「歌神」許冠傑下月紅館開騷，兩個仔許懷欣和許懷谷笑稱紅館有「家」的感覺，懷欣更指自己對孖仔已答應上台同爺爺Jam歌，但最後可能怕羞不敢當眾唱歌。
許冠傑早前出席活動
許懷欣一家（許懷欣IG圖片）
許懷欣（Ryan）提到有意三代同堂演出，笑言一對孖仔已答應，但還是看最後一刻才能決定：「嗲哋平時會同佢哋Jam，唱《Yellow Submarine》咁，佢哋好開心㗎！我問佢哋想唔想上台同爺爺一齊唱，佢哋話好，但係佢哋喺學校聖誕節時表演，上到台見到咁多人即刻怕羞唔敢唱，所以真係要到綵排先知佢哋得唔得。」
點擊看圖輯
許冠傑早前出席活動
許懷欣一家（許懷欣IG圖片）
許懷欣許懷谷撐會上台老豆。
92年《許冠傑光榮引退演唱會》，16歲的Ryan首次上台表演
04年《許冠傑繼續微笑會歌神》，Scottie本負責上台派禮物，最後送驚喜跟嗲哋合唱《天才與白痴》。
許冠傑近年每次開騷，都會邀請Ryan和Scottie同台演出助興。
Ryan笑言小時候愛拿網球拍扮彈結他，囝囝Juilan會攞真結他扮他。
許懷欣許懷谷撐會上台老豆。
「歌神」自83年開始，便在紅館開騷，當時只有7歲和5歲的Ryan和許懷谷（Scottie）對紅館的記憶就是放學後穿着校服到後台玩，Ryan說：「嗰時我哋喺紅館後台走嚟走去，再大啲仲攞埋滑板，趁開騷前紅館出面空地無晒人喺度玩，差唔多開騷開始多人我哋就走。」
後來Ryan開始對音樂產生興趣，11歲終由台後玩到台前：「細個嗲哋成日播Elvis Presley、Beatles同The Beach Boys嘅歌，又會同我哋Jam吓歌，但從來都唔會要求我哋學音樂，到我10歲度開始要求學結他，87年佢見我彈到成首歌，就問我有冇興趣上台表演，嗰時我當係玩，上到台望住嗲哋好快就唔識緊張。」
92年《許冠傑光榮引退演唱會》，16歲的Ryan首次上台表演
但Scottie卻迷上打機：「我最鍾意同Uncle Ricky（許冠英）打機，媽咪都投訴Uncle買好多Game俾我。」不過為了最愛的爸爸，04年Scottie也上台獻唱：「媽咪鼓勵我俾個surprise嗲哋，我就用咗兩個月學廣東話唱《天才與白痴》，綵排佢聽到，雖然演出冇咗驚喜，但佢感動到喊唱唔到歌呀！」
04年《許冠傑繼續微笑會歌神》，Scottie本負責上台派禮物，最後送驚喜跟嗲哋合唱《天才與白痴》。
這些年Ryan和Scottie做過無數次爸爸演唱會嘉賓，他們依然覺得站在紅館很好玩：「每次嗲哋開騷，就好似家庭聚會，大家開個Party咁，真係好開心，無壓力好好玩。」今次的演唱會他們又會有何特別演出呢？鬼馬的Scottie即說：「我哋應該會唱五首歌，但rundown每日都變，未知唱邊啲歌，或者到時又有surprise呢！」
許冠傑近年每次開騷，都會邀請Ryan和Scottie同台演出助興。
身為創作歌手的許懷欣（Ryan）希望將來自己成為主角，反過來邀請爸爸和細佬再上紅館台開Party，他更希望一對5歲的孖仔，將來一齊唱爸爸的金曲：「我而家冇專登教佢哋音樂，但係佢哋成日會攞我個結他嚟玩，如果將來佢哋想做歌手都唔會反對，但同嗲哋對我一樣，完成咗大學先。不過我好想佢哋識多啲中文，打算安排佢哋讀傳統學校學好中文，起碼聽得明爺爺啲歌嘅意思嘛！」
Ryan笑言小時候愛拿網球拍扮彈結他，囝囝Juilan會攞真結他扮他。
