雲浩影馮允謙合作拍新廣告 揸駕麵包車遊走busking

「仙氣女神」雲浩影（Cloud）冧莊再為麵包擔任代言，而且今次「嘉頓麵包蛋糕系列」與師兄「唱作王子」馮允謙（Jay）一齊唱主題曲和拍廣告。他們開著紅色格仔麵包車，遊走香港街道，最後停泊在灣仔海傍，Jay彈結他與Cloud彈琴合唱廣告歌，吸引途人圍觀，就好似busking，非常開心。

Cloud冧莊再為麵包擔任代言，今次更與Jay一齊唱主題曲和拍廣告。

Cloud指住Jay的格仔款領巾問：「睇到呢個格仔，可唔可以估到我哋拍咩廣告呢？哈哈，今次首廣告歌有新版本，係加長版，我哋就好似拍MV，最有feel係好似busking，有一大班觀眾。」Jay說：「我覺得好好玩，因為我哋好鍾意唱歌，今日就好似做返平時嘅自己，對住觀眾唱歌，開開心心，我覺得好正！」

拍攝花絮

拍攝花絮

拍攝花絮

拍攝花絮

Cloud揚言是綠色格仔口味的fans，她說：「之前我出story話買唔到呢款之後，每逢有人買到呢款，或者買嘉頓麵包都會tag我。客戶好好，送咗一大籃麵包畀我，我有同朋友和同事分享，我食唔晒！我鍾意食烘麵包加Ham & Cheese（火腿芝士）。」Jay同意，「之前開騷跟營養師餐單，可以食橙色格仔包裝嘅麥包，我有時都會加Ham & Cheese，但通常我會淨食，仲可以食5塊。」

拍攝花絮

拍攝花絮

拍攝花絮

如果要為Cloud設計一款三文治，Jay立即營養師上身，「知佢貪靚又鍾意keep fit，我會放多啲蛋白質，尤其是開騷前會食好多雞胸肉，我想做雞肉三文治畀Cloud。」她點點頭表示滿意。相反，她為Jay設計的三文治卻遭對方抗議，她說：「我會用Bafala Cheese同埋番茄做三文治畀Jay。」Jay問：「吓，無肉㗎？我最鍾意食肉喎！」Cloud堅持：「唔得，無得加，你試吓先，好好食㗎！」Jay笑說：「原來Cloud係一個咁樣嘅女朋友！」

拍攝花絮

拍攝花絮

拍攝花絮

「唱作王子」馮允謙（Jay）全新派台廣東歌作品《Break Me Down》上架，MV超有電影感，為隆重其事，邀請逾百Fans在尖沙咀MCL K11 Art House戲院，一齊欣賞MV首播。之後Jay和導演Sheng Wong與Fans互動，解答謎團，由DJ阿酸擔任主持。入場Fans得到MV中Jay簽的誓約，開場前他親自逐張簽名、畫專屬Logo及紅色火漆印章，儀式感滿滿。

逾百Fans一齊欣賞MV首播

「唱作王子」馮允謙（Jay）

馮允謙（Jay）全新派台廣東歌作品《Break Me Down》上架

馮允謙（Jay）全新派台廣東歌作品《Break Me Down》上架

之前Jay主演電影《得寵先生》已登上大銀幕，但首次在戲院大銀幕睇自己的MV，而且與Fans一同見證，感覺不一樣的興奮，笑言「好威」。他說：「好開心，好耐無見我啲Fans，第一次同佢哋一齊睇MV，即時聽到佢哋嘅反應。」他笑問：「我有冇演技大爆發？」

新歌《Break Me Down》由Jay作曲、周耀輝填詞、葉澍暉編曲、周錫漢監製

新歌《Break Me Down》由Jay作曲、周耀輝填詞、葉澍暉編曲、周錫漢監製

新歌《Break Me Down》由Jay作曲、周耀輝填詞、葉澍暉編曲、周錫漢監製

Jay跟Fans自拍

新歌《Break Me Down》由Jay作曲、周耀輝填詞、葉澍暉編曲、周錫漢監製。Jay說：「呢首歌題材有關『重生』，今年係我入行第15年，寫過好多歌，好想有啲突破，發掘自己音樂上有咩好想做而又未做？諗咗好耐就寫咗呢首歌。」新歌將「Jay式曲風」推上另一個境界，他說：「呢首歌dark dark地又有啲beat，寫嘅時候我已經好有畫面，諗定開騷點樣去表演呢首歌，我有好多諗法，大家期待吓！」

「今次MV導演Sheng有好多ideas，故事好有創意，好多嘢想拍，原本要用兩日時間，但我哋縮短為一日拍晒。今次MV故事好特別，我唔只一個角色，係有幾個Jay。個故事跳來跳去，好有趣，可能睇第一次get唔到，唔緊要，keep住睇幾次就get到。」MV中Jay為逃避殺手追捕，走入街市，打翻菜攤又躲入豬肉檔，同時Jay亦是殺手，還有一個Jay被困密室中瘋狂尖叫，加上鬧市飛車和爆破畫面，劇情緊張刺激。

今次MV邀請身手敏捷的王靖瑩（Charlie），飾演Jay逃亡時的拍檔，兩人一身戰鬥格打扮，加上臉上的傷妝，非常有型！他們跑到大廈天台樓，還攀上儲水庫的頂層，Charlie大讚風景美麗，周圍高樓大廈很有香港特色，但Jay坦言好驚，說：「我有畏高，好怕玩過山車嗰啲，但曾經因為工作需要跳降傘，我大嗌唔到，壓住喺入面好辛苦。人哋話玩完一次就會克服，但我唔係，依家仲驚！」