阮經天晒肌打泰拳 自小靠霆鋒「發家」

謝霆鋒主持的美食節目《十二道鋒味3》請來台灣型男阮經天到泰國拍攝。除了曬肌肉打泰拳，阮經天還透露早年靠出售「謝霆鋒同款」潮牌服裝賺了很多錢，霆鋒聞言立即一臉難以置信表示：「我跟潮有關係？」

霆鋒與阮經天赤膊上陣，大晒肌肉。

雖然霆鋒只比阮經天大兩歲，但因為早成名，霆鋒早已成為小天及很多同齡人士偶像。小天笑言：「我小時候靠你（霆鋒）賺了很多錢。」年少的小天發現謝霆鋒的穿衣打扮被同齡人視為「潮」，立刻進口了大量謝霆鋒穿過的同款服裝放在網上售賣，生意很好！霆鋒聞言立即一臉難以置信表示：「我跟潮有關係？」接着就忍不住自爆被經紀人和粉絲寸他「唔潮」、「一件衣服穿N年」的歷史。

小天自爆曾靠賣霆鋒同款潮牌服飾發家致富

霆鋒與小天食飯時，各自講述自己年少輕狂時的往事。

兩大型男在節目內擦出不少火花。

謝霆鋒在節目中表示買菜只專注菜式不講價；反而自稱「只有小時候逛過菜場」的小天原來是個殺價高手。在泰國菜市場，小天眼見霆鋒買菜時眼睛不眨一下更想俾錢，立即攔着他，親自出馬瘋狂殺價，霆鋒在旁看到呆了，餘下全程負責揀食材，價錢問題等別人來操勞好了。

小天在巿場買菜時，大展其講價絕技，令霆鋒歎為觀止。

在泰國二人更赤膊上陣斗泰拳，大晒肌肉十分有睇頭。回到北京「鋒味餐廳」，小天繼續施展「聊天」本領，與送外賣的朋友談天說地。原本霆鋒在廚房忙到飛起，也停下來細心傾聽。

霆鋒工作雖然忙碌，但依然有定時運動，保持身形。

到泰國拍外景期間，二人打泰拳，大展身手。

小天在餐廳滔滔不絕，令霆鋒忍不住偷笑。

謝霆鋒昨日（4月2日）受香港大學未來媒體學院邀請，出席「創意．娛樂．創業：鋒味創新融匯」主題講座，跟大家探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁（Professor Ruby Yang）跟霆鋒對談，後設有問答環節，讓霆鋒答現場同學問題回。

謝霆鋒受香大未來媒體學院邀請，出席「創意．娛樂．創業：鋒味創新融匯」主題講座。

講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己：『我想做福建菜定係泰菜？定係想做麻辣風味？』音樂方面就係揀邊種類型，你想做 Heavy Metal、Rock 定係 Jazz？呢一步就好似揀定個大方向，之後從中再發揮。成個思維路徑都係一脈相承。」

謝霆鋒

霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到，就連價值觀也正在被挑戰：「以前大人教我哋要努力工作、努力讀書先有美好未來，但而家有人話工作只係其中一個options , 甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」

謝霆鋒

霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的Professor Yang突然拿出電話對準他拍照，並說：「呢個係Best View！」哄得全場大笑，就連霆鋒也忍不住笑起上來，隨後霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權。

謝霆鋒

霆鋒解釋：「我相信十年後、十五年後，人類已經唔需要再親自出鏡去拍廣告、拍電影。你諗吓，我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」他認為這個做法同樣適用於運動員，讓他們毋須擔心受傷或體能限制。

謝霆鋒

回想當年，霆鋒笑說：「當然，十幾年前我講呢啲說話嘅時候，所有人都覺得我好黐線。」但他指出，時至今日大家已經歷NFT、Blockchain等概念洗禮，技術上完全做到。他認為現在只差一步：「關鍵就係要睇吓邊個願意做嗰隻白老鼠，第一個去嘗試呢個新方向。」言下之意，這個當年被視為天方夜譚的構想，隨時可能成為娛樂圈的未來趨勢。

謝霆鋒

最後，霆鋒寄語大家：「當然大家要去擁抱、接受同埋點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅Experience。」