港台節目《廣東話去旅行》開啟文化奇遇記 首站雲南「靚到抌一聲」 不同方言擦火花

港台近年鮮有製作電視旅遊節目，最近逢星期六晚上8時在港台電視31播出的《廣東話去旅行》相當驚喜，兩位年輕女主持以活潑、富趣味的方式，帶觀眾開啟深度歷史文化之旅，首站就走進彩雲之南。

兩位年輕女主持以活潑、富趣味的方式，開啟《廣東話去旅行》。

唔講唔知，原來范莎莎（Zaza）和張嘉儀（奧米）本身並不認識，全因節目監製的撮合，讓她們為旅遊節目《廣東話去旅行》展開了一段同遊雲南的緣分。在雲南的17日行程中，兩人由陌生人逐漸成為互相照顧的好旅伴，穿梭昆明、大理、麗江、香格里拉、騰沖，感受雲南的四時變化，探究歷史文化。

遠離城市喧囂，親身體驗「有一種叫雲南的生活」。

近年不少人的旅遊模式有變，不再追求滿滿的「特種兵」行程，而是選擇遠離煩囂，走到不同角落，好好認識當地的人文生活。兩位主持人就親身去到雲南，體驗了這股新式旅行風潮，親身感受「有一種叫雲南的生活」。

拍攝過程，除了被眼前360度的美景震撼，影相打卡影到手機冇哂位，讓她們人感受最深的，就是當地好relax的氣氛，總會讓人擺脫都市急速節奏，自然而然放慢腳步，去感受慢生活。

邂逅少數民族，用廣東話對上雲南方言，來一場難得的文化交流。

至於節目點解叫《廣東話去旅行》？原來，飽覽壯麗風光之餘，主持人更有機會邂逅少數民族，用廣東話對上雲南方言，來一場難得的文化交流。節目總監鄧心怡介紹，廣東話本身是一個好活潑的方言，好繽紛，而雲南係一個很多少數民族的地方，方言亦有很多，廣東話與這些方言碰撞，擦出巧妙的火花。

主持范莎莎在聶耳墓拍攝的相片中，發現一道肉眼看不到的亮麗彩虹。

事實上，雲南還有很多重要的歷史景點，范莎莎就話，到訪國歌作曲人聶耳之墓令人深刻，一走進墓園，就感受到神聖莊嚴肅穆，其後她在拍攝的相片中發現一道肉眼看不到的亮麗彩虹。感到震撼的她，其後又慢慢透過墓園富心思的設計，去了解更多聶耳的故事，從而更了解國家的歷史。

Sebastian聽聞，除了「雲南篇」，《廣東話去旅行》將繼續帶來更多精彩內容，包括以張愛玲為著眼點的「上海安徽篇」，以及重行梁思成與林徽因的山西考察路，探尋唐代建築的「山西篇」等。攝製隊仲計劃去到歐洲，與歐洲的朋友交流，充分發揮香港「超級聯繫人」的角色，值得期待下。

香港電台節目《廣東話去旅行》由雲南廣播電視台協助製作，逢星期六晚上8時在港台電視31播出。港台網站（tv.rthk.hk）及「RTHK 電視」流動程式同步播出及提供節目重溫：https://www.rthk.hk/tv/dtt31/programme/cantonesetravelogue_yunnan

Sebastian

** 博客文章文責自負,不代表本公司立場 **

每年到呢個月份，係上市公司開股東周年大會的旺季，Sebastian最近同一班公關阿哥阿姐食飯，講起佢哋大集團開股東會嘅怪現象，一齊鬧爆「陳氏三母子」。

事件主角係上市股東，佢哋一行三人，有一個年老阿媽，再加上一對陳生兄妹（或者係「夫婦」）。佢哋多數時候係三人成行，有時係兩人成行，通常會大鬧股東會，不過唔係質詢上市公司的經營問題，而係「搶禮物」。

唔少上市公司喺股東會都會有各種類型嘅東西招呼股東，傳統多數係有小食，呢啲嘢小股東通常唔會客氣，唔單止喺現場食，仲會帶埋餐盒嚟「掃貨」。唔少大公司會比較慷慨，會派西餅卡、月餅卡，甚至派禮券。但係佢哋見到聞名股東會的「陳氏三母子」，都非常小心，因為這幾個人出嗮名，會玩謝上市公司。

上市公司股東如果唔出席股東會，可以用proxy form，即係授權書，叫其他人代表佢出席。而揸住上市公司即使1股，都係股東。咁問題就嚟喇，「陳氏三母子」通常會攞住一大叠授權書，然後之後去攞禮物。有上市公司喺股東會派禮券俾股東，本來3個人一人一份好正常，但佢哋就會話我1人有10張授權書，代表30個股東，就應該攞30份。無俾佢哋就大吵大鬧，搞到個場好無癮。

從公關的角度，唔想有股東鬧事驚動在場老闆，通常都會息事寧人。其中一個公關大哥就話，佢哋最終都讓步，俾咗10張禮券。另外有公關阿姐就話，佢哋果個場面都係差唔多，遇著「陳氏三母子」都會搞出大混亂。原本同事想揸正嚟做，一人一份禮券，結果陳生想要攞多啲，走過嚟搶，喺拉扯之中就將禮券搶走，仲搞到佢嘅同事隻手比紙鎅傷流血。

呢個「陳氏三母子」真係盛名遠播，各大公司嘅公關見到佢哋，都聞風喪膽。