拍檔廚房丨陳煒眼紅紅首談與亡母難忘回憶梁競徽為年邁父母學「拆骨」

娛圈事

拍檔廚房丨陳煒眼紅紅首談與亡母難忘回憶梁競徽為年邁父母學「拆骨」

2024年06月19日 13:30 最後更新：16:38

陳煒與梁競徽都分享了一個感人故事。

由方力申、黃翠如主持的煮食節目《拍檔廚房》本周嘉賓是陳煒（煒哥）和梁競徽，分別夥拍餐廳行政總廚譚以健（Ken）和酒店行政總廚邵德龍組成拍檔，經過三輪激烈比拼，梁競徽組以44分暫時領先、煒哥組則以42分落後，兩隊超高班拍檔組合，被顧老闆形容為「武林高手」。

點擊看圖輯

（左）方力申、黃翠如擔任主持。

梁競徽與邵德龍師傅

煒哥與Ken

煒哥同梁競徽今集都分享了一個感人故事。

煒哥組與梁競徽組嘅「主題故事Omakase」菜單

煒哥組炮製嘅頭盤：藍龍蝦，百合彩色車厘茄，話梅沙律汁

主菜：蟹湯燴刺參蟹汁年糕

甜品：花膠龍眼意大利奶凍配36個月西班牙火腿配食用菊花糖

煒哥激罕談亡母，講到眼濕濕！

梁競徽組炮製嘅頭盤：酸辣紅蝦牛油果

主菜：拆骨魚頭煎蛋

甜品：鮮百合翡翠甘露

梁競徽講到一度哽咽。

評判：鄧達智、顧紀筠、幟哥、蘇潔明

今晚（6月19日）播出的第九集，來到最終回合的「主題故事Omakase」，煒哥組和競徽組分別以「思念的滋味」及「愛與承」為主題，兩人分享時均忍不住熱淚盈眶！

先講煒哥與Ken炮製的三道菜式：「藍龍蝦，百合彩色車厘茄，話梅沙律汁」、「蟹湯燴刺參蟹汁年糕」及「花膠龍眼意大利奶凍配36個月西班牙火腿配食用菊花糖」，結合了兩位廚師對過世親人的思念。煒哥透露母親多年前因病離世，在母親患病期間，煒哥不時煲花膠及海參給病母補身，有次病母得知女兒所買的食材如此昂貴後竟和女兒吵起來，陳媽媽當時更激動至流下眼淚，陳煒憶述：「相信佢係覺得個病拖累咗我，所以唔開心流眼淚。嗰時同佢嘈咗兩句我返咗房，過左十零分鐘，突然聽到『嘭』一聲好大聲，好似有嘢跌落樓嘅聲！我嗰刻好驚，個心跳咗出嚟，好慌咁即刻衝出廳，好彩我媽媽仲坐喺度睇緊電視。嗰刻我終於知道自己錯，可能我覺得好嘅嘢，唔代表喺媽媽立場係一件好事。」煒哥眼紅紅表示從沒跟人提過此事，如今說出來後反而感到釋懷：「希望媽媽在天會接受我嘅道歉。」

而梁競徽與邵師傅所炮製的三道菜式為「酸辣紅蝦牛油果」、「拆骨魚頭煎蛋」及「鮮百合翡翠甘露」。梁競徽坦言近年對感情、親情、友情有更深體會，尤其到內地工作後、才意會到父母年紀真的不小了，他一度哽咽地說：「唔珍惜嘅話好多嘢都會錯過。爸爸媽媽都好鍾意食魚，但佢哋唔係好識噒骨，加上年紀又大，怕咗唔敢食。邵師傅就諗咗呢個拆骨魚頭煎蛋，等佢哋可以好放心咁去食魚，呢個係『愛』同『承』，係傳承咗中菜嘅文化、技巧同諗法。」

「一啖一份愛，一啖一份淚！」兩組鬥足四個回合後終於分出勝負，比拼分數更創下新高達五十多分，最終兩組只是一分之差，到底哪組可以成功出線？密切留意今晚一集《拍檔廚房》。

Tags:

西班牙陳煒

往下看更多文章

唱錢｜方力申專誠挑戰唱足23年首本名曲《好心好報》莊子璇靚聲獲郭偉亮認證

由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），本周六晚（5月2日）繼續是明星版，挑戰者先後有曾以組合「星盒子」身份當過歌手的區永權（區爸）、唱歌有番咁上下的港姐冠軍級人馬莊子璇，以及方力申；方力申更是專程上《唱錢》挑戰自己唱了23年的首本名曲《好心好報》，若成功過關可幫觀眾爭取500蚊港元福利名額。

即將舉行個唱的方力申，甫上台即信心十足：「呢首歌我唱咗23年咁耐，如果今日上嚟都唔掂，咁只可以講話我一路都唱錯，靠呢部機教我點樣唱番啱喇。」至於Eric Kwok則直指Level 3的《好心好報》是「完全冇難度」的歌曲：「所以你唱得唔好哩，就係你嘅問題。」最終方力申（Alex）在被指「囂張」的情況下進行挑戰，唱完還要輕鬆大做鬼臉，到底Alex最終能否眾望所歸、挑戰成功呢？

至於偶爾會在個人社交網晒歌喉、兼已成功打入「魔音女團」16強的莊子璇（Hilary）、一身短打套裝打扮將修長美腿展露無遺、相當搶焦。雖然Hilary並非Target打爆機，但為了唱好每首歌，她事前還是作出地獄式練習、觀乎官方發布的練習搶先睇截圖，Hilary除唱得投入、居家「卡通老鼠」打扮更是相當可愛搶鏡！

雖然Hilary正式演出要本周六先有得睇，但根據Eric Kwok的聽後點評：「幾好聽喎你把聲，有種Sexy感覺」、「係嗰種好有吸引力嘅聲，你講嘢把聲同你唱歌把聲好唔同」，期待指數爆燈。今集除了明星挑戰者，應援團陣容亦相當吸引，先後有「東張女神」梁敏巧、何沛珈、港姐李尹嫣、王汛文，四人更不約而同睇得相當肉緊。