雲浩影新歌MV為愛情「拆彈」與男model仲佳佳炒大鑊

娛圈事

雲浩影新歌MV為愛情「拆彈」與男model仲佳佳炒大鑊

2025年10月10日 21:00 最後更新：21:22

寰亞仙氣女神Cloud雲浩影全新作品《我們還有幾多時間》早前拍攝MV，邀請了新一代型男Model仲佳佳（Pete）擔任男主角，雖然Pete拍過不少MV，但今次應導演要求拍攝跟Cloud鬧交的場面，演戲經驗不多的他，試戲時表現緊張，貼心的Cloud於是要求清場，好讓Pete能夠全程投入拍攝。

Cloud全新作品《我們還有幾多時間》，由她的出道作《願望之翼》作曲人徐偉賢作曲、作詞有周耀輝老師，編曲及監製由Goro Wong負責。早前拍攝MV，邀請了現年只有廿四歲、大學主修體育系的Model型男Pete仲佳佳擔任男主角。

點擊看圖輯

Cloud推出全新作品《我們還有幾多時間》。

與新一代型男Model仲佳佳Pete合作拍攝MV。

MV圖片

MV花絮

MV圖片

觀看相關影片按連結：https://youtu.be/L17tD_aPypM

高大身形、加上俊朗外表，Pete以往拍過不少MV，但要在MV內演戲，卻是第一次，還要跟Cloud有不少擁抱和拖手的親密舉動。Cloud說：「因為今次MV我哋都有啲親密嘅舉動，都feel到Pete好緊張，但經過咗一日嘅相處，大家都好開心，希望出來嘅成品好好睇。」面對鏡頭訪問也表現緊張的Pete，問他如何克服，Cloud對他有什麼鼓勵？他靦腆的說：「佢（Cloud）有喺休息時間同我講，你舒服就好，唔需要做太多動作，諗番轉頭都係。」

《我們還有幾多時間》MV故事講述Cloud與Pete一直希望一起出國進修，奈何只有Pete被校方取錄，不想丟下另一半的他，寧願放棄大好前程，反而Cloud覺得對方想法幼稚，兩人因此意見不合。Cloud說：「MV故事係講我同Pete原本有一個共同目標，突然呢段關係要走到終點、就快要爆炸嘅時候，我要出嚟拆彈，其實好多時，當一對情侶步伐不一致，想追求嘅嘢唔同，男仔個世界就係個女仔，但女仔就想對方再上進一啲，呢個都係好多情侶會面對嘅問題。」

當日早上主要拍攝二人拍拖的溫馨場面，拍醜的Pete未敢隨便觸碰女神，即使是一個簡單的擁抱鏡頭，也要Cloud反過來採取主動說：「我哋係專業嘅演員嚟㗎！」到下午，二人拍攝Pete不想丟低Cloud出國進修，導致二人鬧交的戲份，導演琪琪一直細心地指導每句對白和細節，但正式拍攝時，Pete明顯未能完全投入，貼心的Cloud見狀，立即要求清場，當現場二十多名工作人員逐一離開，Pete也開始變得放鬆，終於做到導演的Good Take要求。Pete為自己表現評分，「其實可以再做好啲。」身旁的Cloud馬上鼓勵說：「我覺得你已經做得好好，可能佢第一次做戲，現場又有咁多crew喺度，會有一定嘅壓力。」

之後，Cloud換上拆彈衣繼續拍攝，外型嬌少的她，穿起拆彈衣時難免舉步難行。Cloud說：「呢件衫嘅感覺係非常之笨重，之前拍《密切接觸者》MV時，都有著過一件類似太空衣，件衫係由羽絨同其他布料拼湊而成，所以好保溫，透氣還好，我會努力保持心靜自然涼。」

往下看更多文章

雲浩影為新碟舉行沉浸式耳機分享音樂之旅通宵影專輯封面穿梭黑暗尋找光影

雲浩影（Cloud）前日（4月22日）推出全新專輯「Silver Lining」，並於晚上在中環PMQ舉行《Cloud's Silver Lining Trip 音樂會》，全場逾300位歌迷席地而坐，透過耳機沉浸式享受Cloud現場演繹新碟內作品和她喜愛的歌曲，展開不一樣音樂之旅。

歌迷一早在場外排隊購買海報和小卡等周邊，然後魚貫入場，坐在地上「小雲朵地氈」，音樂會開始。Cloud拿著在新歌《雪愛》MV中亮相的可愛記事簿登場，簿內記下她的感受和音樂會流程，長裙下的她仙氣滿滿。她演唱《別畏高》和《雪愛》後問歌迷：「你哋緊唔緊張？我好緊張，我係P人嚟架，作為今日導遊，我都替大家緊張！」歌迷一片笑聲。

「以往音樂會上，透過耳機聽我唱歌嘅人只有樂手們，係好親密又好特別，今日你哋都會喺耳機聽到。」Cloud走到觀眾當中演唱《我們還有幾多時間》、《話到口中》和《別怕》。「今次專輯《Silver Lining》來自一句『Every cloud has a silver lining』，意思係即使烏雲都有一條銀色邊，都有一絲光明。」

翻唱薛凱琪的《Better Me》時，Cloud顯得特別感觸，「無論做啱做錯都有佢嘅原因，希望大家好似我咁，每朝早瞓醒都係一個新嘅自己，剛才首《Better Me》有一句好重要，亦係我好想『做一個值得你驕傲的Better Me』。」音樂會尾聲，Cloud說：「呢個屬於你同我嘅moment，我想透過呢首歌話畀大家知『雨後都有彩虹』。」然後她自彈自唱Kacey Musgraves的《Rainbow》。

音樂會後，Cloud接受訪問，她坦言心情緊張過大型演唱會，「一開始我都有啲驚，擔心呢個idea到底work唔work？因為用耳機聽好親密，會聽到好細緻和放大瑕疵。」出場後感受到觀眾的能量和反應才安心，說：「我見到有觀眾流眼淚，真係一個好特別嘅moment。我覺得同大家好close，一開始好緊張，因為大家圍住我，好近，個力量好大，適應之後就能夠好好去enjoy。」

Cloud坦言唱《Better Me》時特別感觸，她說：「平時唱呢首歌都會觸動我，而今次嘅觸動位係『有一天生命老去還好謝謝有你』，我望住咁多人帶住耳機好專心咁聽我唱歌，唔知我嘅歌手生涯會有幾長、有幾遠，但我好多謝曾經喺度支持過我嘅朋友仔。雖然會有完結嘅一日，我會老去，好感謝曾經同大家一齊，有過呢啲moment！」

音樂會上Cloud唱了多首新專輯的作品，唯沒有唱英文歌《Love Me Like That》，是她刻意留作買碟歌迷的專屬驚喜。而灌錄此歌前有個小故事，她說：「呢首歌原自一首韓劇歌，要攞版權，對方想聽吓我唱成點先決定批唔批，作為音樂人，我好明白。所以錄嘅時候都有壓力，驚唔批，即係我唱得唔夠好。嘻嘻，最後批咗，即係可能連原唱Sam Kim都聽過喎，好開心！」

今次專輯Cloud首次通宵拍攝，她說：「專輯概念『Silver Lining』，黑暗與光、光與影嘅關係。好多時候人生嘅ups and downs，經歷過低沉先至會明白開心，同埋好嘅事情係嚟得幾咁難能可貴。所以今次特登喺黑暗中拍攝，希望帶出訊息：『黑暗入邊都有光』。」她穿梭晚上的咖啡店、街道和海邊，捕足美麗的夜景和大自然的晨曦。

晚上如何享受me time？Cloud表示：「夜晚嘅我鍾意睇電話同埋浸腳，用啲中藥包煲水嚟浸腳，聽歌攞靈感，有時夜晚寫歌都幾有feel，當然仲有瞓覺啦！有時日頭開始寫歌填詞，埋尾錄埋好多時已經深夜，所以我覺得深夜同音樂人有好大關連。」其中新歌《別怕》由她親自作曲填詞並在深夜錄音，她說：「呢首歌以第三身嘅角度去鼓勵自己『唔好驚』，因為我好多時候都會自己同自己講嘢，所以想用第三身嘅角度去寫呢首歌。」