直播靈接觸丨香港電視史上第一次！鄧兆尊紅顏知己Nana示範請狐仙上身

娛圈事

直播靈接觸丨香港電視史上第一次！鄧兆尊紅顏知己Nana示範請狐仙上身

2024年06月25日 13:30 最後更新：13:57

由梁思浩、黃紫恩（Jojo）及黃耀英主持的靈異直播一小時節目《直播靈接觸》昨晚（6月24日）播出第18集的主題是「薩滿」，請來鄧兆尊紅顏知己陳妙慧（Nana）和六壬師傅陳法齊擔任嘉賓。

陳師傅解釋甚麼是「薩滿」:「係一個傳統文化，古代好多凶險事，譬如出去打獵都有凶險，又多自然災害，古代人對天地有敬畏嘅心，見到天又拜地又拜，所以出現咗呢個文化。」Nana自言16歲開始便見到靈體，她說：「我以前住嗰間屋，有個女仔上吊死，當時我唔知㗎，我聽到拖鞋聲，佢過嚟拍我膊頭話:『你瞓覺啦，我唔會傷害你。』佢咁樣一講，我自己都好驚！」

點擊看圖輯

陳法齊（左起）、Nana、梁思浩

大合照

陳法齊師傳

Nana示範請仙上身，係香港電視史上第一次！

被仙家上身嘅Nana講中咗善信未曾提供嘅家庭訊息。

Nana同陳師傅徒弟齊齊被狐仙上身，兩人瘋狂鬥嘴！

英國嘅F先生網購毛公仔出事，打電話嚟求助！

昨節目中還播出Nana示範請仙上身的兩條影片，更是香港電視史上第一次！第一段影片，陳師傅先上香稟神，Nana之後飲下符水，伴隨着薩滿鼓奏響，Nana並慢慢進入狀態，陳師傅問到：「邊位仙家到咗？」Nana以普通話並夾雜「仙話」說：「地府的、天道的、地下，全都在。」陳師傅請求黃家（即黃鼠狼仙家）出來，惟Nana說：「不能亂說話，不能洩露太多天機，造因果，背因果，不能說。」有位善信請求被仙家上身的Nana解答疑難，雖然黃家沒有上到Nana身，但另一路仙家「鬼仙」卻上了Nana身，並講出該善信未曾透露過的家事！

之後另一條片段，Nana和陳師傅的男徒弟齊齊請來狐仙上身，怎料被狐仙上身的兩人瘋狂鬥嘴，陳師傅事後解釋：「今次仙家已經叫畀面，平時會同我啲徒弟郁手郁腳，打交都有，動物仙同請師公唔同，動物仙可能因為要爭地盤，所以比較真性情。」思浩笑問和兆尊有爭拗時會否請仙家上身？Nana坦言：「我唔會同佢嘈，以前冇仙家可能會同佢嘈，自從有咗仙家之後，佢發脾氣我嘴巴就會封住。」

節目尾聲，來自英國的F先生Phone In求助，F先生和老公2年前網上買了一隻發聲毛公仔，後來發現毛公仔疑被「附體」不停發生怪事，F先生發覺唔對路便打電話來求助，思浩聽完F先生的描述後即時皺晒眉，擔心出現「奪舍」情況會影響F先生和其另一半的健康，Nana看到F先生提供的毛公仔照片後說：「陰氣好大。」陳師傅則問到：「你哋係咪特別容易攰，冇乜精神？」豈料F先生竟然說：「係，我先生今日先入咗醫院。」思浩即着F先生盡快處理毛公仔，Nana說：「呢個係惡靈，要先超渡吓。」由於直播長度受限，Nana和陳師傅只好在節目後遙距為該毛公仔超渡，幫助F先生化解危機！

此外，今晚一集視后江美儀和「裸泳」羅泳嫻將擔任嘉賓，原來美儀姐屬於靈異體質，不時有「朋友仔」請她求助，今晚一集她將分享親自靈異經歷！

Tags:

江美儀

往下看更多文章

直播靈接觸｜「鬼后」關寶慧鄧兆尊任客席主持「終極嘉賓」梁思浩自揭靈力覺醒因由

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，昨晚（12月30）播映本季最後一集，主題為「最後的靈接觸」，請來關寶慧、鄧兆尊兩位嘉賓，兼任客席主持，目的是帶出神秘嘉賓的身份。謎底揭曉壓軸登場的終極嘉賓，正是村長梁思浩，節目中播出他於1982年15歲入行的片段，由首部劇集《城市故事》中的「洗米華」、到之後的《義不容情》、《壹號皇庭V》及綜藝節目扮鬼扮馬演出。

節目中思浩被問到改變一身的靈異經歷，他講到8、9歲時的遭遇，當時家中出現狀況，徬徨無助下行經旺角一座廟，神像透出亮光，那一刻思浩似受到感召，隨即下跪說︰「菩薩，我無路行喇，你畀條路行下啦。」從那時開始，思浩便覺得有神靈指引，開始拍廣告、電視劇，生活得到改善。

當講到最近一趟印象深刻靈異經歷時，就講到近日出席一位男藝人喪禮遭遇，思浩說︰「拜祭完我對住遺照問『有咩想講呀，講嚟聽下啦？』佢真係同我講喎，第一句就係粗口同生前一樣。」大意是鬧老婆祭品中沒有放香煙。思浩轉告對方太太，起先她還表示已放了兩包，最後才發覺香煙被人拿走，自此思浩可以跟靈魂溝通的事便傳了開去。

思浩提到靈力覺醒，始於十多年前到日本拍攝靈異節目。有趟到訪出名猛鬼的明野劇場拍攝，原本坐住等開工的思浩，最後竟然要跟靈體「講數」，他說︰「忽然監製走嚟同我講，入面好猛鬼，2個師傅都唔肯入去。」最後思浩手持佛珠、心經入內，起先內裏的氣場非常肅殺，但當思浩唸起心經後，漸漸變得祥和起來，此時思浩乘機說︰「我而家帶啲工作人員嚟拍嘢，你哋唔好嬲。」最後成功完成拍攝。