逆天奇案2丨拍船上求婚浪漫戲拍到身水身汗蔣祖曼爆黃智賢練出絕世零汗神功

2024年04月09日 11:00 最後更新：11:07

蔣祖曼再次與黃智賢合作，大讚對方好照顧拍檔，同佢合作得好開心同放心！

《逆天奇案2》昨晚（4月8日）一集，復合成功的Nic Sir（黃智賢Ben飾）和Hazel（蔣祖曼Joman飾）關係再有新變化！Nic Sir借意約Hazel到長洲吃海鮮，實質是在船上炮製驚喜求婚。Nic Sir準備好大束鮮花和閃爆求婚戒指，跪地向Hazel求婚，發表愛的宣言：「我哋兜兜轉轉喺呢隻船遇番，我相信係有天意，你唔止係我嘅Special Partner，更加係我嘅Special One，你係我永遠嘅The One，嫁畀我吖！」雖然氣氛非常浪漫，但Hazel卻婉拒Nic Sir求婚，原來Hazel受父母離婚影響對婚姻有恐懼：「我真係冇信心，Sorry。」雖然Nic Sir慘遭Hazel派檸檬，但他未有因而氣餒，更成功氹掂Hazel同居試婚。

點擊看圖輯

Ben向Joman浪漫求婚。

啲對白Sweet到爆。

蔣祖曼因為受到父母離婚影響，搞到對婚姻有陰影。

雖然唔答應結婚，但Joman都應承同居試婚。

黃智賢同蔣祖曼最終關係會點呢？

拍攝當日真係烈日當空，辛苦晒一班台前幕後！

Joman大讚阿Ben好照顧拍檔。

同佢合作得好開心同放心。

阿Ben大晒爆肌相，Fit到爆呀，完全唔似已經56歲。

基哥喺劇中收埋6層樓。

有報道指佢現實都擁有好多層樓。

難怪網友笑言佢戲如人生都係大地主。

更多相片

Ben向Joman浪漫求婚。

啲對白Sweet到爆。

蔣祖曼因為受到父母離婚影響，搞到對婚姻有陰影。

雖然唔答應結婚，但Joman都應承同居試婚。

黃智賢同蔣祖曼最終關係會點呢？

拍攝當日真係烈日當空，辛苦晒一班台前幕後！

Joman大讚阿Ben好照顧拍檔。

同佢合作得好開心同放心。

阿Ben大晒爆肌相，Fit到爆呀，完全唔似已經56歲。

基哥喺劇中收埋6層樓。

有報道指佢現實都擁有好多層樓。

難怪網友笑言佢戲如人生都係大地主。

船上求婚場口雖然氣氛浪漫，但拍攝過程其實相當辛苦，Joman受訪時透露：「上輯都有拍過船上戲，有咗上次經驗都知道時間比較趕，所以我哋做足準備。當日天氣係超級無敵咁熱，雖然我着到唔係好厚，但我真係好大汗，拍到身水身汗，反而阿Ben佢就好犀利，佢仲要着西裝三件套，但佢真係完全冇汗出，佢話拍古裝拍到已經習慣熱嗰種感覺，話自己冇汗出㗎喇，呢啲真係經驗嚟，我都好希望練到冇汗出！」Joman亦替幕後感到辛苦，她說：「我哋演完戲都話可以用遮遮吓，但係幕後工作人員係唔可以擔遮，最慘係Cam man，逢親拍船嘅嘢佢哋係最辛苦，因為要望住細嘅Mon，佢哋係最易暈船浪，佢哋一日未冧低，我哋都唔可以冧住，好佩服幕後一班工作人員。」

講到今輯與Ben再續前緣，Joman直言大家有晒默契：「上輯比較着重Hazel工作上面嘅嘢，今輯嘅重點就喺感情上面，所以同Nic Sir會多啲親密戲，阿Ben不嬲都超級照顧拍檔，無論戲內戲外佢都會幫你諗埋，諗咗你先再諗自己，所以同佢拍嘢係好開心同放心。」Joman續指與Ben很有緣，現在兩人於另一套劇再次合作。

另外，劇中打戲連場的Ben在IG上載做Gym相，相中阿Ben半裸大晒爆肌身材，胸肌和腹肌相當結實，完全看不出已年屆56歲，Ben留言：「練的是身體；磨的是鬥志！為新角色裝備自己！該貼文勁吸逾5,000Likes，並吸引大堆圈中好友楊茜堯、袁偉豪、陳煒等留言，大讚：「勁！」、「嘩Ben 哥哥有料到！」、「勁抽」。

昨晚一集另一焦點人物非飾演Nic Sir爸爸福伯的李龍基莫屬，劇情講到他無辜捲入黑社會非法收樓事件，意外爆出福伯原來是大地主，除了自住2個單位和2個舖位外，還隱瞞Nic Sir收埋了6個舊樓單位！該場戲播出後引起網友關注，曾有報道指投資有道的基哥名下有7個物業，更有「深圳樓王」之稱，有網友笑言基哥戲如人生，留言：「戲裏戲外都係大地主！」

往下看更多文章

正義女神｜周嘉洛首演寡言高冷裁判官成功搣甩金城安固有形象蔣祖曼演繹溫柔善良感化官獲讚「劇拋面」

由無綫與優酷聯合出品，鍾澍佳、關旭總監製，方浤酌／關文深／權香蘭監製，張麗娜／劉燕紅總編審的全新律政劇《康業信貸快遞物業貸款呈獻：正義女神》，逢周一至周五晚翡翠台八點半播映，主要演員有佘詩曼、譚耀文、陳煒、周嘉洛、許紹雄、馬貫東、蔣祖曼及戴祖儀，特別演出：文頌嫻。

昨晚（3月1日）一集《正義女神》審理了「躁父家暴少女案」及「離島三害案」，其中周嘉洛飾演的鄭邵文裁判官在審理「家暴少女案」過程中，帶出了與家姐鄭邵玲（蔣祖曼飾）的悲慘過去。童年鄭邵文（葉永康飾）與童年鄭邵玲（林靖文飾）飽受母親毒打，其中一次母親更企圖放火燒死二人，為了保護弟弟，鄭邵玲大義滅親報警…基於自身遭遇，生性善良的邵玲對案件中受害女童余樂貝（黃可盈飾）更是同情，並希望邵文能站在女童立場判案令施暴父親付出代價。可惜最後因女童臨時改口供，邵文判了施暴父親無罪，令相依為命的鄭氏姊弟關係生變…

網民對周嘉洛轉「形」反應兩極
近年因《愛‧回家之開心速遞》的「廢青金城安」形象深入民心的周嘉洛，一次徹底撇甩金城安味道，收起一貫的嬉皮笑臉，駕上金屬框眼鏡及穿上筆挺西裝，以冷靜、深藏不露、專業內斂的氣場，飾演睿智又充滿城俯及野心的裁判官鄭邵文，成功一出場即引發熱討。對於周嘉洛的「改頭換面」，網民反應兩極，小部分網民笑言看到「嚴肅周嘉洛」感到不習慣，但大部分網民均對嘉洛仔的新嘗試讚不絕口，大讚有新鮮感之餘，更認為周嘉洛的角色十分貼近現實！網民：「好少見佢咁正經」、「睇唔慣」、「安仔（周嘉洛）法官先專業，公私分明，親人都唔講得案情」、「我覺得周嘉洛不笱言笑、冷酷無情、攀附權貴想向上爬嘅人設都好合理」、「周嘉洛算係演到呢個角色特質」、「有驚喜」、「有畀心機」、「有進步」、「演得非常好，做藝人唔好定型」、「開拓新形象」、「這部劇真的讓許多演員有機會發揮」。

其實周嘉洛今次一洗固有形象飾演的鄭官，在內地也引發了高度迴響，不少內地粉絲大讚青靚白淨的他好靚仔，激讚「帥出新高度」的同時，還指他展現了可塑性極高的男神魅力，並被指在大灣區人氣急升。談到新劇角色，周嘉洛接受tvb.com獨家訪問時坦言很開心能獲得今次這個新挑戰：「因為對我嚟講係好新鮮有趣嘅事，我冇呈現過呢面畀觀眾睇過。」又笑言因自己是I人，故此其實與鄭邵文有不少相似的地方：「雖然我對外係外向，但其實我私下好鍾意靜，唔係成日講嘢。同埋我同鄭邵文一樣，都係好理性處理事情，冇咩起伏好大嘅情緒，呢個都係我嘅工作態度。」

網民讚Joman：一人千面，演技真絕
至於同樣演繹出全新形象還有蔣祖曼（Joman），過往多飾演專業知性女性的Joman，這次收起一貫的「鋒利感」，演繹心地善良、溫婉、缺乏自信兼內心滿是掙扎的鄭邵玲感化官，處事手法亦比以往角色軟性得多，同樣給出了超強新鮮感。搞笑的是，由於Joman之前在《新聞女王2》演繹的霸氣女強人Diana太深入民心，有網民直頭認不出是由同一位演員飾演，激讚Joman演技爐火純青：「哇！演得真好，我都沒意識到是同一個人，真的演甚麼像甚麼，氣場完全不一樣」、「塑造性很強」、「一人千面，演技真絕」、「無力感眼神很傳神」、「鄭邵玲溫柔到不得了」、「造型的重要性」。還有網民盤點了Joman以往的角色，包括《新聞女王2》Diana、《法言人》Hazel、《法證先鋒VI：倖存者的救贖》Nana、《鐵探》Iris等8大角色，大讚她是沒有之一的「劇拋面」（意思演什麼像什麼）代表人物。

蔣祖曼親認好奇劇中角色與真實性格勁相似佳導親自解答Joman迷思
Joman受訪時，亦坦言鄭邵玲是其入行以來最溫柔角色，並透露除了自己在對白方面花了點小心思外，還感激梳化同事的幫忙：「主要都係講對白慢番啲、輕番啲，同埋真係好感激個造型超級幫到手，令成件事更有說服力。其實作為演員，都好希望每次觀眾都唔認得自己就最好，因為有全新嘅感覺畀到佢哋。」、「其實鄭邵玲呢個角色同我自己係好似架，雖然我平時講嘢唔係溫柔嘅，但我哋諗法好似，我有朋友睇完套劇都有Send message畀我話『真係同你一模一樣喎』。我都有問佳導，點解你咁犀利，知道我心底係個咁嘅人呢？你係咪知道所以咁安排呢，但佢就笑而不語，我都想知佢到底係咁叻，定真係咁橋，哈。」就Joman疑問轉達佳導，佳導笑言：「我知佢係咁嘅性格，因為我識佢老公，呢個女仔有幾好，係一早人所共知，所以我寫咗呢個角色畀佢。佢做完《正義》，我睇到佢加強自信後會有唔同，所以再有Diana呢個角色。」

蔣祖曼評周嘉洛真實人品
在劇中與周嘉洛有大量對手戲的Joman，被問到其眼中嘉洛真實性格時，她笑言確是既有活潑亦有沉默：「初初同佢開工，發現佢每一朝都好開心，都好有禮貌。但熟咗就發現佢唔係keep住咁hyper，有次我拍完《正義》同佢返香港，發現佢成程車都好靜，我就問佢係咪唔開心，佢話唔係呀，佢話佢冇乜講嘢係因為覺得大家熟咗舒服，其實每個人都有好多面，我覺得兩面都係嘉洛。」

你或有興趣的文章

逆天奇案2丨拍船上求婚浪漫戲拍到身水身汗 蔣祖曼爆黃智賢練出絕世零汗神功