Skip to Content Facebook Feature Image

商場餐廳侍應「趕客」關門前15分鐘大呻兼收碟 食客投訴遭爆粗兼郁手

社會事

商場餐廳侍應「趕客」關門前15分鐘大呻兼收碟 食客投訴遭爆粗兼郁手
社會事

社會事

商場餐廳侍應「趕客」關門前15分鐘大呻兼收碟 食客投訴遭爆粗兼郁手

2024年05月26日 12:32 最後更新:05月28日 16:59

有食客投訴在太古一家中菜館用餐時,遇到侍應不禮貌「趕客」,當他向經理投後,對方甚至爆粗兼動手。

(FB截圖)

(FB截圖)

侍應「趕客」客人未食完就收碟

更多相片
(FB截圖)

(FB截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

該食客於Facebook群組「飲食黑店大全」發文,表示日前晚上8時45分進入太古康怡廣場的一家中菜館用餐,在10分鐘內點好餐,因知道餐廳關門時間為晚上10點,為了「唔阻住人收工」,於是9時45分便開始打包剩餘的食物準備離開。不過,當樓主正在打包時,一名大叔侍應卻在未經詢問下,收走枱面上有餸菜的碟「我仲夾緊嘢食落盒,大叔員工已經搶走咗隻碟」。

(FB影片截圖)

(FB影片截圖)

侍應放聲抱怨「冇人肯走呀!一個都唔願郁!」

隨後,樓主留意到該侍應站在其他食客附近,對著其他員工大聲抱怨「阿姐,冇人肯走呀!一個都唔願郁!我哋今晚要遲收工啦」,顯然是有心讓客人聽到,想趕走客人。樓主對此非常不滿「我心諗叫人走都可以好啲聲氣啫,我哋一定配合。而且我係打晒包,2分鐘內閃,距離關門仲有一段時間,咁樣未免太惡劣」。

(FB影片截圖)

(FB影片截圖)

食客向經理投訴卻遭侍應辱罵

樓主於是向經理反映「你員工咁嘅方式趕客唔係咁好」。經理將侍應帶到店外談話,侍應知道自己被投訴後,情緒激動地對樓主及同行人士爆粗。樓主不甘受辱,立即高舉手機拍攝作為證據,侍應見狀則試圖搶奪手機,並且用粗口辱罵。

(FB影片截圖)

(FB影片截圖)

食客與侍應起衝突

影片顯示,樓主問侍應「頭先講咩話?」侍應則回以「影乜X嘢相啊」,更試圖拍打並搶奪樓主的手機。經理嘗試介入拉開了侍應,侍應行開,至影片結束。

樓主指經理只是無奈表示「冇辦法,佢脾氣係唔好,你哋覺得點做點好啦」,而侍應則挑釁地對樓主說「你咪投訴我囉,屎窟鬼」。樓主表示自己從未遇過如此惡劣的服務態度,並且強調當時已經自覺打包食物準備離開,並非有意搞事。

(FB影片截圖)

(FB影片截圖)

網民指責侍應態度惡劣

帖文引熱議,不少網民指責侍應態度惡劣「呢條友確係不適合做服務行業」、「俾我會留喺度報警話佢襲擊我」、「推上報啦,影衰哂香港餐廳,想做得好都難啦」、「無大無細,呢啲伙記倒米,即炒!」、「支持你影佢, 呢啲人吾受教訓吾識尊重人尊重自己尊重自己份工!」

亦有人批評經理的處理方法

有人亦批評經理的處理方法「個阿叔唔岩但個經理都係廢,公司請你就係要你管人,個阿叔係佢面前都照咁樣做證明佢都唔怕佢」、「個經理就已經有問題啦,正常一早就應該阻止啦掛。叫佢提早收工又好炒左佢又好,點唔夠人用都唔爭在小一個咁既差劣員工啦」。

帖文來源:Facebook群組「飲食黑店大全

往下看更多文章

尖沙咀買$220燒味雙拼飯 港男打開心碎斥:偷工減料

2024年06月14日 16:00 最後更新:17:44

港男於尖沙咀花$220買「雞髀鵝髀飯」外賣,打開後卻心碎,直指食店偷工減料「令香港人蒙羞」。

香港討論區圖片

香港討論區圖片

尖沙咀知名燒味店$220雙髀飯外賣

該港男於香港討論區以「好心成220蚊一個飯就唔好偷到咁嘅鬼樣啦。真係令香港人蒙羞」為題發文,表示日前光顧尖沙咀西九龍站一家知名燒味店,以220元買了一份「雞髀鵝髀飯」外賣。他本想食豪點犒賞自己,但當打開外賣盒後卻心都碎,雙髀飯的賣相完全不似遇期。

香港討論區圖片

香港討論區圖片

港男炮轟師傅偷工減料

樓主第一眼已覺雞髀和鵝髀都顯得非常「迷你同薄身」,批評師傅偷工減料「隻髀平底,師傅用超卓新奇嘅刀工,貼住大腿骨由頭到尾削走一層肉,隻髀得六兩,都仲可以偷走二兩淨肉,勁喎」,更揶揄師傅有「匠人精神」。

香港討論區圖片

香港討論區圖片

樓主又指「隻雞髀仲頂癮」,嘲諷師傅「完全唔掩飾大賊嘅身份,擺明車馬偷,成隻雞下髀連上髀底層肉無晒,我欣賞師傅你嘅坦率」,形容「得三嚿正常肉加兩粒雞丁,超級funny」。樓主上載單據,表示「我真金白銀買嫁,唔係消費劵或福利飯劵換嘅,我當然有權出聲啦」。

香港討論區圖片

香港討論區圖片

網民批評「店大欺客」、「明偷明搶」

帖文引熱議,不少網民批評食店離譜「師傅擺係明搶」、「220蚊搞成咁真係要爆粗」、「當人水魚,真係可以直接blacklist」、「兩隻脾都係得半邊,俾師傅食咗」、「質量同去大家樂大快活差不多,但平好多」、「外賣才夠膽偷你半隻雞脾,鵝脾有偷但起碼似樣,偷下偷下個師傅3至4隻比偷到1隻打包返屋企食」、「西九站搭去福田,買埋飯再搭高鐵返嚟可能都唔使咁貴」、「$50就差唔多!」

香港討論區圖片

香港討論區圖片

亦有網民嘲「交智商稅」

不過,有人就不同情樓主「其實食牌子野,自願交智商稅,仲有乜好嘈?」、「慶幸有你我慳返220元」、「店舖標明價錢,你仍然買,你就要承擔一切後果!」、「你一定係弱智人仕!否則點會用220蚊去食雙脾飯。220蚊可以吃九大鬼啦」;有人則笑言「隻雞咁啱跛腳,隻鵝咁啱又小兒麻痺」、「日本食嘢好多時食手功,香港有呢啲師傅令我哋可以食刀功!」

帖文來源:香港討論區

你 或 有 興 趣 的 文 章