受有線娛樂新聞主持鍾慧冰大逼供
圍繞志雲身邊的「迷暈黨」俱是男生，難怪引發性謎團。說到「迷暈黨」之一的鄧健泓曾以「honey」來稱呼他而成為笑柄，志雲忍不住笑道：「當日佢話自己答到好好時，我聽完已經跌左落地話佢死硬啦！佢係咪唔識英文唔知honey點解？佢識英文。。。字母囉！」
資料圖
志雲強調和鄧健泓純料朋友:「以前佢同女朋友友李施樺有咩拗撬，最後都係我來做和事佬既，你話我地有無野啦！」至於被指反骨的前「迷暈黨」崔建邦，志雲就從沒以反骨來形容對方，因明白大家都要搵食，反而王賢誌就曾經因為崔建邦而誤會陳志雲偏心。
志雲稱：「當年我做埋幕前，王賢誌唔開心，覺得我做到既野，佢都做得到，點解我要爭飯食！後來崔建邦好多野做，佢又以為我偏心崔建邦，其實工作上都係監製決定，唔係我話事，後來王賢誌明白左，依家咪做返朋友囉！」
王賢誌與男友拉埋天窗
刻下志雲忙於舞台劇「莎士對比亞」的排練，首次和影后葉童做對手戲，他表示無壓力說：「影后唔係浪得虛名，如果我做得唔好，咪賴佢帶得我唔好，交唔到戲畀我囉，我無壓力，反而輕鬆左呀！」
