雲浩影為新碟舉行沉浸式耳機分享音樂之旅通宵影專輯封面穿梭黑暗尋找光影

娛圈事

雲浩影為新碟舉行沉浸式耳機分享音樂之旅通宵影專輯封面穿梭黑暗尋找光影

2026年04月24日 16:30 最後更新：17:33

雲浩影（Cloud）前日（4月22日）推出全新專輯「Silver Lining」，並於晚上在中環PMQ舉行《Cloud's Silver Lining Trip 音樂會》，全場逾300位歌迷席地而坐，透過耳機沉浸式享受Cloud現場演繹新碟內作品和她喜愛的歌曲，展開不一樣音樂之旅。

歌迷一早在場外排隊購買海報和小卡等周邊，然後魚貫入場，坐在地上「小雲朵地氈」，音樂會開始。Cloud拿著在新歌《雪愛》MV中亮相的可愛記事簿登場，簿內記下她的感受和音樂會流程，長裙下的她仙氣滿滿。她演唱《別畏高》和《雪愛》後問歌迷：「你哋緊唔緊張？我好緊張，我係P人嚟架，作為今日導遊，我都替大家緊張！」歌迷一片笑聲。

點擊看圖輯

Cloud日前舉行《Cloud's Silver Lining Trip 音樂會》。

《Cloud's Silver Lining Trip 音樂會》

Cloud推出全新專輯「Silver Lining」。

Cloud日前舉行《Cloud's Silver Lining Trip 音樂會》。

《Cloud's Silver Lining Trip 音樂會》

Cloud雲浩影

「Silver Lining」。

與粉絲合照

大合照

拍攝花絮

Cloud雲浩影

「以往音樂會上，透過耳機聽我唱歌嘅人只有樂手們，係好親密又好特別，今日你哋都會喺耳機聽到。」Cloud走到觀眾當中演唱《我們還有幾多時間》、《話到口中》和《別怕》。「今次專輯《Silver Lining》來自一句『Every cloud has a silver lining』，意思係即使烏雲都有一條銀色邊，都有一絲光明。」

翻唱薛凱琪的《Better Me》時，Cloud顯得特別感觸，「無論做啱做錯都有佢嘅原因，希望大家好似我咁，每朝早瞓醒都係一個新嘅自己，剛才首《Better Me》有一句好重要，亦係我好想『做一個值得你驕傲的Better Me』。」音樂會尾聲，Cloud說：「呢個屬於你同我嘅moment，我想透過呢首歌話畀大家知『雨後都有彩虹』。」然後她自彈自唱Kacey Musgraves的《Rainbow》。

音樂會後，Cloud接受訪問，她坦言心情緊張過大型演唱會，「一開始我都有啲驚，擔心呢個idea到底work唔work？因為用耳機聽好親密，會聽到好細緻和放大瑕疵。」出場後感受到觀眾的能量和反應才安心，說：「我見到有觀眾流眼淚，真係一個好特別嘅moment。我覺得同大家好close，一開始好緊張，因為大家圍住我，好近，個力量好大，適應之後就能夠好好去enjoy。」

Cloud坦言唱《Better Me》時特別感觸，她說：「平時唱呢首歌都會觸動我，而今次嘅觸動位係『有一天生命老去還好謝謝有你』，我望住咁多人帶住耳機好專心咁聽我唱歌，唔知我嘅歌手生涯會有幾長、有幾遠，但我好多謝曾經喺度支持過我嘅朋友仔。雖然會有完結嘅一日，我會老去，好感謝曾經同大家一齊，有過呢啲moment！」

音樂會上Cloud唱了多首新專輯的作品，唯沒有唱英文歌《Love Me Like That》，是她刻意留作買碟歌迷的專屬驚喜。而灌錄此歌前有個小故事，她說：「呢首歌原自一首韓劇歌，要攞版權，對方想聽吓我唱成點先決定批唔批，作為音樂人，我好明白。所以錄嘅時候都有壓力，驚唔批，即係我唱得唔夠好。嘻嘻，最後批咗，即係可能連原唱Sam Kim都聽過喎，好開心！」

今次專輯Cloud首次通宵拍攝，她說：「專輯概念『Silver Lining』，黑暗與光、光與影嘅關係。好多時候人生嘅ups and downs，經歷過低沉先至會明白開心，同埋好嘅事情係嚟得幾咁難能可貴。所以今次特登喺黑暗中拍攝，希望帶出訊息：『黑暗入邊都有光』。」她穿梭晚上的咖啡店、街道和海邊，捕足美麗的夜景和大自然的晨曦。

晚上如何享受me time？Cloud表示：「夜晚嘅我鍾意睇電話同埋浸腳，用啲中藥包煲水嚟浸腳，聽歌攞靈感，有時夜晚寫歌都幾有feel，當然仲有瞓覺啦！有時日頭開始寫歌填詞，埋尾錄埋好多時已經深夜，所以我覺得深夜同音樂人有好大關連。」其中新歌《別怕》由她親自作曲填詞並在深夜錄音，她說：「呢首歌以第三身嘅角度去鼓勵自己『唔好驚』，因為我好多時候都會自己同自己講嘢，所以想用第三身嘅角度去寫呢首歌。」

往下看更多文章

Anson Lo挑戰韓劇級悲壯慘情歌新歌《最後一個降落傘》邀Cloud演繹癌症生死戀

MIRROR成員盧瀚霆Anson Lo推出全新音樂作品《最後一個降落傘》。有別於以往標誌性的勁歌熱舞，Anson Lo 這次回歸慘情歌系列，挑戰充滿韓劇主題曲視感的悲壯曲風。新歌不僅再度邀得 Wyman（黃偉文）填詞，更首度邀請女神歌手 Cloud（雲浩影）擔任 MV 女主角，共同上演一段催淚的虐心生死戀。

《最後一個降落傘》由 Terry 徐浩作曲及監製，並由 Wyman 填詞。Anson Lo 透露，這次是自己睽違多時再次推出的慘情作品，而歌曲在誕生之初便已充滿淚點：「第一次收到 Terry 嘅 demo 嘅時候，其實我一聽就已經好想喊，覺得下一首好悲慘、好悲壯，有一啲似韓劇主題曲嘅感覺。」

因為這份直覺，Anson Lo 主動向 Wyman 提出寫一首好慘嘅歌的要求。Wyman 最終以「降落傘」作為歌曲的核心意象，背後寓意既甜蜜又殘酷。Anson Lo道：「Wyman 用降落傘去比喻情侶之間嘅『二減一』假設性問題，如果飛機失事，唯一一個降落傘應該留畀邊個？情侶甜蜜鬥氣時嘅有趣對話，當你真正失去呢段愛情嘅時候，回想返就會顯得更加之痛。」

為了呈現這份極致的悲傷，Anson Lo 在腦海中構思了一個淒美的愛情故事，並將其融入劇情式 MV 當中。為此特別邀請了 Cloud（雲浩影）首度正式合作飾演情侶。MV 講述兩人原本是一對甜蜜的戀人，無奈女主角不幸患上癌症離世。在喪禮的場景中，Anson Lo 來到現場彈奏女主角生前最愛的歌曲，藉此表達一輩子都無法忘記對方的深情。正因為親自參與了劇本構思，Anson Lo 坦言在拍攝時更容易代入情感，交出極具感染力的虐心演繹。

除了在劇本上出謀獻策，Anson Lo 在造型與製作上也展現了對作品的極致執著。配合慢歌的氛圍，他這次在妝容、髮型、服裝，甚至隱形眼鏡上都刻意步向樸素，撇除平時在舞台上華麗的跳唱形象，呈現出最純粹、脆弱的一面。

談及對作品的參與度，Anson Lo 表示：「咁多年嚟，自己都好執著或者好要求自己喺作品上有高參與度。從第一首歌開始，無論 MV、作曲定係每一個場景着咩衫，自己都有九成九嘅參與。因為每一次嘅作品，自己係最知道自己想呈現啲咩面相、唔同嘅風格。我都 proud of 呢份執著。」這份認真甚至延續到後期製作。他透露自己每一次不論是出席活動的影片，還是每一個 MV 的剪接，他都一定會親自走上剪接室，與導演並肩作戰一同修改。他亦特別感謝幕後團隊與導演的包容，讓每一次的合作都能在愉快的火花中完成。

你或有興趣的文章

雲浩影為新碟舉行沉浸式耳機分享音樂之旅 通宵影專輯封面穿梭黑暗尋找光影