Cloud雲浩影為新歌苦練「舞」功 MV男主角黃溢濠跳舞初體驗期待Live演出

夏天，為大地帶來雨水，換了亞麻子髮色的Cloud雲浩影亦帶來新歌《我想和你虛度光陰》，曲風清新輕快，MV導演想到赤柱拍外景，男女主角在街頭偶遇一舞定情的浪漫畫面，慶幸拍攝當日除了早上灑過一陣雨，整個MV總算在晴朗的天氣下完成，但高溫的夏日，Cloud和MV男主角黃溢濠還要在大街上翩翩起舞，鏡頭前畫面浪漫甜蜜，鏡頭後兩個卻熱到大汗淋漓。

Cloud、MV導演、MV男主角黃溢濠

觀看相關影片按連結：https://youtu.be/O__X7YL8i5o

Cloud的新歌《我想和你虛度光陰》，作曲有Hans陳思翰、袁景翔、王璠，填詞陳詠謙，編曲和監製是和Cloud合作無間的蘇道哲，「呢首歌俾人一個好開心嘅感覺，好自在好自由，所以想藉住呢個MV去排吓舞、郁多啲，同埋構思呢個MV嘅時候我覺得係要有一個男主角，因為我想呢個MV有啲戲劇嘅成份，有啲LaLa Land嘅感覺，要搵個男主角有啲型、又幾靚仔、有啲Charm、笑起上嚟好好睇嘅男仔，所以搵咗黃溢濠。」

拍攝花絮

拍攝花絮

被Cloud力讚，黃溢濠分享自己當日被邀請時的趣事，他說：「當時我哋好random咁撞到，佢第一句就問我你識唔識跳舞？我話我唔識，但我可以學，可以好快學到，跟住佢就：嗯！咁我諗吓先啦！」Cloud接著說：「我真係咁講嘅，因為佢好認真咁問我要跳到咩程度，好上心，好認真咁對待呢件事，我就話唔使練好多㗎咋，但我哋都練咗好多堂。」

拍攝花絮

拍攝花絮

Cloud坦言入行以來，從未試過為一個MV，到排舞室排舞，前前後後上了五天跳舞堂，她說：「溢濠係一個超認真同埋好謹慎嘅人，我上第一堂跳舞堂，當時剛剛搵佢，佢已經主動問我可唔可以嚟睇？後來我見到佢個樣好擔憂，我冇見過佢咁擔心。」

拍攝花絮

拍攝花絮

拍攝花絮

演而優質導，但對於跳舞，黃溢濠坦言與舞蹈這回事有一段距離，「到後來睇完Cloud跳舞，覺得都可以handle到，所以冇之前咁大嘅顧慮，同埋睇到係練得到嘅嘢，唔係要我個頭喺度轉，加上因為個MV有跳舞，所以我好想接，頭先都講我係唔識跳舞，但我就係想學吓。」

拍攝花絮

拍攝花絮

拍攝花絮

當日排舞老師Jacko也在場，即使天氣再悶熱，Cloud仍爭取在埋位前，跟排舞老師練習，非常認真。MV故事相當浪漫，講男女主角在街上偶遇一見鍾情，之後更走到大街共舞，途人亦被二人的甜蜜氛圍感染，加入一起跳舞，故當日一共出動了21位dancers一起拍攝。二人先拍攝街上偶遇的戲份，Cloud拿著玫瑰花走到黃溢濠身旁，一見鍾情的場面原本甜蜜浪漫，但Cloud常常不小心整斷花束，被現場工作人員取笑她是「摧花賊」，黃溢濠見狀亦哭笑不得。

拍攝花絮

拍攝花絮

到正式拍攝二人共舞的畫面，每一次完成拍攝，兩人都會主動睇playback（拍攝回放），希望在動作和表情上加以改進，盡力做到最好，即使每拍完一take，兩個都要不斷抹汗補妝，但仍堅持拍了十多次，非常專業。

拍攝花絮

拍攝花絮

拍攝花絮

拍攝花絮

共舞場面完成，滿頭大汗的Cloud說：「頭先好奇怪，點解溢濠咁大力轉我呢？平日排舞都唔係咁，原來佢想搬番我個樣去cam（鏡頭），但其實我哋係唔使望cam，但一個專業嘅演員，係需要眼顧四方。」

拍攝花絮

拍攝花絮

問到黃溢濠對於自己的表現？他說：「我只係覺得好熱，因為剛才轉咗好多唔同嘅機位，呢度我哋要做咩？要加啲咩？所以先可以拍得咁快。」問到有冇機會可以現場欣賞到二人共舞，Cloud說：「會唔會Live？嗯！我覺得好難，因為要搵番個男主角。」但身旁的黃溢濠馬上說：「我可以呀，睇吓個歌手會唔會邀請我囉！」

大合照

今年是新城廣播有限公司三十五周年，為隆重其事，新城廣播將於今年8月23日晚上8時，假香港會議展覽中心Hall 5BC舉行一場盛大的「Metro Anniversary 35 "Spectrum of Self"」音樂會。四位人氣歌手鄧麗欣（Stephy）、雲浩影（Cloud）、黃淑蔓（Feanna）及盧慧敏（Amy Lo）將首次攜手演出，以她們獨特的個人魅力與音樂，在舞台上碰撞出最璀璨的火花，作為新城廣播呈獻給廣大聽眾的一份誠意禮物。

雲浩影（Cloud）

盧慧敏（Amy Lo）

四位歌手雖然風格各有不同，卻同樣散發著當代年輕人敢於突破的光芒。Stephy由偶像派蛻變為全能藝人，見證一代少女的成長軌跡；Cloud以空靈嗓音俘虜樂迷，盡顯新生代女聲的獨特氣質；Feanna則憑著青春洋溢的活力，成為校園樂迷的寵兒；Amy Lo從影視跨界音樂，展現活力多變的個性。

黃淑蔓（Feanna）

鄧麗欣（Stephy）

是次演唱會以「Spectrum of Self」為主題，舞台設計成為另一焦點。製作團隊大膽採用鏡面柱與棱柱裝置結合LED Wall及嶄新投影技術，每一支柱體獨立聳立舞台，卻能隨燈光角度折射出變幻萬千的光芒。屆時四位歌手除了演繹自己的人氣作品外，更會精心挑選多位樂壇前輩的經典金曲，以年輕聲線重新詮釋。選曲極具心思，勢必為全場樂迷帶來驚喜。

四大人氣歌手首度合體。

對於今次能夠破天荒同台演出，四位歌手都表現得相當興奮，Stephy開心表示：「好期待可以同其他三位歌手企喺台上唱歌，至於我哋會合唱咩歌？大家入場睇就知，希望到時見到大家。」Cloud亦雀躍表示：「我有好多歌都好想唱，除咗自己嘅歌，偶像嘅歌當然會唱啦！」Feanna則對選歌方面較為著緊，她稱：「我想揀一首金曲，可以向我哋樂壇前輩致敬，又可以全場大合唱，個氣氛一定好正！」Amy Lo就搞笑謂：「相比起其他三位歌手，我舞台經驗比較少，好希望今次可以享受舞台演出之餘，亦都可以吸收吓舞台經驗，每次都有進步就心滿意足了。」