嫁出去嘅女唔一定係潑出去嘅水!
「十優港姐」麥明詩榮升人妻後仍然孝順媽媽麥何小娟,適逢母親節到來,麥明詩於IG貼出母女合照,並向媽媽說出愛的宣言。
麥明詩分享母女合照
麥明詩媽媽麥何小娟
麥媽媽見證愛女出嫁
麥明詩於IG寫道:「唔係潑出去的水!由BB時期日以繼夜嘅照顧,到小朋友時期嘅學業、品格培育,到青少年的戀愛、感情輔導,到成人時期的事業支持… 到最後放手讓孩子飛走,活出自己的人生。媽媽你真的給了我所有。無論如何,我知道媽媽永遠是我的避風塘,我永遠是你的女兒。」她續言:「@makhosiukuen 我媽媽真係好厲害,咁多年來都係全職上班再照顧兩個小朋友,從來冇停低過。到今日都仲繼續學習、繼續工作,見到媽媽都咁勤力,我點可以唔努力啲呢 #母親節快樂 p1 @hoyin626 p2-3 @orbsproductionwedding」。
母女情深
麥明詩感謝母親
多年前的母女合照
一家四口
全家福
麥明詩同夫家關係十分好。
「十優港姐」麥明詩(Louisa)3月底與機師男友盛勁為正式拉埋天窗,升呢成為「盛太」。近日,盛勁為在社交網大讚老婆貼心,透露老婆親自策劃及翻新盛勁為從小長大的公屋,讓老爺奶奶住得更舒適。
二人婚後齊齊孖住出活動
從不介意丈夫出身公屋的麥明詩曾分享老公成長地田景邨拍攝的婚照,並寫道:「Home is where we start from」,獲網民大讚貼地。與夫家關係極好的麥明詩近日又發功氹老爺奶奶,一手策劃推動再搵埋師傅為老爺奶奶住緊的500呎公屋改造,將舊居煥然一新。
兩家人關係融洽,經常一齊去玩
盛勁為在IG發文寫道:「呢間屋住左差唔多30年,500幾尺住兩大人四個細路,記得以前考試都喺張床度溫書,溫兩溫就瞓着左。而家個個都各自成家立室,間屋都有啲日久失修。全靠老婆 @louisa_mak 一手策劃推動再搵埋師傅,幾個禮拜就靚仔左咁多,間屋改造後真係好開揚同好有活力,仲有埋個小型遊樂場,啱晒俾啲孫去玩🤣 爸媽表示住得非常高興,令我都想多啲返娘家食飯 haha」。
舊居已十分殘舊
牆身仲有啲發霉
影片所見,本想油漆剝落的牆身及發霉的天花板裝修後變得乾淨,大廳牆身塗上了橙色增加光猛度和明亮度,又換上新的白色組合櫃以及米白色梳化,簡約清新,網民均大讚麥明詩:「好家嫂」。
裝修後光猛好多
客廳仲油了橙色牆,好有活力
有健身架
白色梳化令成間屋更光猛
仲換埋淺木色上下格床