雲浩影為新碟舉行沉浸式耳機分享音樂之旅通宵影專輯封面穿梭黑暗尋找光影

娛圈事

雲浩影為新碟舉行沉浸式耳機分享音樂之旅通宵影專輯封面穿梭黑暗尋找光影

2026年04月24日 16:30 最後更新：17:33

雲浩影（Cloud）前日（4月22日）推出全新專輯「Silver Lining」，並於晚上在中環PMQ舉行《Cloud's Silver Lining Trip 音樂會》，全場逾300位歌迷席地而坐，透過耳機沉浸式享受Cloud現場演繹新碟內作品和她喜愛的歌曲，展開不一樣音樂之旅。

歌迷一早在場外排隊購買海報和小卡等周邊，然後魚貫入場，坐在地上「小雲朵地氈」，音樂會開始。Cloud拿著在新歌《雪愛》MV中亮相的可愛記事簿登場，簿內記下她的感受和音樂會流程，長裙下的她仙氣滿滿。她演唱《別畏高》和《雪愛》後問歌迷：「你哋緊唔緊張？我好緊張，我係P人嚟架，作為今日導遊，我都替大家緊張！」歌迷一片笑聲。

點擊看圖輯

Cloud日前舉行《Cloud's Silver Lining Trip 音樂會》。

《Cloud's Silver Lining Trip 音樂會》

Cloud推出全新專輯「Silver Lining」。

Cloud日前舉行《Cloud's Silver Lining Trip 音樂會》。

《Cloud's Silver Lining Trip 音樂會》

Cloud雲浩影

「Silver Lining」。

與粉絲合照

大合照

拍攝花絮

Cloud雲浩影

「以往音樂會上，透過耳機聽我唱歌嘅人只有樂手們，係好親密又好特別，今日你哋都會喺耳機聽到。」Cloud走到觀眾當中演唱《我們還有幾多時間》、《話到口中》和《別怕》。「今次專輯《Silver Lining》來自一句『Every cloud has a silver lining』，意思係即使烏雲都有一條銀色邊，都有一絲光明。」

翻唱薛凱琪的《Better Me》時，Cloud顯得特別感觸，「無論做啱做錯都有佢嘅原因，希望大家好似我咁，每朝早瞓醒都係一個新嘅自己，剛才首《Better Me》有一句好重要，亦係我好想『做一個值得你驕傲的Better Me』。」音樂會尾聲，Cloud說：「呢個屬於你同我嘅moment，我想透過呢首歌話畀大家知『雨後都有彩虹』。」然後她自彈自唱Kacey Musgraves的《Rainbow》。

音樂會後，Cloud接受訪問，她坦言心情緊張過大型演唱會，「一開始我都有啲驚，擔心呢個idea到底work唔work？因為用耳機聽好親密，會聽到好細緻和放大瑕疵。」出場後感受到觀眾的能量和反應才安心，說：「我見到有觀眾流眼淚，真係一個好特別嘅moment。我覺得同大家好close，一開始好緊張，因為大家圍住我，好近，個力量好大，適應之後就能夠好好去enjoy。」

Cloud坦言唱《Better Me》時特別感觸，她說：「平時唱呢首歌都會觸動我，而今次嘅觸動位係『有一天生命老去還好謝謝有你』，我望住咁多人帶住耳機好專心咁聽我唱歌，唔知我嘅歌手生涯會有幾長、有幾遠，但我好多謝曾經喺度支持過我嘅朋友仔。雖然會有完結嘅一日，我會老去，好感謝曾經同大家一齊，有過呢啲moment！」

音樂會上Cloud唱了多首新專輯的作品，唯沒有唱英文歌《Love Me Like That》，是她刻意留作買碟歌迷的專屬驚喜。而灌錄此歌前有個小故事，她說：「呢首歌原自一首韓劇歌，要攞版權，對方想聽吓我唱成點先決定批唔批，作為音樂人，我好明白。所以錄嘅時候都有壓力，驚唔批，即係我唱得唔夠好。嘻嘻，最後批咗，即係可能連原唱Sam Kim都聽過喎，好開心！」

今次專輯Cloud首次通宵拍攝，她說：「專輯概念『Silver Lining』，黑暗與光、光與影嘅關係。好多時候人生嘅ups and downs，經歷過低沉先至會明白開心，同埋好嘅事情係嚟得幾咁難能可貴。所以今次特登喺黑暗中拍攝，希望帶出訊息：『黑暗入邊都有光』。」她穿梭晚上的咖啡店、街道和海邊，捕足美麗的夜景和大自然的晨曦。

晚上如何享受me time？Cloud表示：「夜晚嘅我鍾意睇電話同埋浸腳，用啲中藥包煲水嚟浸腳，聽歌攞靈感，有時夜晚寫歌都幾有feel，當然仲有瞓覺啦！有時日頭開始寫歌填詞，埋尾錄埋好多時已經深夜，所以我覺得深夜同音樂人有好大關連。」其中新歌《別怕》由她親自作曲填詞並在深夜錄音，她說：「呢首歌以第三身嘅角度去鼓勵自己『唔好驚』，因為我好多時候都會自己同自己講嘢，所以想用第三身嘅角度去寫呢首歌。」

往下看更多文章

雲浩影參與音樂兒童基金會音樂劇大讚小朋友專業怕令佢哋失望

由音樂兒童基金會（Music Children Foundation，MCF）主辦、利希慎基金贊助的大型原創音樂劇《音樂點連結》，於昨天起（9月5至6日）假九龍灣東九文化中心劇院一連三場隆重上演。昨日下午首演場，更特別邀請演藝及文化界嘉賓到場欣賞。

是次製作匯聚約180位兒童管弦樂團及合唱團成員，並邀得年輕女歌手雲浩影（Cloud）擔任特邀演出嘉賓，她將以歌聲演繹原創歌曲，串連音樂兒童的成長、家庭、陪伴與希望的真實故事。屆時，舞台亦結合多媒體效果，觀眾將與音樂團隊一同沉浸於「連結」主題的和諧共鳴之中。

同時，音樂兒童基金會創辦人兼行政總監龐秋雁（Annike）在演出前，聯同Cloud一同會見傳媒。首演場更獲多位長期支持基金會的朋友到場欣賞，包括2017年曾參予音樂劇，擔任特邀演出嘉賓的陳國邦，另外曾在MCF擔任三年義工，並參與2017年音樂劇演出的梁雍婷、曾於中環街市《跳出劏房的音樂兒童》展覽及音樂會任義務司儀的羅頌欣，以及一直身體力行支持基金會活動的鄭子誠與劉倩怡夫婦，他們亦曾為2022年週年音樂會錄製旁白，一眾嘉賓都與MCF存在「連結」情誼。

真實故事搬上舞台家長伴學員一起演出

今次音樂劇以「連結」作為主題，劇本故事非常真實，由導演李頴康帶領一班學員及家長將他們的故事重現，並以Song Cycle（原創音樂劇歌曲集）的形式緊扣每一幕。是次演出於九龍灣東九文化中心劇院舉行，配合現場管弦樂演奏，並巧妙運用場館的多媒體與舞台科技，細緻呈現每段關於成長、家庭、陪伴與希望的感人故事。

創辦人龐秋雁（Annike）表示：「一班人一起學音樂，合奏、合唱才是最開心。這次更將學生與家長連結，增添和諧，甚至想在演出時與觀眾都可以連結一起。」

今次音樂劇當中有七個故事，串連了音樂兒童的成長、家庭、倍伴及希望的真實故事。這次邀請了雲浩影參與演出，首要當然是是演出者，需要有一把美麗的聲線，以及唱歌好聽。加上Cloud的形象清純，邀請她中參與演出最適合不過了。Annike坦言最初都擔心Cloud本身是唱流行音樂，與音樂劇的Classical Music夾不到，但聽完她第一次獻唱後就全然放心了。Cloud表示小時候也是受惠於音樂機構，以相宜的價錢去學習音樂，所以今次都很希望參與「音樂兒童基金會」的活動。

提及與180位小朋友合作，Cloud大讚他們很專業，在暑假時已努力排練，她反而怕自己演出會令他們失望。她說：「這次的歌曲都很難唱，我要在流行音樂及古典音樂當中取得平衡，而小朋友就會以合唱團的方式獻唱。」她又笑言小朋友們很可愛，見到她時大叫：「明星呀。」Annike笑指小朋友不知由何找來一些小紙張，紛紛追住Cloud要求簽名留念。

梁雍婷為龐秋雁學生曾在MCF當義工音樂兒童珍惜學樂器機會

一眾嘉賓亦與Annike談及這份「連結」情誼，梁雍婷原來以前亦是龐秋雁的學生，曾於基金會當了三年義工。她說：「記得當時是在深水埗一個很細的房間，龐老師找了不同導師教小朋友學樂器。我就負責搬枱櫈讓小朋友學習，他們很佻皮，有些家庭背景比較複雜，未必很開心。但小朋友們都很珍惜可以學樂器的機會，那幾年我覺得很難忘，很開心基金會可以行到這麼遠，其實每個小朋友將來都可能會成為音樂家。龐老師的初心也沒有想要做到甚麼，只是想透過音樂，希望改變到一些小朋友的人生。」

龐秋雁感激鄭子誠與劉倩怡義務聲演

龐秋雁在記者會上更介紹到場嘉賓，談指2022年，正處疫情爆發期，當時基金會找人義務錄旁白。當時鄭子誠與劉倩怡二話不說便來幫忙。劉倩怡表示跟秋雁相識很久，知道她當初與妹妹由在茶餐廳開會開始，到現在有幾千尺的地方，讓小朋友學音樂，一定會支持她。鄭子誠稱關於音樂的活動一定會支持及參與，他相信音樂的重要性，而且學習音樂的學費很貴，秋雁讓很多基層家庭的小朋友有機會接觸音樂。

陳國邦有感一代一代傳承藝術文化

陳國邦與龐秋雁是演藝學院時的同學，國邦表示今日有很深的感受。因為今早才為鍾景輝先生的展覽開幕，King Sir是他們的老師。現在看到秋雁教出了出色的學生梁雍婷，亦帶着一班小朋友做藝術表演，正是一代一代傳承下去。秋雁指不止戲劇，音樂亦可以傳承，她過往一些學生現在也有回來教小朋友，將來梁雍婷又可能會從事教學的工作，這便是傳承的精神。

你或有興趣的文章

雲浩影為新碟舉行沉浸式耳機分享音樂之旅 通宵影專輯封面穿梭黑暗尋找光影