二人從二樓賓館騎樓一躍而下一幕更是觸目驚心。
由騰訊視頻和TVB聯合製作，王娟、鍾澍佳擔任總監製、方浤酌擔任監製的警匪劇《大棧即食蟲草燕窩特約 : 反黑英雄》，逢週一至五晚8點半翡翠台播映，主要演員包括陳山聰、張振朗、袁偉豪、張頴康、朱晨麗、姚子羚、傅嘉莉、黃子恆、林景程、何沛珈等。4日播出的第9集，焦點場口絕對是阿賢（張振朗飾）勇救陳樂怡（曾文心飾），二人從二樓賓館騎樓一躍而下一幕更是觸目驚心。劇情講述樂怡因母親「西敏寺」（顏仟汶飾）欠下巨債，被逼做雛妓母債女還；但最後樂怡過不了心理關口急Call阿賢求救，碰巧遇上警察掃黃，二人情急下從窗口跳出屋外簷篷，並飛簷走壁逃避警察追捕。不過由於很快跑到盡頭，二人無計可施下從二樓一躍而下、先跳往車頂、再由車頂跳落地面再緊接馬上拔足全速奔跑。
點擊看圖輯
焦點圖片
張振朗喺劇入面真係好跑得吓。
張振朗喺劇入面真係好跑得吓。
張振朗喺劇入面真係好跑得吓。
呢個「零威也」兼且「零替身」嘅一踴而下連環圖，精彩呀！
由車頂再跳落地面之後，佢哋又係起勢係咁跑。
相關場口花絮：由車頂一跳落地面就要即刻再跑，真係少啲體力都唔掂。
張振朗同曾文心合作都幾有火花，曾文心仲獲不少網民大讚有潛質、有前途。
有殺氣加持嘅袁偉豪，係型嘅。
袁偉豪雖然體重輕過Leo，但竟然可以孭住Leo咁耐，仲要咁穩定咁做到咁多戲，勁！
因為唔想細佬變植物人咁慘，祖耀狠心將阿細焗死
喺阿細死之前，祖耀仲親手幫佢整番個笑臉，呢個畫面好令人感動。
呢幕戲配以回憶畫面，更加令人動容。
呢幕戲配以回憶畫面，更加令人動容。
焦點圖片
張振朗喺劇入面真係好跑得吓。
張振朗喺劇入面真係好跑得吓。
張振朗喺劇入面真係好跑得吓。
呢個「零威也」兼且「零替身」嘅一踴而下連環圖，精彩呀！
由車頂再跳落地面之後，佢哋又係起勢係咁跑。
《新聞女王》經典「企跳」騎樓位再現
對於兩位演員一氣呵成完成連串高難度動作，網民齊聲讚好，更有眼利網民發現相關場景，正是陳若思（Amber）在熱播劇《新聞女王》中的經典由騎樓位跳落街場景，並笑言「TVB宇宙再現」。該幕場口的亮點落在振朗身上，在《反黑》中幾乎由朝跑到黑、動作戲浪接浪的張振朗，該幕由二樓賓館騎樓直飛車頂戲不但全程親身上陣，更是在「零威也」的情況下直接一躍而下，齋睇都牙煙。觀乎劇組發布的花絮片，振朗拍攝相關場口前顯得有點緊張，但最後還是咬緊牙關跳下去，整套動作不但完整度高，姿勢還相當優美俐落。
相關場口花絮：由車頂一跳落地面就要即刻再跑，真係少啲體力都唔掂。
張振朗同曾文心合作都幾有火花，曾文心仲獲不少網民大讚有潛質、有前途。
昨晚另一重點劇情，是祖耀弟弟阿細（關曜儁Leo飾）中槍慘死。身為大奸角的祖耀雖然殺人唔眨眼兼手段兇殘，但對家人卻是相當有愛。除對亡妻阿婷（蔣家旻飾）重情重義，對經常闖禍的阿細雖態度嚴苛、又打又鬧，但其實愛錫有加兼不離不棄，所以當阿細與警察對壘中槍一刻，祖耀甚是愕然及緊張，更馬上背著阿細前往找黑市醫生，但最終因阿細失血過多情況危殆，祖耀為免親弟受植物人之苦，忍痛親手以枕頭焗死阿細，配合黑白的回憶片段及阿Ben臨殺死親弟前為佢整頓開心笑容的小動作，煞是感人。
有殺氣加持嘅袁偉豪，係型嘅。
袁偉豪雖然體重輕過Leo，但竟然可以孭住Leo咁耐，仲要咁穩定咁做到咁多戲，勁！
因為唔想細佬變植物人咁慘，祖耀狠心將阿細焗死
喺阿細死之前，祖耀仲親手幫佢整番個笑臉，呢個畫面好令人感動。
談到阿Ben與Leo互動戲份，最令人難忘的，是有至少三場戲阿Ben是全程孭著Leo拍攝，不但要孭住Leo走動兼講對白，有時還要應付動作場面。翻查資料，出名是大隻仔的Leo，體重高達73kg，而阿Ben體重則只有70kg左右，要孭著比自己重的人拍戲絕非易事。Leo受訪時透露相關被孭場口足足拍了三日，並笑言阿Ben真的拍到好攰：「佢話直頭好似操完腳咁，其實佢孭住我行咗好多日，Total拍咗3日，對佢嚟講真係十分之攰！最搞笑佢話孭完我之後唔使做Gym，成對腳都軟晒！」Leo又謂阿Ben有即場傳授減輕大家「負擔」方法：「阿Ben教我對腳內側要用力夾實佢，佢冇咁辛苦之餘，我亦可以做到pea嗰種感覺，所以佢大髀又攰，我大髀又攰。但我喺佢面前唔敢嗌攰，因為佢仲攰過我。阿Ben真係好好，唔會話攰就即刻叫我落嚟，因為佢真係想有攰嗰種感覺，好專業。」
呢幕戲配以回憶畫面，更加令人動容。
呢幕戲配以回憶畫面，更加令人動容。
