同居少女諸事卜丨「艷遇擔當」唔易做雲浩影拍喊戲憶往事淚崩

娛圈事

同居少女諸事卜丨「艷遇擔當」唔易做雲浩影拍喊戲憶往事淚崩

2024年08月09日 10:00 最後更新：17:15

Cloud直言拍喊戲挑戰好大，最大挑戰就是喊完後要怎樣收拾心情。

Viu原創劇《同居少女諸事卜》即將於「黃Viu煲劇平台」登場！由雲浩影（Cloud）、吳家忻（Kayan9896）和蘇皓兒（Chloe），聯同郭嘉駿（193）、何啟華（阿Dee）及林德信（Alex）主演，故事講述於同一屋簷下生活的三位不同個性女生，所遇到的愛情問題，當中首次拍劇的Cloud更周旋在「初戀情人」193與「穩交男友」阿Dee之間，被喻為全劇的「艷遇擔當」。

點擊看圖輯

《同居少女諸事卜》即將在「黃Viu煲劇平台」登場。

《同居少女諸事卜》劇照

「艷遇擔當」絕非易做，周旋在193與阿Dee之間的Cloud，在劇中有不少爆喊場面，大考演技，Cloud亦坦言是很大挑戰。拍攝喊戲期間，工作人員為了令Cloud好好蘊釀情緒，開拍前均保持安靜，氣氛一遍靜寂，拍劇初哥Cloud亦十分專業，培養好情緒，埋位話喊就喊，令拍攝十分順利。

事後，Cloud受訪時表示：「其實挑戰都好大，今日拍攝呢場戲，唔係第一場喊戲，之前同阿Dee分手都喊咗一次，拍喊嘅MV就拍得多，但劇就係第一次，目前最大挑戰就係喊完之後點樣收拾心情，而家我嘅感受仍然好想喊，因為為咗喊戲，我回想一啲往事，而家我嘅情緒仲喺呢啲傷心往事入面。」Cloud又表示跟阿Dee拍攝分手戲非常難忘，大讚對方演戲很有感染力，她謂：「嗰場戲係喺戶外拍攝，第一次喺戶外轉妝轉頭，感覺好新鮮，同阿Dee合作，佢好有感染力，好犀利，所以非常深刻。」

至於同劇另外兩位女主角Kayan9896與Chloe，相對Cloud拍爆喊戲，表現較為輕鬆，二人雖首次合作，就已經非常熟落，不時有講有笑，Kayan9896表示：「其實我哋之前係網友嚟，IG互相Follow，今次拍劇終於深度認識，大家圍讀時都有啲緊張，傾傾吓發現原來呢個女仔好nice。」問到她們傾談話題圍繞甚麼？Chloe指：「我哋有好多題外話，始終呢套劇講談戀愛、?仔，所以我哋都有傾呢類話題，講吓自己鍾意嘅類型、以前啲對象點樣對待自己、以後應該點樣部署。」

講到難忘場口，Kayan9896直言難忘Cloud的喊戲，感覺揪心，而Chloe則表示難忘跟陸駿光演對手，她說：「陸駿光飾演一個非常油膩大叔，佢時時刻刻都會對住我單眼、講肉麻說話，搞到我不斷要忍笑。」

往下看更多文章

雲浩影個唱加場門票售罄直播爆料成立FC兼獲師兄鄭伊健罕有留言打氣

「仙氣女神」雲浩影（Cloud）將於8月2和3日，假旺角麥花臣舉行首個個人演唱會「Finding Cloud 雲浩影演唱會2025」，昨日（7月10即）加場門票開售宣布售罄，反應熱烈。好消息一浪接一浪，日前她在IG直播期間爆料成立官方歌迷會，令一眾「迷雲黨」（cloud的歌迷暱稱）非常興奮。大家議論紛紛之際，留言板出現了大師兄鄭伊健留言打氣，Cloud驚喜到O嘴，好搞笑！

Cloud直播時逐一回答留言，突然看著屏幕碌大雙眼，說：「呀，等陣先！」原來她看見留言板上出現「ekin_cheng_offical」留言「加油」，這是大師兄鄭伊健的IG賬號，甚少現身社交平台的伊健突然上水，更留言打氣，實在難得。Cloud受寵若驚擘大個口，並說：「吓？Cap低先！伊健哥哥講加油呀，大家睇唔睇到呀？咁我要唱返首『數碼暴龍』（主題曲《自動勝利Let’s Fight》）先得喎！」有人留言問她會否邀請伊健做演唱會嘉賓？Cloud說：「我都好想請到佢，咁我就可以喺台上面同佢一齊踩Roller！」

伊健寵師妹已不是第一次，2022年剛加入寰亞音樂的Cloud，與「寰亞孻女」黃淑蔓在一次唱歌表演中遇上伊健，她們竟大膽自薦任對方演唱會嘉賓。伊健爽快一句「好啊」，安排她們成為其紅館「HERE and NOW演唱會」固定表演嘉賓，帶她們首次踏上紅館，分享舞台、分享愛。

其實Cloud當晚開IG直播，因為有重要事要搶先告知「迷雲黨」，就是她要成立官方歌迷會！出道以來，Cloud一直都好感謝「迷雲黨」自發組織不少應援活動，隨著人數日漸增加，希望成立官方歌迷會，令組織更強大和更有規模。據悉，寵粉Cloud為迷雲黨爭取福利，購買今次「Finding Cloud 雲浩影演唱會2025」門票，並於開騷日登記入會，可免本年度入會費，作為慶祝開騷和開歌迷會雙喜臨門。至於官方歌迷會命名重任，Cloud建議與迷雲黨一同參與，因為這是屬於大家的「家」。

有關雲浩影官方歌迷會的登記事宜，請留意演唱會當日之登記表格內的條款及細則。如有任何爭議，雲浩影官方歌迷會將保留最終決定權。

你或有興趣的文章

同居少女諸事卜丨「艷遇擔當」唔易做雲浩影拍喊戲憶往事淚崩

娛圈事