推寵妻英文情歌《Surrender to Love》 馮允謙與未婚妻吵架永遠先投降

Jay認為一段關係，唔係在乎邊個贏邊個輸，兩個人溝通得好更重要。

「唱作王子」馮允謙Jay Fung剛宣布今年十月再踏紅館開個人演唱會，早前推出冧爆情歌《在愛面前投降》，大受歡迎，他自己都好鍾意這歌，所以親自譜上英文歌詞成為《Surrender to Love》，早前更特別為這英文版拍攝Studio Live版，邀請蘇道哲以鋼琴和Nic Tsui以結他伴奏。

Jay早前更特別為《Surrender to Love》拍攝Studio Live版。

並邀請蘇道哲（左）以鋼琴和Nic Tsui（右）以結他伴奏。

觀看相關影片按連結：https://youtu.be/rfkuRRmwDkA

身在尖沙咀1881公館取景的Jay說：「好開心喺度拍攝《在愛面前投降》英文版《Surrender to Love》嘅cover，中文版由陳詠謙填詞，作曲有我、陳考威同埋Nick Wong（黃兆銘），編曲有Nick和監製陳考威。呢首歌係講一對情侶有拗撬嘅時候，有時嗌交嗌到忘記自己嘈緊乜，剩係記得要嘈、要拗贏。而我好願意輸俾另一半，因為我知道，喺呢一刻我輸咗，但係最終我係贏，因為我贏到你陪喺我身邊。」深情又甜蜜的歌詞意思。

Jay自言好願意輸俾另一半。

雖然Jay作曲時已有這個想法，但只是隨意填了一些英文字，直到旋律遇上陳詠謙，他填上中文歌詞，完整了意思。Jay說：「陳詠謙嘅中文詞令我更確實呢首歌嘅主題，之後返屋企修改英文歌詞，由頭到尾我自己一個人寫晒。我依家很滿意，我困咗自己喺房間幾天無出街就係寫呢份歌詞。完成後第一個畀細佬睇，佢好驚喜，讚我有進步，鼓勵我繼續寫多啲詞。」

Jay透露《Surrender to Love》的英文歌詞，由頭到尾都是他一個人創作出來的。

不過，未婚妻未聽過英文版，Jay希望連同旋律製作成歌曲才給她聽，「我想畀佢驚喜，希望佢鍾意啦！希望佢好似我咁樣，喺我面前投降，唔好成日諗住贏我。因為一段關係，唔係在乎邊個贏邊個輸，呢首歌男、女朋友都好適合，每個人都要遷就對方，要為呢段關係承擔，有陣時唔只係講贏與輸，兩個人溝通得好更重要。」Jay會扮輸？他說：「我唔係扮，我個人好冇所謂、好chill，成日都讓佢，佢又好習慣我讓佢，我又唔係好介意，因為就好似首歌咁講：在愛面前投降！」Jay花式示範「寵妻天花板」。

Jay又指《Surrender to Love》是給未婚妻的驚喜。

Jay透露經常都會讓未婚妻，而未婚妻又好習慣他讓她。

「唱作王子」馮允謙（Jay）全新派台廣東歌作品《Break Me Down》上架，MV超有電影感，為隆重其事，邀請逾百Fans在尖沙咀MCL K11 Art House戲院，一齊欣賞MV首播。之後Jay和導演Sheng Wong與Fans互動，解答謎團，由DJ阿酸擔任主持。入場Fans得到MV中Jay簽的誓約，開場前他親自逐張簽名、畫專屬Logo及紅色火漆印章，儀式感滿滿。

逾百Fans一齊欣賞MV首播

「唱作王子」馮允謙（Jay）

馮允謙（Jay）全新派台廣東歌作品《Break Me Down》上架

馮允謙（Jay）全新派台廣東歌作品《Break Me Down》上架

之前Jay主演電影《得寵先生》已登上大銀幕，但首次在戲院大銀幕睇自己的MV，而且與Fans一同見證，感覺不一樣的興奮，笑言「好威」。他說：「好開心，好耐無見我啲Fans，第一次同佢哋一齊睇MV，即時聽到佢哋嘅反應。」他笑問：「我有冇演技大爆發？」

新歌《Break Me Down》由Jay作曲、周耀輝填詞、葉澍暉編曲、周錫漢監製

新歌《Break Me Down》由Jay作曲、周耀輝填詞、葉澍暉編曲、周錫漢監製

新歌《Break Me Down》由Jay作曲、周耀輝填詞、葉澍暉編曲、周錫漢監製

Jay跟Fans自拍

新歌《Break Me Down》由Jay作曲、周耀輝填詞、葉澍暉編曲、周錫漢監製。Jay說：「呢首歌題材有關『重生』，今年係我入行第15年，寫過好多歌，好想有啲突破，發掘自己音樂上有咩好想做而又未做？諗咗好耐就寫咗呢首歌。」新歌將「Jay式曲風」推上另一個境界，他說：「呢首歌dark dark地又有啲beat，寫嘅時候我已經好有畫面，諗定開騷點樣去表演呢首歌，我有好多諗法，大家期待吓！」

「今次MV導演Sheng有好多ideas，故事好有創意，好多嘢想拍，原本要用兩日時間，但我哋縮短為一日拍晒。今次MV故事好特別，我唔只一個角色，係有幾個Jay。個故事跳來跳去，好有趣，可能睇第一次get唔到，唔緊要，keep住睇幾次就get到。」MV中Jay為逃避殺手追捕，走入街市，打翻菜攤又躲入豬肉檔，同時Jay亦是殺手，還有一個Jay被困密室中瘋狂尖叫，加上鬧市飛車和爆破畫面，劇情緊張刺激。

今次MV邀請身手敏捷的王靖瑩（Charlie），飾演Jay逃亡時的拍檔，兩人一身戰鬥格打扮，加上臉上的傷妝，非常有型！他們跑到大廈天台樓，還攀上儲水庫的頂層，Charlie大讚風景美麗，周圍高樓大廈很有香港特色，但Jay坦言好驚，說：「我有畏高，好怕玩過山車嗰啲，但曾經因為工作需要跳降傘，我大嗌唔到，壓住喺入面好辛苦。人哋話玩完一次就會克服，但我唔係，依家仲驚！」